هذي هي الدنيا 0وهذي هي الناس

[متعب عيد البدراني]

بسم الله الرحمن الرحيم

السلام عليكم ورحمة الله وبركاته

اسـ ع ــد الله جميع اوقاتكم بكل خير

قصيــدة أعجبتني وحبيت انقلها لكم

طبعاً القصيــدة للشاعر المبدع / عـبـدالـرحـمـن بـن بـديــع

الناس تفرح بالهبيّب وانا انحاس

لانه يحرك علة ٍ محتويها

روحي تعذب كلما هب نسناس

تقول ماكن المحاني عليها

يزيد جرح القلب 0والقلب حساس

حتى نسانيس الهوى مايبيها

ومن عادتي لادك فالصدر هوجاس

اشرد بنفسي في الخلا واحتديها

الناس والدنيا 0منازل بلا ساس

رحيلها وان طولت مقتفيها

ومن هي رصيد له تواليه لفلاس

وبيموت ماشاف الغنى من حديها

هذي هي الدنيا 0وهذي هي الناس

خسران من علق هقاويه فيها

غرارة ٍ فيها الرجا كنه الياس

حتى ولو جادت فمنها واِليها

اللي يلاقي وجهها الشين ينداس

واللي يلاقي زينها يهتويها

كم من رفيع ٍ خلته يرخي الراس

وكم من وضيعٍ خلته يعتليها

يشوف فيها العاقل اشكال واجناس

يزهدبها 0ويراقب اللي يليها

فلاباس ياشكاية الوقت لاباس

عند المدبر دبرة ٍ نحتريها

[مشاري البدراني]

الاخ العزيز//// متعب


صح لسانك وصح لسان الشاعر عبدالرحمن بن بديع



نقل رااائع ومميز




تحياتي وتقديري

[عبدالمطلوب مبارك البدراني]

الاخ الغالي متعب البدراني

صح لسانك ولسان شاعرها

لك تحيتي وتقديري

[تركي الزايد]

الاخ الغالي متعب البدراني

صح لسانك ولسان شاعرها

لك تحيتي وتقديري

[جمال فهيد البدراني]

صح لسان الشاعر المميز / عبدالرحمن بن بديّع الشهراني
على هذه القصيدة الرااائعه جداً
وهي بكل صراااحه .. تستحق النقل والإشاده

\

الغالي / متعب بن عيد .
شكراً لك ولذائقتك العذبه
بارك الله فيك


دمت بصحة وعافية