عرض مشاركة واحدة
قديم 29-07-2013, 05:11 PM   #1
معلومات العضو
خالد
مصمم منتديات البدارين ومراقب عام

الصورة الرمزية خالد
إحصائية العضو







آخر مواضيعي
افتراضي الشاعر عبيد محيميد البدراني ضيف سهرتنا الرمضانيه ال 20



-في البداية كل سنه وانت بخير ورمضان كريم ؟
وانتم بخير وعافيه وامن وامان ** والله علينا كل عامن يعيده.

- ممكن تقدم نفسك ونتعرف عليك اكثر ؟
عبيد محيميد والجد شايد ** وقبيلتي ياحيّها من قبيله .

- ماهو برنامجك اليومي في الشهر الفضيل ؟
مافيه برنامج ياخالد نسويه ** برنامج الشهر الفضيل امعروفي .

- قبل رمضان هل يكون لك شعور خاص ، او استعداد خاص ؟
نفرح بشهر الصوم لااقبل قدومه ** ونطلب من الله يقبل الصوم منا .

- هل سبق وان صمت في غير بلدك ؟
صمنا ثمان سنين برا وطنا ** مع سيدي نايف عسى الله يبيحه .

- ما ذا تتمنى في هذا الشهر الكريم ؟

ابا اتمنى كانها بالتمنّي ** ان الولي يعتق رقبتي من النار .

- كم كان عمرك في اول رمضان صمته ؟

عمري ثمان سنين واصوم تقليد ** أعاين ابويه واسوّي سواته .

-يسعى البعض جاهدا الى ادا العمره في رمضان هل سبق لك ذلك وماهو شعورك ؟
عمره بشهر الصوم تعدل حجه ** يالله عساها عمرتن مقبوله .

-موقفك من الأشخاص الذين يقضون معظم اوقاتهم في الأسواق والتنقل بين القنوات الفضائيه ؟
حنا بوقت وموسمن للعباده ** ماهو بوقتن للتمشي بالاسواق .

- هل تتوقف نشاطاتك واعمالك في شهر رمضان ؟
اشغالي اللي برمضان الغيها ** اكتب عليها كلها ملغيه .

- ما ذا عن الزيارات هل تحرص ع التواصل الاجتماعي في هذا الشهر ؟

انا اجتماعي برمضان وغيره ** وزيارة الغالين حق وواجب .

- برنامجك في العشر الاواخر يختلف عن بداية ووسط الشهر ؟
برنامجي هو هو مافيه تغيير ** إلا على الطاعة يزيد اجتهادي .

- هل هناك امور تزعجك في رمضان ؟

مايزعج المسلم ويشغل باله ** إلا فعل بشار باهل السنه .

- ذكريات رمضانيه لا زالت عالقه في الذاكره ؟

اذكر زمانن فات ماني بناسيه ** يوم الوناسه والحياه البسيطه .

- كم مره تختم القرآن في الشهر الفضيل ؟
احاول اقرا واجتهد بالقرايه ** واللي قريته عند ربي ثوابه .

- ما هي الهواية التي تمارسها في رمضان ؟
والله ماعندي برمضان هوايه ** إلا الصلاه وطاعة الخلاقي .

- ماهو نصيب النت منك في هذا الشهر ؟
ماله نصيب الا ليا صرت فاضي ** ابحث عن الشي الجديد المفيدي .

- الهاجس الشعري دائم ماينتاب الشاعر في اوقات مختلفه هل الهاجس متواجد لديك في شهر رمضان ؟

لي هاجسن دايم محضّر على طول ** واليا زهمته فز واقف وحيّا

- دائما مايكتب الشعرا في استقبال رمضان ووداعه ماذا كتبت في هذه المناسبه؟
ياما كتبت من القصايد قصايد ** بشهر رمضان وغير شهر رمضاني .

- بماذا تستقبل رمضان ؟ وبماذا تودعه ؟
استقبله في فرحتن مالها وصف ** وودعه في دمعتلّي حزينه .

- ها هي مشارف الختام هناك مساحه حره اكتب بها ما تشاء ؟
أشكرك ياخالد واقّدر مســـاعيك
وتستاهل التقدير والاحتـــرامي
نفخر بوقفـــاتك ونــفخر بطاريك
لاهنت والله ياعزيز الــــــمقامي
واقبل تحياتي عسى الله يعافيك
وللمنتدى واعضاه بلغ سـلامي


تقبلو تحياتي وانتظرونا غداً في لقاء اخر
خالد بن فراج البدراني
khaleed559@







التوقيع

آخر تعديل خالد يوم 29-07-2013 في 05:32 PM.
خالد غير متواجد حالياً   رد مع اقتباس