القهـر خلـف الحنـايـا.. حـجـم واحـسـاس وكثـافـه =والبكـا صـوت الألـم ..والضحـك مـن شــر البلـيّـه
ولـــو نـحــاول نـكـتـم الـعـبـره ونـبــدو بـالـجـلافـه=لازم الأيــــام تـكـشــف مــــن سـرايـرنــا شــويّــه
والقضيـه حسـب رايــي فالـزمـان وفــي اختـلافـه=واخـتـلاف الــرأي لايفـسـد مـــن الـــودِّ قـضـيّـه)
إنّ هــــذا الــــذل كــلّــه والـمـهـانـه والـضـعـافــه=فــي نـفـوس المسلـمـيـن.. وفالـشـعـوب العـربـيّـه
كـاتـبــه ربــــي عـقـوبــه لــــنّ مـافـيـنـا مـخــافــه= يــــوم ضـيّـعـنـا كــتــاب الله مــــع ســنـــة نـبــيّــه
يـوم غرنـا ليـن أخـذنـا مــن يـديـن (ابــن حـذافـه)= رايــة الـحـق ..وعطينـاهـا (محـمـد بـــن عـطـيّـه)
قـايـد الأمّــه.. ومـتـعـب جـيــش عـمّــال النـظـافـه=قـادنـا فــي حــرب روتـانـا.. وفـــي غـــزوة بـهـيّـه
واشـهـد إنّــا بالـريـمـوت الكـنـتـرول ..وبالكـنـافـه=انتـصـرنـا والـسـبـب.. لاديـــن صـــح ..ولاهـويّــه
بـثـهــا يــــا تـلـفــزون ..ووثّـقـيـهـا يــــا صـحـافــه=انـنــا نـعـشـق حــيــاة الــــذل ..ونــهــاب الـمـنـيّـه
آه لـــو فـيـنـا مـــن الله خـــوف.. وشـويّــة ثـقـافـه=كـــان يمـديـنـا طلـعـنـا لـلـنـجـوم امــــن الـحـويّــه
كــان مــا شكّـيـت لحـظـه بـــانّ ماضـيـنـا خـرافــه=وانّ حـاضـرنـا يـخـجّـل.. والأمـــل أكـبــر خـطـيّــه
كان ما صرنـا صغـار.. وفـي شعـوب الأرض آفـه=كــان سلّمـنـا الـكـرامـه مـــن سكـاكـيـن الـزريّــه
وانــت يالـلـي تستـفـزّ الـجـرح مــن بــاب اللقـافـه=دمعـتـي فــي محـجـر عيـونـي ..وقلـبـي فــي يـديّـه
لو تقـول: المجـد عانـه.. قلـت لـك: هـذي سخافـه=ياحبـيـبـي.. تـكـثــر الـرعـيــان وتــبــور الـرعـيّــه
فالـثـرى راس النـعـام ..وفالسـمـا راس الـزرافـه=وانـــت حـــدّد مـوقـعـك مـابـيـن ..هــاذيّــه وذيّــــه
لو فرضت ان (الزمن×السرعه يساوي المسافه)=والزمن مجهول ..والسرعه صفر مـن تحـت ميّـه
كـــم (كـيـلـو مـجــد) بـيــن الجاهـلـيـه والـخـلافــه=لـيـن نـاصـل للـخـلافـه ..مـــن زمـــان الجاهـلـيّـه
درب راسك مـع بنـي عمـك ..وكـون انسـان تافـه=وان بكيـت ابكـي علـى صـوت الوتـر فالسمسميّـه
خـلـي المـجـد التلـيـد يعـيـش مــن بــاب الـطـرافـه=فـــي عـقــول العالـمـيـن ..ولا عـلـيـك ولا عـلـيّــه
الشاعر فيصل السواط
الإهداءات
« آخـــر الـــمـــشـــاركــــات »
14-01-2007, 12:10 PM
قائد حرب روتانا
العرض العادي
