الملاحظات

Tags H1 to H6

منتديات البدارين

ديوان الشاعر ممدوح البدراني

ديوان الشاعر ممدوح البدراني
الإهداءات


« آخـــر الـــمـــشـــاركــــات »
         :: mom boy (آخر رد :JacobDek)       :: best sex (آخر رد :JamesMed)       :: , ? (آخر رد :Karinbig)       :: thank you very much (آخر رد :EsbeEmaix)       :: xxx sex (آخر رد :Stephennep)       :: thank you very much (آخر رد :Wallacejew)       :: thank you very much (آخر رد :Lewisgaw)       :: mp3 (آخر رد :FrancisGlync)       :: : (آخر رد :Williamstync)       :: Welcome to S3 (آخر رد :Aviabaw)      

إضافة رد
 
أدوات الموضوع انواع عرض الموضوع
قديم 30-08-2009, 01:05 AM   #1
افتراضي ديوان الشاعر ممدوح البدراني

(..المنوه..)




لون وقتي صار ليـه علـى الكيـف
حققت شيـن راسمـه فـي خيالـي
بنيت قصرآ مايسكر عـن الضيـف
مفتـوح بابـه مـد هـلآ لرجالـي
مع مجلسن بـه مـزوح وسواليـف
جلسة نشاما مـن كـرام السبالـي
ونارا سناها يصتلـي ياكـل اليـف
والجمر الاحمر فوقـه اربـع دلالـي
والجيب لكزز من جديـد التصانيـف
من صنعة اللـي لنصـارى موالـي
مراتبـه تجليـد مخمـل وتكيـيـف
ولونه أبيض جنـاح فتحـه كمالـي
مثل الصقر من فوق روس المشاريف
متنهضن خشمه عن الارض عالـي
له هيبتن ترعب مثل هيبـة السيـف
في يمنى ولد شـداد وقـت القتالـي
لاشفت زوله واقفـن قلـت ياحيـف
عـزالله أن الزيـر سالـم قبـالـي
الوصف تعجز عنه كـل التواصيـف
أسمه زعيـم ولا الا غيـره مجالـي
وحطيتلـي ذودآ سمـان ومواليـف
خمسين ناقه فيهـم أغلـى حلالـي
مثل البرد لاطاح من وابـل الصيـف
عشرين خلفه غيـر تسعـن متالـي
أوساع النحور أم الخشوم المهاديف
أطـوال الرقـاب مبعـدات المفالـي
أعراض الجنوب أم اليدين المناحيف
مع طولت القامه اوساعـن اطوالـي
مرباعها الصمان والقيض بطريـف
وان طاح الحياء في نجد ياهملالـي
هن الاوايل فيـه بيـض الاشاعيـف
متساويـن راس الجبـل والسهالـي
لاطيرن أوبارهـن مـن بعـد ريـف
وردن علـى عـدآ قراحـه زلالـي
في خايعن فيه الخزامى مـلا فيـف
ثم شرعـن يشـدن روس الجبالـي
ياعنك عنهن مابخلنـا المصاريـف
ولعيونهن حنـا رخصنـا الريالـي
وخذت بنتـن فارقـه مابهـا حيـف
مثل القمـر يجلـي ضـلام الليالـي
اسوق فيها المـال مابـه تحاسيـف
وتستاهلـه لواندفـع كـل مـالـي
بنتن غلاها داخـل القلـب ماشيـف
ويا الله تجمع بيـن غالـي وغالـي
لاصار ابوها من يسـوق المعاريـف
وفيها جمال وديـن ويضـآ دلالـي
والها اخوانن نسبهم فيـه تشريـف
دايم على العليـاء قـروم العيالـي
عقيل وقـت الجـد ماهـو ملاقيـف
ومعربيـن جـدودهـم والخـوالـي
انشهـد انـه صارمابـه تكالـيـف
وحققـت ماريـده وريحـت بالـي
ماهني اللي وسط باريـس وجنيـف
ولا هني اللي كان صاحـب معالـي



**********

(..المطاريش..)




