أرفع تهان العيد حشمه و تقدير
في منتدى ربعن حشام نظايف
سلام يا روس الرجال المناعير
ياهل العلوم الطيبات الطرايف
و ياهل جهام يوم حواف و مغير
ترعى الخطر باهل السطر ما تسايف
قطعان بدون كنها طويق و النير
أو كنها ليلا يطم النوايف
دولة بداريين رمات مغاوير
يوم العناد ويوم سوق العطايف
من روس حرب متيهين المعاشير
أهل النفى و هل السيوف الرهايف
و اهل فعولا معجزات مشاهير
و لا قول قاصر في نضاف الصحايف
و الله من الامجاد في حرب و الغير
ان صار كون و غطرفن العفايف
قدام حكم العز و العدل و الخير
حكم ال سعود موحدين الطوايف
حكامنا اللي طوعو كل شرير
وخلو عموم الشعب ربع ولايف
لو رحت من عرعر الا حدود خرخير
في ظل سيف الحق منته بخايف
بأمن و أمان و خير م هناك تفصير
في عهد ابو متعب ربيع و مصايف
و طور عموم المملكه خير تطوير
و الشعب وفر له ضمان وظايف
كونو درع لبلادكم يا مسافير
لا طاح طحتم ما تفيد الحسايف
و أقضو على الفتنه بحد السواطير
مهما تكون التكلفه و الكلايف
و ان ما تكاتفتم تكاتف ممارير
رحتم عشا لكلاب ناس هجايف
هذا بحكم اسلومكم و المعايير
دون الوجيه و دون سمر الغدايف
و الله خلقنا احرار و نغار و نغير
وندك هامات العداء بالقذايف
و لاهي عوايدنا نخاف المقادير
ما قدر المولى له الرأس كايف
وأبغى سموحة فاهمين التعابير
ترى الخطأ وارد و للعفو شايف
و صلو على المختار راع التباشير
عد النبات و عد كل الخلايف
و سلامتكم : فهيد بن شعوي البدراني
الإهداءات
« آخـــر الـــمـــشـــاركــــات »
29-07-2014, 06:33 PM
تهنئة بعيد الفطر المبارك 1435..
العرض الشجري