عرض مشاركة واحدة
قديم 21-12-2016, 07:36 PM   #1
معلومات العضو
نايف الشويب السليمي
عضو في منتديات البدارين
إحصائية العضو







آخر مواضيعي

0 السلام عليكم / بقلمي
0 لانك حمود / بقلمي

افتراضي لانك حمود / بقلمي

مدح وثناء بالشيخ / حمود بن عاتق البدراني

ياحمود انا ابمدحك ياحمود ياحمود=ابمدحك ياحمود مدحٍ مركَّز
لي الفخر يوم انت بالمدح مقصود=ابدع لك القيفان من الراس واعتز
تحلا القصايد فيك ياكاسب الفود=لاقلت قافي فيك يطلع مميز
لانك حمود الاسم والفعل محمود=هزيت حبل الطيب والمرجله هز
والحر مثلك ماكره عالي الطود=لاشافها من عالي النايفه فز
يابو رايد طيبك مع الناس مشهود=الطيب ساسك في جنابك تعزز
ابوك عاتق في سماء الطيب معهود=في عالي الهمَّات قبلك تمركز
ابوك عاتق يومها جهد واجهود=الضيف من جوده حشيمٍ معزز
عينت ريح البن مع ريحة العود=وام الحلايق للمعازيم تركز
فيها الشحم والجود قالوا من الجود=وطبخ الحطب يفرق عن الطبخ بالقز
مضى زمان ابوك والعز موجود=انت الوريث ومنبعك منبع العز
ولاهانوا اخوانك مطاليق وافهود=الكل منهم بالمراجل تعزز
وكل النشامى فيهم الطيب مرصود=والا الردي نقول له بالعلن طز
فيك الكرم والجود والنعم والزود=مجلسك للضيفان ياحمود مركز
لاطبه اللي من عناء الوقت مضهود=نسي اهمومٍ جزته بالعناء جز
مادام شبت نار واسهود وامهود=اكيد كلٍ في حديثه يركِّز
لك عادةٍ ياحمود والعلم ماكود=فيك الشجاعه والوفاء والتميِّز
نلقاك بالحفلات ومع اول الذود =والجيب من كل النواحي مجهَّز
تاصل بعيد الدار لو دونها احدود=فيك الطناخه ماتروم التحيِّز
يابو رايد هذا انت والعالم اشهود=على النقاء تجيبها مانت مبتز
ولو الهدف باطوالها نروح ونعود=لابد من بيتٍ عن الطول يوجز
اختم كلامٍ فيك ياحمود مقصود=ولاجنبت عن مدحكم مابها عز

نايف الشويب السليمي








نايف الشويب السليمي غير متواجد حالياً   رد مع اقتباس