توه يزيـن اليـوم جـو المطاريـش
واللي يبا المطـراش ربـط افراشـه
العشب عانـه بالمحاجـر مكاويـش
من بعد مزاه المطـر مـن رشاشـه
قدام نص اسبـوع جاتـه رشاريـش
وكـل يبـرد فيـه همـن بجـاشـه
مليت انا من كثر التعب والمغابيـش
واطرد وراء رزقـن تعبنـي عراشـه
قالولي العذال مـن يدخـل الجيـش
والله مايكفـيـه حـتـى معـاشـه
قلت الحقيقه غير والله تـرى ليـش
الادمـي رزقـه مـن الـرب حاشـه
ياكم مـن تاجـر فلوسـه مخاييـش
واسمه مع العربـان ريـس وباشـه
ويمكن يسمونه على اسم ابرق الريش
وعقله وعرفه نفس عقـل الفراشـه
قالو لي اتجر قلت بالوقـت ابعيـش
والا التجـاره فـاز فيهـا عكـاشـه
ياكم من شيخـن يصلـح بخشيـش
وغيره قضى عمره على الدين عاشه
روس الضباء ممن وراها عراميـش
والمجتمـع معـاد نقبـل نقـاشـه
خلف السراب اشوف ضميا معاطيش
يبعـد مـداه بكـل لحظـة رماشـه
من عهد الرسول لحزة اليوم مانيـش
منهـو ورد يمـه وصـدر قـراشـه
افصح العرب بالجاهلية ترى قريـش
وهداج مـن ينصـاه فلـل غراشـه
حتيـش لـو ورده اليـوم حتـيـش
بعض البشر تخلـق وفيهـا دباشـه



**********

(..فيصل ولد خالد..)

قصيدة: فالأمير فيصل إبن خالد




الشعـر جـوه زان والبـال طربـان
وبيوت القصائد تو نسنـس هواهـا
خيل وكنـه داخـل الجـوف بركـان
وجات الضمائر تحتدي فـي املاهـا
في مدح راع العرف والجود والشـان
اللي علـوم الطيـب عنـده حواهـا
فيصل ولـد خالـد سلايـل كحيـلان
من روس قومـن عاليـن مستواهـا
اميرنا المحبـوب هـو طيرحـوران
كمـل مسيـرة خالـد اللـي بناهـا
يسبق على الطالات في كـل ميـدان
ورام العـلا يلـيـن والله رقـاهـا
هذا ولد خالد لـه البيـض عنـوان
وكفه مايحصـى لـو عـدد عطاهـا
وهذا ولد خالد وكـان الدهـر شـان
منصـى الرجـال اللـي دور ذراهـا
ابـوه والله كـان لنـاس مـزبـان
لادورت بقعـاء عليـهـم رحـاهـا
وفيصل طلعله بالفعـل دون نقصـان
حـرآ يـروم المرجلـه ويهـواهـا
وكان الشعر يعرف ترى فضل الانسان
افضـال فيصـل بالزمـن مانساهـا
وتشهدلـه المغتـره ابكـل الازمـان
وياكـم حفلـه ولـد خالـد رعاهـا
امير حـط الجـود للمتـن تيجـان
ومنهـو نصـاه بحاجتلـه قضاهـا
حصد ثقة مليكنـا رمـز الاحسـان
وعسير فرحت يـوم فيصـل لفاهـا
فلت شعرها وانتثـر فـوق الامتـان
وفيصل بـورد العـز قـام وكساهـا
حطه زعيـم المملكـه ذرب الايمـان
خـادم بيـوت الله وحامـي حماهـا
صقر العروبه كنقنا صقـر الاوطـان
اخشـوم عدوانـه برجلـه وطاهـا
وقت الوغاء يثبت كما ضلع ورقـان
يمشي قـدم للقـوم ماهـو وراهـا
وقت الرخاء ليـن جنابـه وبطـران
ومافيه سكت صلـح ماهـو مشاهـا
وقت الزعل ساطي كما السيف شامان
وسـدود عدوانـه يبيـح خفـاهـا
الله يدومـه دوم للخـيـر نيـشـان
وانـه يحفـظ المملكـه واومراهـا




**********

(..نصب وخديعة..)





