قصيدة ابن زويبين في شيخ الهجله..

[ضعيان بن طفيح]

بسم الله الرحمن الرحيم

انتقل لكم هذة القصيدة للشاعر:عبدالله بن زويبن...
في شيخ شمل الهجله:عامر اللويحق الهجله...

	الله على اللي نازحـات المشاويـر=جرد السهـال القاسيـة والرمالـي شوحهـا ويموحهـا بالتياسـيـر=شوح الرشا المبروم بيـن العيالـي مـن جـم بيـر عمقـوه الحفافيـر=مسرمـدٍ تاريـخ عصـره هلالـي عن ماه يقصر حد شوف النواظيـر=قليل واللـي مـن طـوال المدالـي وردت عليه ضعون بدو ومضاهيـر=عطشـا ولا فوقـه مقـام ومحالـي وتخالفت بيـن الرجـال الأشاويـر=أحـد يبـى الميـراد وأحـدً يبالـي وقـامٍ يجـرن الحريـر الغنـاديـر=ويبيـن أطـراف رمـز الجمـالـي وتجاوبن بالصوت ويـن المناعيـر=وقامـن يطشـن العبـي والشيالـي وتوارد وه أثنيـن فيهـم عياطيـر=من صوتهن جاهم طـرب وانفعالـي وتلوه فوق وطيـروا فيـه تطييـر=حرفيـن ذرفيـن نشاطـن عجالـي جيـبٍ يعـدي نايفـات الحماريـر=بالعرض يبجدهـن ويطلـع عدالـي من مصنع توريد ما هـو بتصديـر=إلى مضى من فوق عمـر الليالـي بديه آليا شفتـه يصيبـك بتخديـر=وكشنه آليا شفته يجيك أنداهـا لـي مـن قبـل مطـور وزادوه تطويـر=لجـن الريـال يكـون المستحالـي فكسار له في كـل دولـه جماهيـر=ما فيه هرجه لا كن السعـر غالـي أبي آليا هاضت شجـون العصافيـر=وشع الصبـاح وجالهـن أجتوالـي طلبت عـون الله والـي المقاديـر=ونحرتـه الصمـان ديـرة خوالـي اهل بيوتن يـوم وقـت الخطاطيـر=يقلى بها الضيف القرى والظلالـي مثل الجبـال الشامخـات المقاطيـر=يامن بها اللي عن عوانيـه جالـي وعلى السبايـا ينطحـون المغاديـر=ويهاجمـون ويحتمـون التـوالـي قـومٍ آليـا كـرو وفـرو مدابيـر=علـى المهـار مجـدلات الحبالـي ارقابهـن للخلـف مثـل البواكيـر=أدبارهـم حرفـة وخطـة قتـالـي ياما الحقن من قال تكفون يامطيـر=لوإ ن لاصوات الرصاص شتعالـي أيدينهـم تـورد شبـات البواتيـر=ومتونهـم تدحـم ركـون الجبالـي وعيونهم بالهوش توصف على الكير=لها بجمر السمـر مضـرب مثالـي أن ساقـم العطفـة لقـومِ مناحيـر=عقـب المعانـد واحتكـام الجدالـي قدامهـم تصغـر كبـار الطوابيـر=ويصير فيهـا زعزعـه وانحلالـي وأن جالهم دون العوانـي مناويـر=يـدون حتـى بالرسـن والعقالـي أبـي خيـامٍ بالعـمـد والتيـازيـر=مبنيتن للضيـوف سمـح القبالـي ممفوعتٍ مثـل المـزون المزابيـر=ممسوستـن مفروشتـن بالزاوالـي مفتوحتـن بيبانـهـا للمسايـيـر=وناره لها في كـل وقـت اشتعالـي يردم عليهـا مـن كبـار الجثاميـر=سمر القرى ماهي مطـارق سيالـي ونجرن آليا حرك تفجر تقـل زيـر=وبيض غريـبٍ شكلهـن بالدلالـي وحيلـن يقلطهـن كرامـه وتقديـر=لبعـد بعيـد وللقريـب المـوالـي الجـود وكـرام الوجيـة المسافيـر=طبع الرجال اللـي يبـون الكمالـي ما يقبلون النقص والنقص تقصيـر=لو العفـون تسمـي المـر حالـي الجود صار بـدار والبخـل توفيـر=علـى هدفهـم ركبـوه احتيـالـي المزن ما ينبـت زهـور ونواويـر=ولا يزي الضميان شـوف الخيالـي ما ينبت المرعـى ولا ينفـع البيـر=أن كان ماصـب القـراح الزلالـي الشيخ عامر دون نقصـان بالغيـر=أبن لويحق شيـخ شمـل الهجالـي عند القبائل حجمه أكبر مـن النيـر=والفعل هو مقياس حجـم الرجالـي ذكره شهير مع الرجـال المشاهيـر=دايـم لذكـره بالمجالـس مجـالـي وأخذت عنه من الشويـب تقاريـر=منيـف عنـه بكـل شـئٍ حكالـي كنه يفرجنـي علـى فلـم تصويـر=يحيـر التفكيـر مـثـل الخيـالـي من شأن ربعه ضخر الصعب تصخير=خلا الجبـال دروب مثـل السهالـي الشامخات اللـي بهـن للصقاقيـر=مصنع ولع لكـن عسيـر المنالـي شمـر وفجرهـن باللغـام تفجيـر=من شأن تحقيق الهـدف والامالـي خطٍ تعاقب بـه ضخـام المواطيـر=أعـز مطلـب للبـلـد والأهـالـي وبنى العماير باهضـات المخاسيـر=وراحن هدايا مـا عقبهـن ريالـي ومن يبذل المجهود في نيت الخيـر=يلقـاه عنـد الله عزيـز الجلالـي تم الكـلام وكـل مـا قلـت تعبيـر=عن ما طرى لي بالبيوت الجزالـي غرايـبٍ مثـل الذهـب والدنانيـر=مكانهن في مستوى الشعـر عالـي ون كان ما قـرو لهـن الشواعيـر=من نضمهن ريحت فكـري وبالـي

[ابن شنوت]

اخوي ضعيان بن طفيح

قصيدة رائعة ومن اروع قصائد ابن زويبن وابدع كثيرا في تصوير موقف رائع جدااا

وردت عليه ضعون بدو ومضاهيـر عطشـا ولا فوقـه مقـام ومحالـي
وتخالفت بيـن الرجـال الأشاويـر أحـد يبـى الميـراد وأحـدً يبالـي
وقـامٍ يجـرن الحريـر الغنـاديـر ويبيـن أطـراف رمـز الجمـالـي
وتجاوبن بالصـوت ويـن المناعيـر وقامـن يطشـن العبـي والشيالـي
وتـوارد وه أثنيـن فيهـم عياطيـر من صوتهن جاهم طـرب وانفعالـي
وتلوه فـوق وطيـروا فيـه تطييـر حرفيـن ذرفيـن نشاطـن عجالـي


تقبل اصدق التحيااات

[محمد بن جعيثن]

الاخ ابن ضعيان
سلمت على النقل
وصح لسان الشاعر والممدوح يستاهل


لك الود

[محمد بن مرزوق البدراني]

السلام عليكم ورحمه الله وبركاته

اهلاً وسهلاً بك أخي ضعيان بن طفيح

سلمت أناملك اخي ضعيان على النقل الرائع

لشاعر عبد الله بن زويبن المعمري

وصح لسان الشاعر وبيض الله وجه الناقل


تحياااتي