بدلت عطر الغلا

[صنت البدراني]

يامهجة البال عاف الحب محسوبك ///// اطباعك اللي عشقها فيك مفتره
غيرت طبعك وشان الفكر من صوبك//// بدلت عطر الغلا بالكير وتكره
مدري عن اللي حصل مابان مكتوبك //// لكن وجهك تغير والغضب قره
افعالك اللي تسوي ساس عذروبك //// ماينعرف لك طريق وتعشق الفره

احيان ســـاعة رضا تعــطيك مطــلوبك//// واحيان ساعة غضب تبعدك بالمره

واحيان نلقى الهناء في كاس مشروبك //// واحيان عيني على فرقاك محمره

واحيان اجافيك وحسَب خافي اذنوبك //// واحيان ما حولك اللي يازن الذره

واحيان يبطش غلاك وتندر اعيوبك//// واحيان يبعد غلاك ونمسح الجره

ياخــل ليه الجفاء عذبــت محبــوبك//// مل الصبر وانت حبل الوصل ما تجره

ياهيه معــاد فيها غير اسلــوبك //// مـدام نار الغلا والشــوق محتره

[الشاعر بدر راشد]

اح يان ساعة رضا تعطيك مطلوبك \ وح يان ساعة غضب تبعدك بالمره


صح السانك يعلم الله اني قريت القصيده اكثرمن مره وكل وكل ماكرر القرايه لهاذي
القصيده يزيد اعجابي وانا اقول هاذا الشعر الحقيقي انا معجب بمبناها ليس
بمعناها انصح مذوقي الشعر ان يقرون القصايد الذي مثل هذي القصيده
بعد قول كل مادخل هذا المنتدى يلزمني ان اقراها
اقول مره ثانيه صح السانك ياشاعر

الشاعر بدرالبدراني

[عبدالمطلوب مبارك البدراني]

صح لسانك وعلا شأنك شاعرنا الرائع صنت البدراني

قصيدة جميلة ورائعة ومكتملة في معناها ومبناها

لك فائق احترامي

[مشاري البدراني]

الشاعر /// صنت البدراني


صح لسانك مليووون قصيده تفوق الجمال والروعه



تحياتي وتقديري

[صنت البدراني]

اشكر كل من شرفني باطلاعه وثناءة المثمر جميعاً دون استثناء وكل الشكر للشاعر المبدع بدر راشد على هذه الاشاده التي افتخر فيها لكم تحياتي