اتمنى ان تعجبكم واطلب رايكم

[الفارررس]

بسم الله الرحمن الرحيم
السلام عليكم ورحمة الله وبركاته
شحالكم

.
.

قصيدة للشاعر حامد زيد .. وان شاء الله تعيبكم

وانا معجب بهاذ الشاعر واطلب منكم هل هويستحق المستوى الذى وصل ايليه وهل


يستحق المعجبين الذين ينتظرون جديدة وهل قصائده فيها تكرار


اتمنى اتعلمونى مدى اعجابكم بالشاعر حامد زيد وشكرا


مابقى الا سود الايام تحرمك الرقاد
كيف الاوهام اتجرأ تسريك مغبــون


من متى تجزع من الدمع وتخاف البعاد؟
من متى تقفي بك ظنون وتجيبك ظنون؟


صرت تاخذ كذبتي صدق، ومزاحي وكاد
لو بقول اني بخونك تحسب اني بخـون


ابك انا لاقلت ابنساك وانكرت الوداد
والله اني مانسيتك وولاهم يحزنـــون


من جزع من صفعة الشمس يطمع بالبراد
ومن فقد وجهاته الخمس يلقى بك ركون


اعتبرها هفوة انسان او كبوة جـواد
لو بتسمح فانت غالي ولو تجرح تمـون


عد صداتك مروة وطعناتك ضمـــاد
خلهن لاراحن طعون ولا ردن طعــون


خنجرك يستاهل الطعن ومتوني شداد
ومنك يازين الخناجر ويا بخت المتون


ردلي حنية المزح باحساس الجمـــاد
خلنا واحد يجي صلب والثاني حنون


موت فيني واندفن فيك بثياب الحداد
وان حييت أموت لرضاك واحيا بك بهون


مره ارقد بالكفن وانت ترقد بالمهاد
ومرة ارقد بالمهد وانت ترقد بالكفون


ادري ان شجونك شجون واعنادك عناد
والبلا ان عنادك عناد وشجونك شجون


ربك اللي سخرك لي تقود وما تقاد
والله الخالق ولله في خلقه شـــؤون


ازرع ضلوعي من رضاك وابشر بالحصاد
لعنبو من جيت ترضيه وترد امحزون


بس تسوالك بلد ؟ قول تسوالك بلاد
انت كل العالم بكون ولحالك بكــون


مابعد محبتك حب ومرادك مـــراد
غير كونك سيد حشاي تدري من تكون ؟


نعمتين اختصوا الخلق من جود الجود
كافل الأرزاق من حيث مالا تعلمون


البنون ونعمة المال بعيون العباد
زينة الدنيا بلا شك في كل العيون


مثل زينة دنيتي بس عندي شــي زاد
من عرفتك صاروا المال وانت والبنون


انتشي بك نشوة التيه لعناق الرشاد
وافزع الك فزعة القرم لشهاب الزبون


واحصنك تحصين الأرزاق عن درب الفساد
واعشقك عشق المظاليم لفراق السجون


لو تزيد الشوق جمرة تحولني رمـــاد
لو يزيد العشق شعرة بوصل للجنون


خل هقواتك كبيرة ونظراتك بعـــاد
كانك انت بكبرك تهون من اللي ما يهون ؟


عاد اذاماارضاك هرجي ولااللي قلت فاد
اننا لله وانا اليه راجعـــون


وانت باكر بتعرف على ناس جداد
والكلام يجيك من كل شكل وكل لون


لاتحسب ان كل كلمة بتسمعها وكاد
ولا تصدق هرج شاعر وتخدعك الظنون


دايم اعرف كل شاعر يهيم بكل واد
وان هم دايم يقولون ما لا يفعلون


حتى انا اللي قلت اعشقك ومااطيق البعاد
يمكن اطلع ماعشقتك .. ولا هم يحزنون


اخوكم الفارررس
والسلام عليكم ورحمه الله وبركاته