مراده بين سعود الوهبي ومحمد عبد المحسن البدراني

[ابن شنوت]

مساكم الله بالخير

طرح الشاعر سعود الوهبي قصيده ووجهها لمجالس حرب وقال

للهجـس قـاف و للقـوافـي مـلافـي = و تلفـي قوافينـا صليبيـن الاشــوار
و الشور شور اهـل القلـوب النظافـي = عصمان الاريا اهل المواجيـب و الكـار
مـا تعطـي الـراي العقـول الضعافـي = و لا النفوس اللي عـن الطيـب قصّـار
و لا يبخـص القـالات كـود السنافـي = مثـل شرواكـم يـا طويليـن الاعمـار
يا اولاد ابوي الحـال مـا بـه خلافـي = و بخير كـان إنـي عتيـقٍ مـن النـار
مـار البـلا نومـي غـدا بـه تجافـي = و ليا بغى جفنـي لذيـذ الكـرى طـار
عقـب التلفـت بالـدهـر و الجفـافـي = لقيـت روضٍ بـه بخـتـري و نــوّار
فرحـت بـه و اللـي علـم بالخوافـي = و جيت بـلا عانـي حيثـه للابتـي دار
و من عقب مـا شيـدت فيـه الرفافـي = و قمت اتعـازم مـع صواريـم سنجـار
لمحت انـا ام جنيـب تطحـس خلافـي = و انـا جـزوع و ذي عـادات الاحـرار
وش رايكـم يـا مصخريـن القـوافـي = ياهـل السمـوت معبـرة كـل معـبـار
أشـد عنهـا فـي وسـيـع الفيـافـي = و لا اهبدها و عد ما صايرٍ صار******

ورد عليه ابو عبدالله بهالابيات ,,,

يامرحبـا حييـت مـن قلـب صـافـي = بعـداد برقـن لاح وعــداد الامـطـار
يـوم القوافـي جـن غنـيـت قـافـي = مـادام لـي بالشعـر مـارد ومصـدار
شبري مع اهل العـرف ماهـو بهافـي = والهجـن لاجنـا سرجنالـهـا مـهـار
مـا مشـي بدربـن للعقيـده منـافـي = دربي ترى مـن درب وافيـن الاشبـار
ولله درك يــازمــان الـنـصـافـي = يومـن للقيـفـان والشـعـر شـعـار
وياشوق مـن تجلـى الثمـان الرهافـي = نشرات الاجوا عقـب نشـرات الاخبـار
مـادام وضـع عنـاد وعبيـد خـافـي = مانـي بسيـف لـروس الاجـواد بتـار
وليـاذرت فـوق الخطـوط السـوافـي = عنهـا نحيـد يميـن مانمشـي يسـار
الضلـع الاسمـر بالـدجـا مايشـافـي = ولا الضحـى ماظـن يخفـى للانـظـار
انتـه حشـيـم وبالمواجـيـب تـافـي = وتميـز المصلـوح وتمـيـز الـضـار
لـولا الـوجـع ماشـيـدن المشـافـي = ولا صـار للاوجـاع باخـص وبيـطـار
ولايامـن اللـي يمشـي القـاع حافـي = يلمس حدى الرجليـن شوكـه ومسمـار
ون كان شفـت مـع البـوارق شعافـي= تنشي من قريـب وتـردم علـى الـدار
لاتلتفـت لـهـل العـقـول الخفـافـي = احشـم جنابـك وتـرك الـداب بالغـار
الرجل له بشتن علـى اعضـاه ضافـي = يذريـه ويظلـه عـن اللاهـب الحـار
ومـادام ياكحـيـلان للـشـق رافــي = لاتطـول حبـال الرشـا كانهـا اقصـار
كـل الـدعـاوي يارفيـقـي عـوافـي = دام الكرامـه سالمـه يابـن الاخـيـار
وقـبـل تحيـاتـي ومـاجـاك كـافـي = ولا ترى المعـذار مـن مكـرم الجـار

وسلامتكم ...