بسم الله الرحمن الرحيم
والله يالربع اعجبتني ها القصايد وبغيت اعرضها لكم وانشالله تحوز على اعجاابكم
ياهل الوانيت اللي تبون المضاهير"="ان كانكم عجلين مرو عليه
ياحبني لمدورين المشاوير"="خصنبه اللي يركبون امعفيه
خلوه يسرح يالوجيه المسافير"="يمه مغيب سهيل وايمن شويه
جمسٍ يثور بالدبادب معاصير"="ويله يشق القاع لو هي قويه
يبعد هموم مقزر الليل تقزير"="اسهر وانا مااونس بعمري شكيه
لوان ماجاني من الدار تقصير"=" قلبي يحب البر وأغلى نديه
اهل بيوتٍ يتعبون المداوير"="يضويلهم مع كل فجٍ رعيه
يازين لجتهم ليا غرد الطير"="كلاَ يبا المغباش يسبق خويه
مضمين والبارح اغشان وشخاتير"="وهجو على نقع الصفاء والحجيه
ياكثر انا ستهم اليا جم مصادير"="كل روى ذوده وملا رويه
وصكم ابيتٍ مدهلن للمساير"="يصبح عليه الصبح والنار حيه
عسا مراويح السحاب المذاكير"="تزي وطنهم كل صبح وعشيه
لين يتساوى قشعها والنواوير"="وتصير مثل سنينها الاوليه
ماوسطها كود اشقح الريم وامطير"="ماطبها الشاوي مربي طليه
يرعونها بمراوزات المقاهير"="وحدودها من كل صوب محميه
من دونها جماعه الشر والخير"="على جميع الناس عسرٍ مجيه
واليوم فيها مثل وردٍ على بير"="تلقابها من كل سبع اللغيه
اقولها عن ضيقت الصدر تعبير"="والا الدهر مادبرته في يديه
العبد ماعنده لدنياه تدبير"="ماعنده الا مايدبر وليه
الشاعر: صحن بن قويعان
يازين شب النار وسط المسيلي"="قدام كسر البيت ينهض عموده
في وسط جوٍ واسع للنزيلي"="فروح مرضه عليك محدوده
عشبه من الوسم المبكر جليلي"="وعليه من تالي العقارب بروده
تفرقوبه مبعدين الرحيلي"="كل يبا زين المضحا لذوده
الفقع يجنونه بوسط الشليلي"="من جود من عم المخاليق جوده
اناست لو مامداها طويلي"="العود يابس والليالي معدوده
اخير من قصرا دفي ضليلي"="راعيه روحه يم جاره تكوده
يقوم مرضان وفتران حيلي"="من كثر مايكل وكثرة رقوده
ومجالس من بين قايل وقيلي"="ناس اتجيب الهرج وتاخذ ردوده
كثر الحسد من بينهم والنقيلي"="العلم لو هو كذب تضهر شهوده
تصور الكذبه من المستحيلي"="منهم كبود الصابرين مغدوده
دنيا تقلب بين عدلٍ وميلي"="تضحك حدٍ واحدٍ تبيح سدوده
الذيب فيها من ثعلها ذليلي"="والداب ياقفله على الدرب دوده
واللي يعد النور فيها قليلي"="تبلش ليا ناضرت نقصه وزوده
شفنا من اقوال المصدق دليلي"="زود من الناقص تعدى حدوده
المال يكثر في يدين البخيلي"="واقوال ترك الصلاه محموده
ينخاف فيها بين صبح وليلي"="الله على السلام يضفي ركوده
ويعز حكام تشيل الثقيلي"="من دون العرب والدين تبذل جهوده
الشاعر:صحن بن قويعان
ياطالب الدنيا تبي منها الاطماع"="منفذٍ ثوبك وتركض وراها
لاتحسبن الرزق يوخذ بالاسراع"="تتعب ولا أنته لاحقٍ منتهاها
ان طعنتني خلك شكورا وقناع"="النفس لاتمدي لها في هواها
ليا عطتك الشبر لاتطلب الباع"="وليا عطتك الوجه خف من قفاها
كم واحدا يشري يبي الربح ماباع"="مالت عليه وحاجته ماقضاها
ميلاتها ما خلت الناس هجاع"="اياك وياء واحدا ما بقاها
وينه وين جنوده اللي له فزاع"="اللي على الكفار دارت رحاها
خلا أهل الاصنام للحق ركاع"="حسن شواربها وسبل الحاها
ماعاد لصحابه سمايا على القاع"="الا عضاما طيب الله ثراها
راحو وقفتهم مصانيم الادراع"="فرسان نجد وشيوخها وزعماها
ولها على دار المقيمين مهزاع"="مادهدمت بحفورها ماكفاها
الله يهدينا على خير الاسناع"="وانه يريح قلوبنا من شقاها
ويجعل منازلنا رفيعات ووساع"="يوم الجوارح تعترف في خطاها
تضاريس الطبايع
ياصاحبـــي لا عاد تنشد عن سبب بغض القلــــــوب
الناس فــي هذا الـــــــــزمن كلٍ مضيّع طـــــــاسته
كــــــــــلٍ يدوّر مصلحة نفسه ولــــــــــو كان مغلوب
يبــــــــي السعادة مادرى إنه يشتري تعــــــــاسته
المــــــــال غيّر ثــــــــــوب ناس وراح لبّس ناس ثوب
غيّر تضاريس الطبايع مــــــــن سبب ســـــــــياسته
بالــــــــوقت هذا ما يعيش إلاّ المنافــــــــق والكذوب
وراعـــــــــي البلاسه تدفعه يـــــــم الردى طفاسته
