قصيدة الشاعر عوض بن ركيان بالبدارين

[محمد بن جعيثن]

بسم الله الرحمن الرحيم

جميل ان تجد معزوفه جميله وباقه عطر تفوح منها رائحه العنبر والياسمين
وحروف صيغت بافضل قالب وبصدق المشاعر لتكون سيفونيه باسقه
فهذه القصيده من شاعرنا عوض بن ركيان
تصلح فى مناسبه وعند كل واحد منا

يامرحبا بضيوف حفل البدارين =باسم اهل المحفل شيوخ وقبيلة
ترحيبتن ماتنحصي بالملايين =ترحيبتن من نفس ماهي بخيلة
أقولها بالصدق والناس دارين =بيوتنا للضيف دايم ظليلة
اكرر الترحيب باسم الكريمين =اعداد ما صدق صدوق المخيلة
لي الفخر وانا حفيد البدارين =اهل الفعايل والجدود الاصيلة
لي الشرف واعتز بين العزيزين =اهل الكرم والدين واهل الجميلة
حلوين في حالة وفي حال مرين =وان ولعت بالزند خشم الفتيلة
ان زامت نفوس العصاة الشياطين =ندعس على الكايد بعزم ونفيلة
يوم القبايل تصطفق بالميادين= احرار ماعشنا حياة ذليله
عندي على قولي شهود وبراهين =فعلن يعده جيل من بعد جيله
اليا صاح صياح النذر للمسمين =نروي شبا حد السيوف الصقيلة
وكل القبايل طيبين وشجيعين =ادخل على المعبود رب الجليلة
واليوم م بحكم الملوك الميامين =حكم عسى اللة مايبدل بديلة
وحنا لهم وافين وافين وافين=اي والذي نجى نبية خليلة
ليا دعونا للطلب مستعدين =ان لدت عيون العميل لعميلة
دون الوطن حنا على الموت جسرين =نرسي كما ترسي الجبال الثقيلة
الشعر له ميزان وحكم وقوانين =والهرج يكفي صامله عن طويلة
وختامها مني صلاة المصلين =على نبي الخلق راع الفضيلة

الشاعر عوض ركيان البدراني

[عبدالمطلوب مبارك البدراني]

صح لسانك اخوي ابو عبدالله

ولسان الشاعر عوض بن ركيان البدراني

لك فائق احترامي

[عبدالله منور البدراني]

لي الفخر وانا حفيد البدارين

اهل الفعايل والجدود الاصيله

الاخ محمد بن جعيثن
صح لسانك ولسان الشاعر عوض بن ركيان
وبنتظار قصايده
لكم الود

[غانم البدراني]

صح لسان الشاعر / عوض ركيان البدراني
والشكر والتقدير للأخ / محمد ويعطيك الف عافيه

[احمد ماجد البدراني]

صح لسانة قصيدة جميلة
وشكرا لك يامحمد