هذي المحاوره جرت بين الشاعرين بوش بن بوش وتوني بن بلير
حيث جاء بلير الى امريكا لحضور المؤتمر الثنائي مع بوش , وعندما دخل على بوش في صالة الاجتماع بدأ بهذه المحاوره وقام بوش بالرد عليه فورا
,,,,,,,,,,,,,,,,
بلير:
الله لا يجزاك بالخير يابووش.......ورطتنا في حرب صدام ورطه
عزمتني وتقول بترول وقروش.....بس الحقيقه روحتي معك غلطه
بوش:
يابلير رد العلم عن بوش بن بوش ..........الله خلقنـا للمقـاريـد سلـطـه
وابوي عنده للرجاجيـل دنبـوش...........كم واحد شلنـا فلوسـه ونفطـه
بلير:
ابوك والنعمين مير انت مربـوش.......تموت بالبتـرول وتحـب شفطـه
صحيح عندك مال وسلاح وجيوش.........مير اتوقع لـك تدهـور وسقطـه
بوش:
يابلير كانك خفت يوم احتمى الهوش..........حرام ما تاخذ مـن النفـط نقطـه
مثلك ترى شيراك قد راح مكروش..........شوفه يصرح كـل يـوم بمحطـه
بلير:
وراك ما تعطي شيراك عرمـوش.............تـراه مشغلنـا بشيلـه وحـطـه
وليا انتهى موضوعنا نرسل طروش............ونجمع المبلـغ مـن الربـع قطـه
بوش:
شيراك هذا عنده الفكر مغشـوش........فرط علي في مجلس الامن فرطه
يدزه اليابان والصيـن ويطـوش............ومجهز الفيتو لتحقيـق شرطـه
بلير:
يابوش انا مرهق وخايف ومدهوش.........وانته تقول الحرب خدعه وخطـه
اسراي واسراك امتلا منهم الحوش............عز الله انه صابتني منـك جلطـه
بوش:
ماقلت لك كم فيه اذاعات ودشـوش..........لاتكشف المعنى وانا اقـول غطـه
وان قالو إنا علوج واصحابنا جحوش.........ماهمنـا الصحـاف واللـي يحطـه
الإهداءات
« آخـــر الـــمـــشـــاركــــات »
26-04-2007, 05:16 AM
محاورة شعرية بين بوش وبلير
العرض العادي