الوقت هذا وقـت نصـب وخديعـه
شفنا من الاحـداث مايولـم القلـب
ياهل الشهامه ويـن درب الطليعـه
دام الاوادم ودهـا النهـب والسلـب
سوولنـا ديكـور يبهـر لميـعـه
وندفعلهم لوكان متنـا مـن الغلـب
نشهد على الباطل وامـورآ شنيعـه
ونجلب ضمايرنا على الهاويه جلـب
وشلـون ننسـى ربنـا والشريعـه
ونحلب ضمايرنا لجل درهمن حلـب
وعلـوم ويـا علـوم والله شنيعـه
الذيب صار تخوفـه نبحـة الكلـب
كد قالها شاعـر حصونـه منيعـه
ويلولب المعنى على خاطـره ولـب
ليستفزعبنا الفقـران قلنـا قطيعـه
ولستفزعبنا التاجر نوقف كما الصلب
امـور شفناهـا وصـارت فجيعـه
مير البلى من واحدآ مامعـه قلـب




**********

(..المهرة..)





تكفون يالاعـذال مـودي احـراج
شين بنفسي مـن خيـال وحقيقـه
بلاش بالله يالربـع كثـر الازعـاج
ليـن المطافـي ينقـذون الغريقـه
ليه حوالـي عـام نـاوي امنهـاج
واحس فيه كبـت وشـوي ضيقـه
عيني على سنجار والقلب لسـواج
وشلون اجمعهن والا قـي طريقـه
والمهره الي فوقها السـرج ممـاج
خيالها واحـد ولا عـرف شقيقـه
من دونها رمحين وسيوف مع صاج
وقطعت رماتن يحكمـون التفيقـه
يغار منها من يسكن ساحل العـاج
ويرقصلها بحر الخليـج ومضيقـه
يبكي عليها فوج وتضحـك افـواج
وتطلق يدين وتقصرإيـدن طليقـه
من دونها بعض العرب صابه امراج
عشاقها ميـه وانـا لـي عشيقـه
حاولت اروضها على شط الامـواج
ثم استذارت واشملـت فـي دقيقـه
منول غلاها شيـد بيـوت وابـراج
في وسط قلبي والمشاعـر رقيقـه
واليـوم مبغاهـا ولانـي امحتـاج
وردت نفسـي للبحـور العميـقـه
لكن ضدي ناس من خلـف الادراج
والشك في نفـس الرفيـق لرفيقـه
واقرب مثل مالي عن الصدق مخراج
والظلـم والبهتـان محـدآ يطيقـه
الناس من صنعاء تسولف بهـداج
وغيره يفوق الالف بيـر وخريقـه
سجو عن الي كالبحر كـل مهـاج
اتشيـل البواخـر قوتـه ماتعيقـه
زمزم عليه افواج عمـره وحجـاج
ومن جمه الضميان يملـي ابريقـه



**********


(..الجمر والثلج..)





ياصاحبـي هوليـش صـدك وفرقـاك
متـدري ان القلـب لـولاك مـاعـاش
دمه غـلاك وينبـض اسمـك ويهـواك
وتجري مجار الدم فـي داخـل الجـاش
وياصاحبي صاحبك وده علـى ارضـاك
عينه مجاهـا النـوم والفكـر منـداش
ذاق العناء وين الهناء وانـت ماجـاك
يغيـر طـار البعـد ينعشلـك انعـاش
ياكثـر ماضحـى لاجـل يـوم يلقـاك
وياقـل ماضحيـت والوصـل ببـلاش
ويقربـه ان ناديـت جـالـك ولـبـاك
ويبعـده ان نـاداك تسكـت وتنحـاش
ويحبـه لوصلـك عسـى الله يـهـداك
ويكرهه لطيشك ومـن سبتـك حـاش
حاش السهر ذاق الكدر وانـت ماقسـاك
تجـزا الوصـال فـراق واطـاوع الاش
الـي علـى الفرقـاء يحـاول وجـراك
وصدري عليك من العتب والزعل غـاش
لولاك غالـي كـان ماغفـر خطايـاك
ولولاي عارف صدتـك سبـة الـواش
ولـولاي محتاجلـك مـادور ارضــاك
ولولاي منك امنت بـان الهجـر مـاش
يبعـد محبـك عنـك ويـزود اعــداك
ويشغلك بين النـاس جالـس وطـراش
وانـا طـوال الوقـت لايمكـن انسـاك
لانه مامثلك فالبشـر عـرب واحبـاش
شفت الحيـاه ابطلتـك جعلـي افـداك
والموت لاسلهمت في عكـف الارمـاش
وش جمـع الضديـن داخـل محـيـاك
مدري ولكن جهشـن فكـري اجهـاش
ولوني اذكـر بعـض واصغـر حليـاك
كلا دفع عمـره لاجـل شوفتـك كـاش
فيـك الحـلا واليـل حالـك وغـطـاك
ومنك الجمر والثلج مع لمعـة افـلاش
قيل الجمـال اثنيـن مـن رب الافـلاك
وهبه من الي يمحي الوقـت برشـاش
نصن علـى يوسـف ونصـن تنصـاك
واصبحت صافي لون وابيض من الشاش




