ياعلي

[الشاعر بدر راشد]

هذئ الابيات موجهه الى الشاعر الكبير والقدير\علي بن زيد البدراني
ياعلي والله لبس العلم تلبيس \ عكسة مفاهيمه وغير الباسه
ولاعاد فيه امواصفات ومقاييس \ متناقظن وزن الزمان ومقاسه
ظلم الحروف وصبر بيض القراطيس \ هاذي قضيه تستحق الدراسه
تنقص بها الذمه ويكمل بها الكيس \ مدري نتايج علم والا فراسه
والي ورا الشاشات خلف الكواليس \ لالمال عباده ولالحكم ساسه
يعني مبين الصفرتين الغطاليس \ لايقبل ظلام اليل والظفا دماسه
من كفة الرحمن في كفة ابليس \ اتسلم يدين الحراسه حراسه
باريس نجد وعاصمة نجد باريس \ وبريده الفيحا مقر الوناسه
ورسم المعالم وختلاف التظاريس \ ماتتعب المساح من طيب راسه
وغير الاغات السبع سبعه قواميس \ وغير التجاره والادب والسياسه
تتعب خلايا المخ كثر الهواجيس \ اكيد تثر بالخلايا يباسه
الشاعر: بدر راشد البدراني

[الشاعر بدر راشد]

ورد عليه الشاعر \علي بن زيد البدراني
يابدر لاتطلق صراح المحابيس \ تشغل فواد الي تزايد عماسه
معاد يشعل بالظلام الفوانيس \ وقام يتناقص يابن راشد حماسه
ولاعاد يرسل للقريحه عواسيس \ من يوم ساؤؤ جوهره مع نحاسه
ويشوف حاد العيس ماهو مع العيس \ ولاعاد لهل الحرب جوخه وطاسه
وعن الخطر لالاتدق النواقيس \ سوا نتايج علم ولا فراسه
دام ابن عمك مالكن عرش ابا لقيس \ كنك شريكه بالحكم والرياسه
لوراح حلمك باليالي كوابيس \ ولالك بقصر الحكم كرسي وماسه
ياكبر كسبك منت ظمن المفاليس \ تدير لك بنكن صعيبا مراسه
رغم اختلاف الانشطه والمتاريس \ الهاف نصف اقلاص والكوب كاسه
فكر وقيس اكفيت شر الوساويس \ ولاتنشد الفلاح وش عود فاسه
الشاعر: علي بن زيد البدراني

[تركي الزايد]

صح لسان الشاعر بدر

ولسان الشعر ابو طلال

[محمد بن جعيثن]

شاعران متميزا ن وينهلون من العذوبه ومن ريحاحين الحرف ويسابقون الخيال الى القمم

لكم خالص الود

[جمال فهيد البدراني]

صح لسانك .. أخي العزيز / بدر راشد ، وصح لسان الشاعر / علي زيد .
أستمتعنا جداً بهذه المساجلة الجميلة والراااائعه كذلك
بارك الله بكما


كل الشكر