ياحمود...

[آل فهاد البدراني]

السلام عليكم ورحمة الله وبركاته...

أخواني الأعضاء لقد أعجبتني هذه القصيدة فنقلتها لكم ...وآمل أن تحوز على رضاكم...

	يا حمود سلملي على زين الاطبـاع اللي عرفنـي بالصخـى والجزيلـه قله نجـم بالحيـل ملتـاع ملتـاع وراحت حياته بين عوجـه وميلـه وقله نجم يبكيك طايح على القـاع ويشوف موته بيـن يـوم وليلـه وقله نجم به علةٍ بيـن الأضـلاع يشكي عناهـا مالـه اليـوم حيلـه طاوعت دربه ليته القلب مـا طـاع طـاوعـت دربٍ كافرٍبالفضيـلـه الله يجـازي كـل نـذلٍ وطـمـاع حالوا علينـا بيـن خـل وخليلـه كم مرةٍ أنهـاه عـن كـل بشَـاع اللـي تربـى بالـردى والرذيلـه وحنا خدعنا واثره الوقـت خـداع هذا حصيلـي والولـد ذا حصيلـه مشكاي للي يعدل الكيـل بالصـاع رب الملا ما خـاب منهـو عميلـه ياما تحريتـه علـى كـل الأنـواع جالس وعيني دمعها سـال سيلـه ياما تحريتـه علـى حيـل وذراع يامـا تحريتـه شهـورٍ طويـلـه ثم طال صبري والصبر زاد الأوجاع وقررت أنا ماأبكـي والقـى بديلـه وان عودت للجد من باعنـا انبـاع الي تبع من باعـه أكبـر فشيلـه ان كانـه اللكـاع باصيـر لكـاع والله لرجـع جمرتـه فـي شليلـه وان كانه اللي طوع النفس مطواع رايـح أذلـه ليـن يبقـى ذليلـه وان كانه الصادق على كل الأقطاع الصدق من عندي وعنـدي دليلـه ماهو بهمي دامه العـز مـا ضـاع العـز باقـي فاتـحٍ لـي سبيـلـه العـز والله يشبـع بيـوت جيـاع نمـوت ولا نطلـب يديـنٍ بخيلـه

[ابن شنوت]

ماهو بهمي دامه العـز مـا ضـاع
العـز باقـي فاتـحٍ لـي سبيـلـه

العـز والله يشبـع بيـوت جيـاع
نمـوت ولا نطلـب يديـنٍ بخيلـه

قصيده جميله وتنسيق اجمل
وتقبل تحياتي,,,,,,,,,

[السيسبان]

الاخ

ال فهاد


نقل جميل وصح لسان شاعرها

لك الود

[عبدالله بن سدحان البدراني]

صح لسان الشاعر

يعطيك العافية على النقل

تحيااااااتي

[آل فهاد البدراني]

حياكم الله...أهم شيء أنها أعجبتكم...