خالد ورذاذ الخوف !!
................
يسيـل الصمت في فـم الكلام وينـطفـنّ احروف
ولو ينقص من المضمون كلمة تكمل الصورة
ويتساقط على شكـل الطمأنيـنة .رذاذ الخـوف
وينبت شـك في غصن الثقــة ويطير عصفوره
وأنا البارح لقيت الليـل ساعي والسهر مظروف
فتح عيني على كلمة صبـاح الخيـر وأسطوره
مثل : راحة يدين ٍ صافحت قبلك نسيج الصوف
عشان تحس وش معنى الدفا؟ لا مدّت شعوره
وأنا شاعر ولا عمري خرجت إلا عن المألوف
مادام الشعـر صبـّــورة غشيم فــ يــدّ طبشورة
لقيت ان السهر راعي محـل يوم العيون اضيوف
وعلى مـر الليالي صار ضيف ٍ متقـن ٍ دوره
أغيب وكـل ماحاولت ابا احضر ما قدرت اشوف
وقدرت اشوف وشلون الغياب يحاول حضوره
ورحت اسأل متى اشوف الليالي: لونها مخطوف
عشان ارتاح من صبح ٍ بخـيل يشـح في نوره
وشفت النخلة اللي آسر ٍضحكة ثمرهـا اسيوف
ولأول مـرة اشـوف الفـرح في عـين مأسورة
وأشوف عيون سهرانة وإبن عم ٍ عماه:الشوف
وخال ٍ ما درى عن بنت اخوه اللي اسمها نورة
ونفس ٍ حايرة تبغى الخروج ولاتـدل الجوف
وتـنهـيـدة حزينـة خـارجة من روح مسـرورة
تشابه أو كآبــة الأكيــد إن الشعـــر ملقــوف
ولو ينقـص من المضمون كلـمة تكمل الصورة
والابداع يستمر
الليلـه .. الليلـه .. سوالـيـف و عـلـوم
هـذا (كحيـلان) .. و هذيـك ( الكحيلـه )
إثنى عشر كوكـب مـع الشمـس معـزوم
فـي ليلـة : السامـر علـى ليـل جيـلـه
إهـداء : لـه مـن عالـم النـور منظـوم
من ( لول " دُرّ " و " ورد " عقـد و كليلـه
للشوق سيف و قـوس و رمـاح و سهـوم
ولشـهـرزاد.. الفـيـن ورده .. وليـلـه.
أهيـف .. مذوقنـي مـن الــود علـقـوم
قتـال يمشـي فــي جـنـازة قتيـلـه.!!
بالحـق عنـده راعـي الحـق مهـضـوم
ينفـض عـن غبـار المضـارب شليـلـه
كـل ماجزمـت ان الهـوى ليـل وحلـوم
أرجع .. واقول حلـوووم ليلـي بديلـه ..!
راع الهـوى يابـو هـوى عايـف الحـوم
( الطيـر وكـري .. والحبـاري قليـلـه )
ماحوله إلا .. هو .. واااهـاااات .. وهمـوم
و (وجيه ناس ).. بدون ناس ..! تهذي لـه
ملّونـي .. و كلّـوا .. و لا ملّـوا ..اللّـوم
بـالـي خيـالـي.. و الليـالـي محيـلـه
لكنك ..البـارح تعديـت .... و ( النـوم ..
بيـن السهيـر و بيـن عينـه و ليـلـه..
سافربـي الـزورق علـى الغيـم مرسـوم
تحـت السمـا و الارض مرسـى دليلـه )
أسبـق مـن البـارح علـى شوفـة اليـوم
ينقـص مـن اطـراف النـهـار لعميـلـه
علمي بي.. اغرق بيـن الافكـار و اعـوم
.أغيب عن وعيـي وا روح..واجـي لـه.!
اقـوم و اقعـد و اخـذ.! شـوي و اقــوم
و اقـول : يـا ليلـي وياطـول ويلـه..!!
