[البدراني محمد]

عديت في راس الطويلة من سواج = عديت رأس النايفة من سواجي
عديت رأسه وأول الصبح ماأمباج = صادفت في رأس الطويل انحراجي
اثر الهوى ياهل الهوى يحرج احراج = علت سرطان(ن) عديمت اعلاجي
أليا انتحى راعيه ما يطيع هراج = واللي يعذلني ما مزاجه مزاجي
يضرب السباح غبات الأمواج = الموت شيال الجنايز يفاجي
أنا ذبيح اللي يتبرج تبراج = ايست منه وراح يرجيه راجي
أبو خدود(ن) ياسعد تلعج العاج = حبه مزلزلني وفي ارتجاجي
يمزح معي وان جيت أبا أمازحه ماج = و شره عليه داخل الروح لاجي
ماخبر غيره بالهوى اسرج بي اسراج =ولاعندنا مثله مع الناس راجي
ياشبه وضح(ن) صيفت يم الافلاج =غدالها على الرحول ادراجي
مع ذود صمل(ن) باول الذود مدباج = ما الهوه عنها رافعين الحجاجي
من حيث ماساجت على ودها ساج = عينه لخاطرها وقلبه هجاجي
وضح(ن) فروع(ن) لو تبي تلبس التاج = تاخذ على زينات الالوان تاجي
وياعود موز(ن) له على تسعة ابراج = يرشه الرشاش تسع البراجي
يشرب على عين(ن) مثل عين هداج = فوقه ظلال وتحته المي ساجي
واليا نظرت بعود ونهود وحجاج = غديت مثل اللي طواه الخلاجي
بس اتمنى والمنى صاحبه داج = لاواهني اللي من الحب ناجي
والحب مشوا به شيوخ(ن) للأفواج = ومشاه حماي التوال العواجي
وأنا عرضلي عرضة اجحى لحجاج= بفرض عليه رادته باحتجاجي
وتاثره صحيح علاج مايعوض بعلاج = وأنا ياأبو سلمان غاد(ن) اعلاجي
دونه تجوري(ن) على عشرة ادراج = غطاه ليل ومظلم الليل داجي
والليل غطى راس ابانات وسواج = واصبح على الجرة رشاش وعجاجي