الشاعر الكبير / عبدالله بن سبيل

[متعب عيد البدراني]

السلام عليكم ورحمة الله وبركاته

اتمنا اتنال اعجابكم


ياالله يااللي تسجد النـاس لرضـاه
ياوامر ٍ خلقـه علـى حـج بيتـه
***
تفرج لمن سده على الناس ما ابداه
راضي على مقسومك اللي عطيتـه
***
شين يسل الحال والجسم يبـراه
والناس مايشفونـه ان مـا شفيتـه
***
قلت آه واجرحـاه مـن علتـي آه
وان حملوني حمـل غـي ٍ قويتـه
***
قالو سفا بالحال ويش اللي اغـواه
قلت آه ويش المنكر اللـي وطيتـه
***
قالو جهلت وبـان علمـك لمنهـاه
قلـت اه علمـي يامـلا ماكميتـه
***
قالو هله واحباب عينـه نصحنـاه
قلـت آه هــذا واردٍ مابغيـتـه
***
قالو ندور لك من البيـض حليـاه
قلت آه لو غيـره بكفـي رميتـه
***
قالو نشاش العُـود مالـك بلامـاه
قلت آه عُود المـوز بيـدي لويتـه
***
قالو تـزوج كـود تدلـه وتنسـاه
قلت آه لو خذت اربـع ٍ مانسيتـه
***
قالو من اقصى الناس وين انت وياه
قلت آه ما انسى يوم جاني وجيتـه
***
قالـو نشوفـه عنـد هـذا وهـذاه
قلت آه عمره ماعقب حـجر بيتـه
***
قالـو عليـل وناقـل ٍ داه بـرداه
قلت آه باقرابـي وروحـي فديتـه
***
قالـو نشيـر ولا نفـع ماحكينـاه
قلت آه هـراّج النمايـم عصيتـه
***
قالو كثـر شيبـك وقلبـك بعميـاه
قلـت آه لوقلبـي غريـر ٍ نهيتـه
***
مطـاوع ٍ قلبـي بعجفـاه وقـداه
والى عطى منهاج درب ٍ عطيتـه
***
ياناس خلـو كـل وادي ومجـراه
قلتـو كثيـر وقولكـم مـا لقيتـه

عبدالله بن سبيل

*****

[مشاري البدراني]

الاخ العزيز /// متعب البدراني
صح لسانك ويعطيك العافيه نقل جميل لرائعه من روائع عبدالله بن سبيل شكراً لك

تحياتي وتقديري

[عبدالمطلوب مبارك البدراني]

الاخ متعب البدراني

صح لسانك وبيض الله وجهك

وسلم قولك ومنقولك

لك فائق التحية وةالتقدير

[متعب عيد البدراني]

المشاركة الأصلية كتبت بواسطة مشاري البدراني

الاخ العزيز /// متعب البدراني
صح لسانك ويعطيك العافيه نقل جميل لرائعه من روائع عبدالله بن سبيل شكراً لك

تحياتي وتقديري

الغالي \ مشاري

اسعدني مرورك لك فائق احترامي

[متعب عيد البدراني]

المشاركة الأصلية كتبت بواسطة عبدالمطلوب مبارك البدراني

الاخ متعب البدراني

صح لسانك وبيض الله وجهك

وسلم قولك ومنقولك

لك فائق التحية وةالتقدير

الاخ العزيز \ عبدالمطلوب

صح بدنك ونور الموضوع بمرورك