**********


(..سامح الله..)






سامح الله صاحبن صدو تراكني في ثوانـي
طاوع العذال واقفا بين ذيـك وبيـن ذيـه
بين تصديق الهروج اللي نقلها شخص ثاني
وبين عهدآ راسمينه له سنه والنـار حيـه
مدرى انه ساكنن بالقلب وشهوله نسانـي
كيف يرحل بس كذا من دون ذنب ولاخطيه
مدرى انه وسط قلبي بانين سور ومبانـي
وشوفته عيد وغيابه حزن لنفـس الشقيـه
مدرى بن الوصل كالسيل ينبت كـل فانـي
العروق الممحله تنبـت بامـر رب البريـة
ومدرى بن الهجر نـارآ تولـع بالمحانـي
كيف يتركني ويلحق كيتن من فـوق كيـه
كبني من بعـد فبحـور المحبـه مرمانـي
والسبب حساد جازو حسنة العاشق بسيـه
الهواء مايرحم العاشق لهـو منّـه يعانـي
رحنبو جرح الهواء يورد على حوض المنيه
خبروه اني نسيتـه لايجينـي لـو بغانـي
الكرامـه متسـام ولاتـبـاع ولاشـريـه
من هجرني ماتبعته والذي كد كـان كانـي
تبعـة الرجـال للمقفيـن منقـود وزريـه




**********


(..قصيدة تبدأ ابياتها بالحروف الأبجدية..)





القلب ملجـا للهمـوم العضايـم
ساجن وداجن بالحشاء واعمدنـه
بدّن علي السـر والجـو غايـم
وليه بتال الليـل سـر اعلننـه
تـواردن افكـار فكـري ولايـم
ويش السبب بجروح قلبن خذنـه
ثارن علـي وقلـت يالله ياديـم
عني على همن ضلوعي شكنـه
جاهل ولادري بالسبب ومتشايـم
الا بعد حولـن بصـدري قضنّـه
حالي كما عودآ شوته السمايـم
قفا خضـاره والهبايـب شونّـه
خليّت دياره بعـد عرقـه تلايـم
ودون الثرى قصرت عروقن غذنه
دارة سنه والطير بالجـو حايـم
غادر بعد سـود الليالـي جفنـه
ذي حالتي وانـا قـوي العزايـم
على وليفن قربـه اليـوم جنـه
ربع سنه مع ثلـث ذب الخرايـم
شد الرحال وخليّت الـدار منّـه
زادي غلاه وعن هوى الغير صايم
ولقياه عندي فرض ماهو بسنّـه
ساس الهواء بالروح مبني وقايم
وصدوف القدر من نسجهنه بننه
شعري بدعته فيه والقلب هايـم
لكن قلبـه صـار مابـه محنـه
صد وفعلبي من صـدوده جرايـم
جرم الفراق المـر بالقلـب كنـه
ضنيت بانه مع نسيـم النسايـم
يرسل سلامه والعـواذل مجنـه
طالبت في وصله وسقت الازايـم
ولكن غدى ماكنت والله باضنـه
ظافن غلاه بوسط دمـي وعايـم
يجري مجار الـدم ويسـد عنّـه
عليه ماسمـع عاذلـي والوايـم
لين انحمس قلبي كما حمس بنه
غالـي ويلفينـي لصـرت نايـم
ياما حلـوم اليالـي ليـه جبنـه
فهمت بان البعد للعشـق ضايـم
وان التمني مانفـع مـن تمنّـه
قسوة جحيم البعد وايـا النمايـم
تنبت بقلب الشخص كره ومحنـه
كرهن لمنهو صار عذله شتايـم
وتحن للي ظـرف وقتـه يسنـه
لو كان لو تفيـد ياهـل العمايـم
قلت المثل صادق ويزيـن فنـه
من طول الغيبات جـاب الغنايـم
مير المثل بعض الحكم ينقصنـه
ندري بان الوقت كسب وهزايـم
ولا كل غايب جاب كسبن يعنـه
وارج السموحه يالعقول الفهايـم
طاروقي بدعته والاذان اسمعنـه
ياما على الرجال تاتـي ضلايـم
وياما عزومه بالزمـن يظهرنـه



