بسم الله الرحمن الرحيم
موقف شهم من رجل بدراني يخلدها الشعراء بقصائدهم الشعريه
مناسبة القصيده معروف وعرفان في موقف حصل مع عطالله بن مثيب البدراني الحربي ورجال من الدحيلات من قبيلة شمر
بسم الذي بامره فرض خمس الاركان = علام ماكن الضمير وبريده
تقدير للزوار وابن ركيان = اللي كمل حفل الشرف بتعميده
طلق الحجاج اللي على الطيب شفقان=لازم وحدد للنشاماوعيده
بعده نرحب في طويلين الايمان=اللي لفونا من ديار بعيده
يامرحبا تقدير من قلب ولسان=بزياره الزوار فرصه سعيده
بحضورهم نبدي من الشعر قيفان=ابيات موجز عن مجال القصيده
اللي معانيهم تركز على شان=مقدار شمر يومنا اليوم عيده
الله يحيهم عزيزين واخوان=والكل واثق والصداقه وكيده
ولولا الثقه ماصار للناس خلان =مادام كل منسبه من بديده
واللي فتح لمزارق الطيب بيبان=وخلى العلاقه والصداقه جديده
حادث حدث مكتوب من عالي الشان= مكتوب من رب العباد لعبيده
وقف به الحربي مواقيف شجعان=ماقف شرف فزعت عضيد لعضيده
بذل جهوده واجتهد قدر الامكان=زار الجريح وشال جسم الفقيده
شال الفقيده بالنعش فوق الامتان=الله يثيبه والجنازه شهيده
الله يجازي فاعل الخير باحسان=ويمد في عمره سنين عديده
عطالله الحربي سلايل كحيلان =اللي تبين بالصفات الحميده
فعله جميل بكل ماقف وميدان =لعل تفداه النفوس البليده
فعله يسجل للمناعير عنوان=عند الرجال ومصدره بالجريده
ولولا الصنايع بين طلقين الايمان=كان الوفاوالطيب ماله شريده
ولا صار بالعالم صداقه وصدقان=وامجاد يرسمها الفقيده لحفيده
والطيب يبنا له قواعد وسيسان=بين الرجال اهل الفعول المجيده
واناما عد افعال من غير برهان=ولولاي واثق مابدعت النشيده
وأختامها اعداد هتاف الامزان=وصلوا على الهادي رسول العقيده
الشاعر/بدر عواد الحويفي
--
هذه الابيات الشعريه قيلت بمناسبة زيارة الدحيلات من شمر عند زيارتهم للبدارين من قبيلة حرب في منطقة القصيم
باسم الذي نزل تبارك وطاها=وبأمره نزل سبع المثاني وياسين
اللي بسط سبعن وسبعن بناها=وارسىالجبال وكون الكون تكوين
وخلاف ذا يامرحبا مبتداها=تقدير ارحب بالرجال الحشيمين
بالاوله واللي تجي من وراها=واعداد ماساروا على الدرب ماشين
بزيارة نفخر بها ونتباها=وترحيب واجب سجلوه البدارين
باسم قبايل حرب في مستواها=نرحب بشمر بالدحيلات هالحين
بزيارتن ساعه سمعنا نباها=منها الفرح يجري مجار الشرايين
عند الرجال اللي قديمن وفاها=اللي وفو عند الحدث بالمصابين
بالحادث اللي بالمدينه فجاها=فزع لها الحربي بكل القوانين
شال الجنازه واعتنى بصوباها=واطلق من الشرطة عقود المساجين
حادث من الله قدرته لا سواها=تصخف لها المهجه وتدمع لها له العين
عطالله الحربي عطاها عطاها=مجهود وافي من رجال وفيين
الله يثيب الخطوه اللي خطاها=يوم الحساب ويوم نصب الموازين
البدري ابن مثيب قام وحظاها= شيمت عرب والطيبه للعرب دين
ماتترك الشيمه سواعد لحاها=في مثل هالماقف تراهم حريصين
ابن ركيان العزيمه سداها=هلاورحب والجماعه مهلين
الواجبه قدم لها واحتساها=رفع لها رايات مجد وعناوين
باحساس وشعور عوض مانساها=من دافع الرفقه ومن وازع الدين
تمت بيوتن هادفه بمعناها=يامرحبا ترحيب غالي بغالين
بضيوف اجابو دعوة اللي دعاها=الله يحييهم على الراس والعين
من لابتن تنطح مكايد عداها =شمر هل اللقوات يوم الاكاوين
كلمة وفا مالي هدف بمغزاها=إلا مزارق طيب للمستحقين
الشاعر/مقعد محمد البدراني الحربي
الإهداءات
« آخـــر الـــمـــشـــاركــــات »
14-03-2012, 09:10 AM
.gif){kind=icon}
البدارين وشمر
العرض العادي