كل المصايب من سبب كثر الخطــــــــايا والذنـــــوب
والنجس فـــــــــــي قلبه تبيّن للبشر نجــــــــاسته
صارت مفاهيم الخيانه شـــــي عادي ومحَســـــوب
والشــــــــك وارد والحــــــريص تضيّعه حـــراســــته
كل السلوم اللــــــــــــــي تعلمنا تقفتها الهبـــــوب
ماضي جميل وجت سلـــــــــوم بهالزمان وحاسته
الله وأكبر يازمانٍ فات فــــــــــــي عهد الشعــــــوب
كان الــولد يتعب شبابه فـــــــــــي سبيل فراسته
كانت شقا كــــــانت جهل كانت صــــراعات وحروب
لكن بعد كانت نوايا الرجــــــــــــــل أساس دراسته
كان الكرم والطيب وركـــــــاب المراجل ما تتـــــــوب
تحفي قدمها والطريق اللـــــــــــي تعشقه داسته
واليوم نمشـــــــــي في دروبٍ غير عن كل الدروب
كلٍ يدوّر فــــــــــــــــــي حياته عن سبب وناسته
هذا زمانٍ كل زينه شين وعيــــــــوبه عيـــــــــــوب
الطفل مايقدر يحل الــــــــــــــــــــواجب بكراسته
وشلون تنشد عــــــاد عن ســـود النوايا والقلــوب
برقٍ تخيله جـــو يشيلـــــــــــون الضحا عساسته
الشاعر : سعد الجميلي
هــــــــــــادم اللــــذات
من نشدني قلت لا عاد تــــنشدني
راح عندك المنتحي وانت تــــومي له
هادم اللذات قام يتـــــــــــــــواعدني
كل ساعة مرســــــــلٍ لي مراسيله
يا الله إنك عن لظــــــى النار تبعدني
وعن عذاب القبر يا منـــــجي ادخيله
ودي أعرف ليش وقــــــــتي معذبني
عمري اللي فات بالــــــــــيوم والليله
مرهقٍ نفسي حقــــيقة ومزءهقني
الزمان اللي تزايد غرابيـــــــــــــــــله
محرقٍ حالي وانا ادري ومــشرءقني
أيتعبّث بي ولا في يـــــــــــدي حيله
كل ما ادله بالغـــــــــــرابيل يفلقني
ويحَبل لي في طـــــــريقي محابيله
شتت آمالي والاحــــــــلام وارهبني
وأخفي الآلام واصــــــــبر على ميله
أبعد احبـــــــابي وأنا عنهـم أبعدني
صرت أغــــــــني معء عذابه مواويله
لين وثّق بي صــــــــــــوابي ووثّقني
في الطريق اللي علي مقبلٍ سيله
الشاعر: سلطان الحضبي
حــــبي كـــــــــــــبير
أعرف ان اللـــــــــي يحبونك كثير
وأعرف ان الحـــــب ماهو شيطنه
بس حبي لك خــــــلقه الله كبير
احضنه واشـــتاق وارجع واحضنه
من غلاتك أصـــــبح فوادي أسير
ضيّع بلاده وغـــــــــــــادر موطنه
وسط قلبي صرتي الأول والأخير
وبس حبــك وسط قلبي أضـمنه
وكيف تبغيــــــــني أحب ولا أغير
ومن عيوني النــاس حبك تفطنه
أنتي حــــبي لو يصير اللي يصير
وسط قلـــــــبي راسيه متمكنه
الشاعر: سامي الشويل
مــلــتـــــــــاع
يازيد عيني زاهده من جــــــــــهَدها
شف غيرها يرقد وهي شوفها ضاع
أراقب النجــــــــــمات وأخلف عددها
وكل ماعـــــــذلت الجفن عيا ولاطاع
وجلــــــــست أفكر من يخفف لهدها
ولقيــــــت أنا الونات جدوى من التاع
ياونةٍ جريتـــــــــــــــــــــــها ما بعدها
امطــــاوله جسمي من أقصاه للقاع
كنــــــــــــــــي صويبٍ ليلته مارقدها
كلما تحــــــــــرك جضن أعضاه وجّاع
بأسباب طـــــفله ناقضه في عهدها
كل ما تعــــــاهدني لها عنه مرجاع
والقلب خـــــــــــايف من بقايا لددها
أخاف تنطـــــــــق من شفاياه بوادع
وتصير حــــــــــالي ناحله من بعدها
لاني مع الـــــــــــدانين ولاني بقلاع
يابنت شــــوفي حالتي في ضمدها
مجروح وجــــــروحي كثيرات ووساع
من شاف حـــالي سبّها ما حمدها
ضعيف وعظــــــــامي نحيلات ورفاع
ولو تســــأليني حالتك وش ضهدها
أقول حبــــــــــــك ماله علاج شفّاع
إما أوصلينــــــــــــي وصلةٍ ما بعدها
ولا إتركــــــــــــيني دايم الدوم ملتاع
ياشبه وضــــــــــــــحاً ما تقيّد بيدها
متخـــــــــــــذةٍ بأرض المقافير مرتاع
أو شـــــــــــبه ريمٍ بالمفالي وحدها
لا من تحــــــــــــرك ضلها منه ترتاع
الشاعر : عيد بن عويد العنزي
والسلام عليكم ورحمة الله وبركاته
الإهداءات
« آخـــر الـــمـــشـــاركــــات »
26-04-2009, 07:23 AM
7"""" قصائد على كيفك""""7
العرض العادي
