الله يعطيكم العافية جميعا
واستلموووا هذي :
وادعت نازح من مطار القريات=يوم اركبونا الطايره وشلعتنا
ولفت ودارت وامرجت بين لحظات=لولا الكراسي والمحازم رمتنا
طارو بنا حمر العلابي خواجات=زغل العيون وجيههم هولتنا
تكفى تشهد يافهد وقرا الايات=الموت جانا والظروف اجبرتنا
جانا المظيف قال وشفي خدمات=قلت نزلونا بطونا موجعـتنا
من قبل اشوف الغيم دون السموات=واليوم اشوفه يافهد من تحتنا
عز الله اني ماحسبت الحسابات=والا ترى سيارتي موصـلـتنا
يازين ممشى الارض لوهي مسافات=النا ر بشعيب مجهزين قـهوتنا
وش جابني للطايره والمطارات=والله ماعود اركوبها ان نزلتنا
لو تنفجر قامت تذيع المحطات=رح عاد دور قشنا مع جثثنا
تحيييييييييييياااااااااااتي .........