اصعب حروفي لاركب راسـه عنـاد=يلّذ لـي لاعسعـس الليـل عسفـه

[ابن شنوت]

مساكم الله بالخير جميعا,,,

وضح القصايد.! لامتى وانتن رقاد..؟=شاب السكوت .. وخّوة الصمت صلفه
لعـلّ مايقـدح علـى كفّـي زنــاد=لاسقيتكـن بعـد الضمـا ذلّ وطفـه
لاوالله الا توّ مابانت ( سعـاد ) . !!=وتو الهوى مـاوّرد (زهيـر) حتفـه
قالت من انت..؟ وقلت يابنت الاجواد=انا القويّ اللـي قتـل فيـك ضعفـه
=وانا السهير اللـي تعـداك .. نشّـاد=يطرد نهار ويلهـث الصبـح خلفـه
=نجمه يغيب وضيعتـه فيـك تـزداد=ولااشعل سراجه يصرخ الليل.! طفّـه
سجين هم ولابـس.. ثيـاب جـلاد=نصفه ذبيح .. وذابح الموت نصفـه
تلميذ مهمل يشرح الدرس ل استاد ..=بليد . ! واذكى مـن تلاميـذ صفـه
وانا الموقع جرحي ادناه .. من غـاد=الشاعر اللي طّـوع الشعـر حرفـه
اصعب حروفي لاركب راسـه عنـاد=يلّذ لـي لاعسعـس الليـل عسفـه
اعزف لموتـه اغنية..عيـد ميـلاد=واسمع صدى صوت النغم قبل عزفـه
بالصدر طفل يسحـب خطـاه بركـاد=وبالعجز ريح يرعب الكـون عصفـه
لي صدفة احلى مـن الفيـن ميعـاد=ولي موعد احلى من الفيـن صدفـه
وبالناس لي انصاف واقران واضـداد=وكـل يفسرنـي علـى قـد عرفـه
وبي جرح ماله غير نزفه له ضمـاد=وشلون اطيب..؟؟ ولابعد كّف نزفـه
واللي بعث هود ل(ارم ذات الاعمـاد=انا بزمن يشبه زمـن عـاد وصفـه
أصدق من الدمعه على خّـد.. بغـداد=واكذب من اللي شافها وغض طرفـه
غربه. وهم. حيره. ألم. هم. واجهاد=طالـت وضاقـت نسـأل الله لطفـه
ويابنت انا.. طارق مثل طارق زيـاد=لولا الذي قضبّنـي الجمـر كفّـه.!!
والله يلولا. خاطـر عيـون الاوغـاد=ل اقطف لك اللـي ماتمنيـت قطفـه

الشاعر خالد الردادي الحربي

[عادل البدراني]

لي صدفة احلى مـن الفيـن ميعـاد=ولي موعد احلى من الفيـن صدفـه
وبالناس لي انصاف واقران واضـداد=وكـل يفسرنـي علـى قـد عرفـه
وبي جرح ماله غير نزفه له ضمـاد=وشلون اطيب..؟؟ ولابعد كّف نزفـه
واللي بعث هود ل(ارم ذات الاعمـاد=انا بزمن يشبه زمـن عـاد وصفـه
أصدق من الدمعه على خّـد.. بغـداد=واكذب من اللي شافها وغض طرفـه
غربه. وهم. حيره. ألم. هم. واجهاد=طالـت وضاقـت نسـأل الله لطفـه

مشرفنا الغالي بن شنوت


صح لسانك ولسان الشاعر خالد الحربي


الله لايهينك ويعطيك العافيه

نقل رائع وختيار مميـز

[محمد عبدالمحسن البدراني]

ياطيب القصيده وياعذوبتها ويالجمالها


صح لسانه وسلمت يمينك يابن شنوت


تحيتي لك

[تركي الزايد]

الغالي

ابن شنوت

صح لسانك ولسان الردادي

بااقة ورررررد

[احمد بن حزام البدراني]

لي صدفة احلى من الفيـن ميعـاد=ولي موعد احلى من الفين صدفـه
وبالناس لي انصاف واقران واضداد=وكل يفسرنـي علـى قـد عرفـه

ابن شنوت الغالي
الله يعطيك العافية
على النقل المتميز
وصح السان شاعرها