**********

(..يا صاحبي لا تعد اليوم زلاتي..)




ياصاحبـي لاتعـد اليـوم زلاتــي
زلاتك اكثر وطـار الطيـر بجناحـه
لونت تعلـم وتـدري عـن قنعاتـي
ماكان عينك لـدق الهـرج شواحـه
انا سبحت البحر مع موجـه العاتـي
وانته ماتسبح وتبغى الناس سباحـه
احيان تاقـف معايـه بالصعيباتـي
واحيان تاقف بضدي يابيض الراحـه
واحترت اعدك من اية نوع بالذاتـي
انته صديق او عدو يبغيلي الطاحـه
متدري انـي معايـن كـل شماتـي
والناس قسميـن شماتـه ومداحـه
مالي صـور بالجرايـد والمجلاتـي
ولاني معروف بالصحراء وبالواحـه
لكن هذا ماينقـص مـن طموحاتـي
عمري قضيته شقاء والناس مرتاحه
ولـون الابـداع كلـه بالقنـواتـي
ماكان التميز قليل اليـوم بالساحـه
الذيب صيته وصل كـل المحيطاتـي
له نـاب قطـاع واليديـن جراحـه
يسرح ويمرح ويرقـى بالطويلاتـي
ولاحدن يشوفه بمسراحه ومرواحـه
يكود فرصه غريبـه بالزمـن تاتـي
لمحه مايمد الشجيـع يلـد بسلاحـه
ولو تنشد الطفل عنه اعطاك وصفاتي
بشكله وفعلـه وتوقيتـه المسراحـه



*********


(..الهروج العوج..)





لو الهروج العوج تاقف على الزور
احسن متطلـع والعـرب تنتقدهـا
تهدم بيوت العز وتضيـق صـدور
ويلحق ضررها نفس منهو قصدهـا
والي هرجبـي كلمتـه كلهـا زور
كلمة حسد والخلق ماكثـر حسدهـا
قبرتها بالصـدر مـع عـدة قبـور
اجنـازةً حطـت بداخـل لحـدهـا
ماني مطردهـا ولانـي ابمجبـور
اركض وراها لين احصـل سندهـا
تبعث بيوم البعـث وتلاقـي النـور
ويحكمبها اللي فوق عرشه شهدهـا
والناس تفهم عمي الاخبار والعـور
ومنهو تعب لاجل الحقيقه وجدهـا
تاخذ وتعطي والخبـل دوم مثبـور
وصححاح العلوم ان باينت تعتمدها
خل الغشيم يقـول ويكمـل الـدور
طاقة حكي عنده مايحصـى عددهـا
ثوبه على النمـه اليجـاك مـزرور
والناس ملت من علومـن سردهـا
محدآ يقول اقعد ترى البال مسـرور
كـلآ يبـي فرقـاه وامـر وادهـا
وانا اتعـذر عـن قبالـه ومعـذور
منـزل بنفسـي لرخـوم وحقدهـا
اسري مساري ذيـب لدنـع الثـور
وانقى علوم الصدق واترك زبدهـا
ويفعل سواتي بالزمن كـل ممـرور
حبل الضلايم رخو لو طـال امدهـا
نمشي بثر قومن لنا تحكم الشـور
رسست علا اقمام العلالـي وتدهـا
نجلس مجالس طيب ونخاوي صقور
وحقوق العرب لاشـك منظتهدهـا
وهاذي سلوم الناس في كل العصور
قواعـدآ رسـت وثابـت عمدهـا
والاالردى دربه من الناس مهجـور
قطعت طحالب فيه محـدآ حمدهـا
ولو الرجال تغيب عن داخل الـدور
تبقى قصصها عبرتن مـن بعدهـا
ولو الرخوم تحط في داخل السـور
يعنك لو غابت فـلا احـدآ فقدهـا