شاعـر مهـو بالنـاس بالنـاس مـعـدوم
وشاعر بهم النـاس ... (النـاس : حيلـه )
المنتصر كذبـه علـى الصـدق : مهـزوم
والمنهـزم للـحـق : نـاصـر فضيـلـه
واللـي علـى سـبـع السـمـوات قـيـوم
الواحـد .. اللـي مــا بخلـقـه مثيـلـه
لـو للقوافـي ينفـتـح ســوق لا ســوم
بيتٍ شفـى فيـه ( السديـري )* غليلـه :
( لعـل قصـرٍ مالـه ظــلال مـهـدوم )
يلعـي سـراب البيـن رمـضـا مقيـلـه
رجّـال ِرجِـرجِّـه و رجّــال مـرجـوم
ورجّــال مرجلـتـه تـرجِّـل قبـيـلـه
ومن طـقّ .. بظـلال .. المقفيـن ملـزوم
من نفـس جنـس الفعـل يجنـي حصيلـه
ياعـنـك مايستـاهـل الـمـدح مـذمـوم
يستاهـلـه شــرواك شــوق الجزيـلـه
ياصاحـب الفـرق المنـزّه عـن الـسـوم
يامغـلـي العرقـيـن صـفـو الثمـيـلـه
يـا نـوم عيـن اللـي تزبنـك مضـيـوم
يـابـن الـذي جاهـه يهـقـوي دخيـلـه
اللي : - جـزا ماكـان بالضـرف مختـوم
ياما .. ملـى عينـي.. وعينـي تخيلـه..!
ما هو ردا مبـدا ! .. ردا حـظ ..مكعـوم
عفـواً ,,, : ( منيلهـا بستـيـن نيـلـه )
عنّيت لـك مـن ضمّـر الشعـر ..كلثـوم
.أوضـح مـن "النيـه" بـ" نِيّـه " حليـلـه
عليـك جـاه اللـي تعـزه مــن الـقـوم
مـع جـاه عيـن اللـي يشوفـك خليـلـه
اليـا نصتـك بجيدهـا الضـرف محكـوم
فـكّ العـنـان ... و ردّهــا بالكحيـلـه
وايضا هنا
صابني مثل السكوت المزعج المحرج كـلام
اتنفس ابـي احكـي أنكسـر ماقلـت شـي
ابلع البـث المباشـر العـن لحافـي ونـام
افتح جفوني على باكـر وباكـر هـي هـي
ادخل الشارع وتخنقنـي فراغـات الزحـام
ارجع لحالي وياويلـي مـن لحالـي علـي
بيني وبين القصيـده والمدينـه و النظـام
صرت اشك بكل شي وكل شي يشـك فـي
انكساري عار عار عار في وجـه الظـلام
ماخمد نصفي رماد وباقي من العـود حـي
هذا انا المشعول من لون السكوت ارسم كلام
أتسامى ابي اكتـب انطفـي ماقلـت ضـي
وسنستمر هنا ايضا
قلت : غمّض عيوني..! قال : وشلون اشوف ؟
قلت بعيون قلبي ! قال : أمرك عجيـب .. !!
ويوم غمّض وانـا اقولـه.. وش تشـوف..؟
قال مدري .! ولكن فيه منظـر غرييييـب !!!
قلت حاول تركّز .!. زدت خوفـي ب خـوف
قال: اشوفك صباحٍ يشـرق مـن المغيـب..!
اااه لا واااشقـاي .. و ياضيـاع الـحـروف
وياشقاهـا وضياعـي كـان هـذا النصيـب
يا طعـون الليالـي .. طـال ليـل الوقـوف
لاعتقتـن قتيـل ! .. و لاذبحتـن صويـب !
بين عثرة خـويّ .. و بيـن طعنـة هنـوف
رمح الاوجاع فيني كثـر ماخطـى مصيـب