نومك طرب وانـا بنومـي هواجيـس

[احمد بن حزام البدراني]

السلام عليكم ورحمة الله وبركاته
مساكم الله بالخير
حبيت اقدم بين يديكم قصيدة الامير تركي بن حميد
لما فيها من تجمع اكثر من غرض من اغراض الشعر
كالصبر والشجاعه والكرم والفروسية
وارجوا ان تنال اعجابكم. . .

نومك طرب وانـا بنومـي هواجيـس=ماساهـرك الليـل كثـر الهمـومـي
اسهر الي نامـت عيـون الهداريـس=وبالليل اراعـى ساهـرات النجومـي
قالواجهلـت وقلـت جهـل بلاقيـس=الجاهـل اللـي مايعـرف اليمومـي
اشـوف عـدلات الليالـي مقابيـس=ولحد مـن الدنيـا عظامـه سلومـي
تضحك وخفىلك خفـى الهنـاديـس=تفطـر لهـا يـوم ويـوم تصومـي
اعمل وتلقا وافهمـا العلـم بالقيـس=دنيـاك لـو زانـت تراهـا نقومـي
والعز فـوق معسكـرات السواديـس=الى قصدت اللـي بالاشيـاء رحومـي
قـب تنـازا بالنشـامـا كـراديـس=والطيـر فـي روجاتهنـه يحـومـي
الى توافق مشـور السـوء وابليـس=تبـر منـه وعـز ربــي يـدومـي
بالليـل اصالىحاميـات المحامـيـس=والصبـح اصالـي كـل قباقحـومـي
اربع سنين ودمـع عينـي اماريـس=والعين تسهـر كـن فيهـا هزومـي
والىركبـت معالجـات المضاريـس=يبرد علـى قلبـي لهيـب السمومـي
صوابنـا بالليـل عمـق الـى قيـس=وطريحنـا فـي مثبـره مايقـومـي
ان جن بنـا مثـل النعـام الاماريـس=لاخف عجـل مـع رقـاق الحزومـي
استلحـق اللـي يطلبـون النواميـس=اللـي مـن الاقصيـن وادنااللحومـي
لاخير فـي كثـر الحكـا والتماليـس=هـرج لافعـل يجـي بـه وهومـي
لومى على اللـي ينقلـون العبابيـس=واهل الفرنـج وكـل رامـي لحومـي
ان جـن بالميـدان مثـل الدواويـس=وطار الغطاء عن قانيـات الرقومـي
عـرج باهلهـن كنهـن القرانـيـس=على الطريـح مصوبـرات كظومـي
الى سمك عـج الرمـك بالملابيـس=المسعـد اللـي حـظ ربعـه يقومـي
حتى يزيـن لنـا المثـل والتوانيـس=والكيف طاب لمـن يفـك الفحومـي
من لايديس الرأي من قبـل ماديـس=عليـه داسـوه العيـال القـرومـي
ومن لايقلط شذره السيـف والكيـس=يبـدي عليـه مـن الليالـي ثلومـي
والقصر مايصلح على غيـر تأسيـس=ومـن لاتعلـم ماتـسـر العلـومـي
ومن لاخـذا الدنيـا بميـز وتقييـس=مثـل الـذي يصبـح بليـل يعومـي
كـل القلـم مـن كتبنـا للقراطيـس=وركابنا مـن كثـر الاقـران تومـي
للشيخ من يعطـي الفقـار المفاليـس=يبـدل السـاعـه بـعـز يقـومـي
والحـر لادبـت عليـه النوامـيـس=يشهـر وعـن دار المذلـه يشومـي
والى اكترب من بعض الاشياء نسانيس=اعـزم ولابـد الفـرج بالعـزومـي
باب الفرج لبسـك نظيـف الملابيـس=ينجيـك بايـام االكـرب والزحومـي
أوجس بقلبـي مثـل دق النحاحيـس=الله يلـوم اللـي لحـالـي يلـومـي
يجلى صدا قلبي ضجيـج المهاريـس=لاقـام شـراب القهـاوي يعـومـي
دلال فـوق النـار دايـم مجالـيـس=اكرامهـن حـق عليـنـا لـزومـي
من صنعة الصبه وخمس التخاميـس=بريـة يعمـل بهـا كــل يـومـي
وبهارهـن هيـل بليـا حواسـيـس=كيـف يعـادي للنشامـا الـرومـي
عـده لحامـي العيـاد المـراويـس=ولا الحصـان اللـي بقينـه وهومـي
حتـى لـنـا المـثـل والتوانـيـس=والكيـف طـاب لمنيفـك القحومـي
وصلاة ربـي عـد رمـل الطعاميـس=على شفيـع الخلـق يـوم اللمومـي

[تركي الزايد]

واخير منها ركعتينن بالاسحار........لا طاب نوم اللي حياته خسارة

الغالي

ابو حزام

صح لسانك ورحم الله ابن حميد

تحياتي

[عادل البدراني]

الاخ المــبدع

احمد البدراني


صح لسانك ولسان الشاعر


قصيدة رائعه واختيار رائع


الله لايهينك ويعطيك العافيه


تحياتي وتقديري لك

[السيسبان]

الرائع

ابو حزام

سلمت يداك

ورحم الله الشاعر الكبير بن حميد

نقل متميز كما عودتنا

لك الود

[احمد بن حزام البدراني]

الاخوان
تركي الزايد
عادل البدراني
السيسبان
يعطيكم الله العافية
على المرور العطر