.........................................


ديوان: الشاعر/ ممدووح البدراني








التوقيع

[img][/img]
[blink]البدراني2007[/blink]

محمد ابراهيم البدراني غير متواجد حالياً   رد مع اقتباس
قديم 30-08-2009, 03:38 AM   #2
معلومات العضو
راعي الديره
عضو فعال فى منتديات البدارين
إحصائية العضو







آخر مواضيعي
افتراضي

بيض الله وجه الشاعر ممدوح البدراني وهو فخر لربعه البدارين مع تحياتي البدراني 2007 اخوك الطيير البدراني








راعي الديره غير متواجد حالياً   رد مع اقتباس
قديم 30-08-2009, 03:42 AM   #3
افتراضي

الاخ الغالي البدراني 2007

بيض الله وجهك ووجه شاعرنا ممدوح البدراني وصح لسانك ولسانه

قصائد رائعة ومشرفة

لك فائق التقدير والاحترام








عبدالمطلوب مبارك البدراني غير متواجد حالياً   رد مع اقتباس
قديم 04-09-2009, 01:18 AM   #4
معلومات العضو
الجارح
بدراني
إحصائية العضو







آخر مواضيعي


افتراضي

شـكــ وبارك الله فيك ـــرا لك ... لك مني أجمل تحية .








الجارح غير متواجد حالياً   رد مع اقتباس
قديم 05-10-2009, 12:51 PM   #5
افتراضي

اشكركم على المرور
ولكم اجمل تحية








التوقيع

[img][/img]
[blink]البدراني2007[/blink]

محمد ابراهيم البدراني غير متواجد حالياً   رد مع اقتباس
إضافة رد

الكلمات الدلالية (Tags)
ممدوح, البدراني, الشاعر, ديوان


الذين يشاهدون محتوى الموضوع الآن : 3 ( الأعضاء 0 والزوار 3)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
الانتقال السريع


الساعة الآن 07:18 PM.

