الموضوع: عزوة بدارين
عرض مشاركة واحدة
قديم 13-09-2011, 02:25 PM   #1
افتراضي عزوة بدارين

السلام عليكم ورحمة الله وبركاته
الاخوان الكرام
قصيده من الاخ الشاعر القدير /بدر هادي الحويمضي انقلها لكم كما هي من منتديات الحوامضه بقلم شاعرها وبيض الله وجهه وصح لسانه فالوفاء ليس بغريب على مثله
استعجلت بتنزيلها هنا قبل اكتمال الرد عليها وسأوافيكم به بإذن الله قريبا مع قصائد الحفل الاخرى وفقراته

اقتباس:
اعضاء منتديات الحوامضه اهديكم هذه الابيات وهي عباره عن مدح بمن يستحق وهم قبيلة البدارين من حرب وهي بمناسبة الحفل اللذي اقامه الشيخ عبدالمحسن بن عبدالله بن رشيد البدراني بمناسبة زواج ابناؤه
الشاعر /محمد بن عبدالمحسن ونواف بن عبدالمحسن بالرياض بتاريخ 8/8/1432
وأقرب مثل بالهميليه جموع الأمير =يوم الضواري شباع ٍمن مطاريحها
واللي حصل له فرس واللي حصل له بعير=وأخاف يجرح شعور الناس توضيحها
خمسة بدارين والعوفي وورع صغير=مواقفٍ سطر التاريخ تصريحها

وهذه الأبيات تدل على موقعة الهميليه الذي دارت بين ابن رشيد ومن معه من جماعته وبين البدارين وعوف وقيل بعددهم كثير ولاكن الأحراء لكثرة رواته خمسة من البدارين وجدا العوفي وأبنه وقيل أن ابن جدا كان صغير وانتهة بهزيمة ابن رشيد ومن معه والنصر والهزيمه ليس غريبه لأن كل القبائل لهم نصر وهزيمه وقبيلة شمر من القبائل الذي لهم صولات وجولات

عزوت بدارين

سلام والبال صاحي والغلا بالضمير=تبديه الأيام ولألسن مفاتيحها
سلام يالعزوه اللي شوفهم شوف خير=وأفعالهم عز والأعداء مجاريحها
عزوت بدارين والمبدء يسر النظير=يثلج كبود أطيب الأصحاب ويريحها
أهل الوفى والكرم وأهل المقام الكبير=رموز ربعي دروعاً من طحاطيحها
أصل الشجاعه وسيفٍ مايعرف الجفير=يوم القبايل تفاخر في مصابيحها
خصيمهم قسمه الذله وقلبه حسير=ما يهتني بين غمضتها وتفتيحها
يزبْنون الدخيل اللي قفاه النذير=هزيمة القوم عند أول مشافيحها
وأقرب مثل بالهميليه جموع الأمير =يوم الضواري شباع ٍمن مطاريحها
واللي حصل له فرس واللي حصل له بعير=وأخاف يجرح شعور الناس توضيحها
خمسة بدارين والعوفي وورع صغير=مواقفٍ سطر التاريخ تصريحها
واليوم بأمن ورخاء بأمر السميع البصير=والناس مابين غفلتها وتسبيحها
أخوان تجمعهم الطاعه ليوم المصير=وأعمالهم بين هفوتها وترجيحها
قبايل العز كلٍ مع خويه خشير=أمواج تمسح على جرت ضحاضيحها
ومن يجحد الحق خوان البشر والضمير=كل القبايل ونعم في طحاطيحها



أخوكم // بدر هادي الحويمضي







التوقيع

.
.



badrani-123@hotmail.com
محمد عبدالمحسن البدراني غير متواجد حالياً   رد مع اقتباس