أقسام المنتدى

المناسبات والتهانئ والاستقبال @ (((بث مباشر)))للزوار الاعزاء @ اخبار القبيله @ المنتديات العامه @ المنتديات التقنيه @ المنتدي العام @ المنتدي الرياضي @ المنتدي الاسلامي @ المنتدي الطبى @ المنتديات الادبيه @ منتديات القبيله @ المنتديات الاداريه @ الانساب @ ديار ومواقع @ قصص واشعار البدارين @ اعلام وشخصيات من البدارين @ قالوا عن او في البدارين @ المحمد @ الحمدان @ السحمان @ الحميدات @ البراكيه @ السفور @ السواحله @ الغلافصه @ الـــدراويش @ القرعان @ الطفحان @ السهاكره @ الطيره @ الفراسنه @ الملاحين @ الزهره @ العياضات @ مشاعر شاعر @ المنتديات التراثيه @ المحاوره @ قصه ونثر & خواطر والغاز @ الحاسب الالي والبرامج @ اريد حلا @ الصور والرسم والتصميم @ الصيد والقنص @ الاصايل @ الـمــوروث الشعبي @ الدواوين @ منتدي القمه @ الــــقمـــــــــــــــــــــــه @ التسجيل والاعلانات @ متابعة التسجيل والاعلانات الاداريه @ ديوان((مسافر بدري)) @ منتدى البدارين الخاص @ قصه وقصيده @ ديوان محمد عبدالمحسن البدراني @ منتدى البدارين الخاص(1) @ منتدى الاتصالات والجوال @ ديوان عبدالله سالم البدراني @ ديوان عبدالله حمد البدراني @ قصص وحكايات غير @ ديوان غلاب العــــريمه @ المنتديات العلميه المتخصصه @ منتدي التربيه الاسلاميه @ منتدى اللغه العربيه @ منتدي الخط العربي @ منتدى الادب العام @ منتدي التربيه الفنيه والاشغال اليدويه @ منتدي المواد العلميه @ منتدي المواد الاجتماعيه والوطنيه @ منتدى اللغات الاجنبيه @ منتدى الحاسب الالى @ منتدى الابحاث @ المنتديات العلميه والادبيه المتخصصه @ ديوان الشاعرفهد ذعار البدراني @ ديوان الشاعر احمد بن جائز ابن جهيم @ ديوان الشاعر فهد بن عبدالرحمن البدراني @ ديوان صالح بن ربيع ضبيب البدراني @ ديوان الشاعر عبدالمطلوب مبارك البدراني @ ديوان عقيل بن حمد السامود @ ديوان محمد ابراهيم البدراني @ قصص وتاريخ البدارين قبل النشر @ منتديات القبيله الخاصه @ منتديات المراقبين @ الفرفشه والتواصل @ منتدي الوظائف والتوظيف @ ارشيف لقاءت الاعضاء @ ديوان اللهبي @ المنتدي الاقتصادي @ ديوان عبدالله مناور البدراني @ ديوان بنت الباديه @ ارشيف المقابلات العامه @ الفتــــاوي @ علم وسيره @ الكســـــــــــــــــره @ ديوان الشاعر تركي فهد البدراني @ مشاعر موهبه @ ديوان الشاعر:ممدوح البدراني @ الامراض والاوبيئه @ ديوان الشاعره شوق نجد @ ديوان الشاعر جمال فهيد شعوي البدراني @ ديوان الشاعر فلاح مشعل ابو خطيمه البدراني @ االفزاعــــــــــــــــــــــــــيات @ الشاعر بدر بن راشد البدراني @ الدواوين النسائيه @ ديوان الشاعر: صنت عوض البدراني @ الدواويين الخالده @ الدواويين الادبيه @ ديوان حمد منور بن سواد البدراني @ الفعليات والمسابقات الشعريه والادبيه @ مسابقة فرحة وطن @ ديوان الشاعر على بن زيد البدراني @ ديوان الشاعر مشاري البدراني @ الانتخابات البلديه @ ديوان الشاعر عبدالله منور البدراني @ ديوان الشاعرفهد بن نفيع بن محمد البدراني @ قناة البدارين المرئيه @ تغطية الافراح والمناسبات @ الملف الصحفي(مقابلات ولقاءات) @ ديار البدارين @ ديوان الشاعر سعد غازي البدراني @ ديوان الشاعر جهز بن عوض ابن غليفيص @ ديوان الشاعر محمد بن عيسي البدراني @ ديوان الشاعر عبدالله بن محمد بن حصين @ ديوان الشاعر عبدالله بن محمد السامود @ ديوان الشاعر نواف سعود قطنان البدراني @ الرمز الخالد الشيخ نائف بن هاجد ابن راجح(رحمه الله تعالى) @ منتدي التوعيه والارشاد @ سجين الادمان @ تطوير االمناهج والمسانده @ ديوان الشاعر : حمود ناصر البدراني @ ديوان الشاعر: عوض بن ركيان البدراني @ الشاعر ممدوح فهد البدراني @ المسعود @ ديوان الشاعر صنيتان بن صالح البدراني @ ديوان الشيخ الشاعر ابراهيم عبدالمحسن الطيير @ ديوان الشاعر عبيداللله ابراهيم عبدالمحسن الطيير @ ديوان الشاعر عبدالله عقيل السامود @