جرت هذه المحاورة في قصر بن عقيل بديوانية القصر بتاريخ 25/6/1428هـ وهي رباعية بين
الشاعر /فهد البدراني والشاعر / جهز البدراني من جهه
والشاعر / عبدالله العتيبي والشاعر / فهد العتيبي من جهه
فهد البدراني
على اصحابي العتبان ذيب سرى سرى
ولا احد يقول ان الوعد قد سرى سرى
ترى الاربعميه ماتعود سرى سرى
يقولون مال للعله الا مداويها
ياحضرة الشعار فالميداني= اللي يعقد الحبل واللي حله
جهز البدراني
على الله توكلنا وللسالفه معنى
عسى الله يطول عمر رجل مجمعنا
نبي نلعب المال والناس تسمعنا
يقولون مال للعله الا مداويها
نبي نشوف اصحابنا العتباني= في بادي المشوار فيهم خله
عبدالله العتيبي
علامك علامك يافهد عقب تالي الليل
تجيك الشجاعة وانت بين الجدي وسهيل
تعوذ من الشيطان بالحرب مالك حيل
يقولون مال للعله الا مداويها
ترى ماانت الاول ولا الثاني= ما يصحي المنجوم لين اندله
فهد العتيبي
توكل على الله كلبونا نتوكل
والا ياجهز كانك هنيا موكل
علامك تشكل ويش عنك تشكل
يقولون مال للعله الا مداويها
ما شفتنا بسم لله الرحماني= يا كبرها يا صاحبي من زله
فهد البدراني
ترى المملكه يا شيخ ما هي قطر قطر
وراع المعاني بالمعاني قطر قطر
ودم العتيبي في شليله قطر قطر
يقولون مال للعله الا مداويها
اليوم تذكرني ولا تنساني= عندي دوا يا صاحبي للعله
جهز البدراني
تبي لك نهار فيه للمعركة لجة
ولا لك معي حجه ولا لي معك حجه
يا ليتك توكل ثم تقبل على الفجة
يقولون مال للعله الا مداويها
يا مرحبا يامطوع سليماني= هاتو له البراد وهو والدله
عبدالله العتيبي
لو الله لو الله عقب هذي قعدتبها
لكني مع الاجواد ماني مخربها
جزى اللحيه اللي ما تكرم شواربه
يقولون مال للعله الا مداويها
ما زلت لا راضي ولا زعلاني= كأنك زعيم الدوله المحتله
فهد العتيبي
انا حجتي مع اللي يقدرها
لكن انت لو وردتها ما تصدرها
بلا قاصر اقول تكفى تغادرها
يقولون مال للعله الا مداويها
دام البقاء يالشاعر الفسقاني= ملتك هذي ما تسمى مله
فهد البدراني
ترى الشعر يالشعار حاله برى برى
وجرحه عقب صياف ليته برى برى
ومن بيننا من هو يرد البرى برى
يقولون مال للعله الا مداويها
خلك هنا مع عمك البدراني= ان كان صابك يالعتيبي ذله
جهز البدراني
عسى الله يعين اللي يخاويك بالمشوار
يبي يبتلشبك وانت ما تعرف المعبار
عليك النظر ملدود من صاحب الانظار
يقولون مال للعله الا مداويها
ماني خويك بس لا تبلاني= مسموح مني يازعيم الشله
عبدالله العتيبي
لو الشعر يسلم منك يمكن عتق عتق!!
لكن يالحربي حصلك غرق غرق !!
ما فالسدر الاشهب يا عميلي ورق ورق!!
يقولون مال للعله الا مداويها
دايم على الثنتين انا الكسباني= وان شفت مثلك بالطريق اغله
فهد العتيبي
الا ياجهز كبرتها والخبر عندي
تحاول تغيرفاللغه كنك الهندي
ياجندي تمشيها على مثلك الجندي
يقولون مال للعله الا مداويها
انا عتيبي ماني بشيطاني= والشله اللي عنكم بالفله
فهد البدراني
ما اجيب الدعاوي غير احضر سند سند
واحد حادر للضلع واحد سند سند
ولا لك معانا يالعتيبي سند سند
يقولون مال للعله الا مداويها
اعميتها يا شاعر العمياني= يومن راسك للسيوف تبله
الإهداءات
« آخـــر الـــمـــشـــاركــــات »
03-08-2007, 10:54 PM
ودم العتيبي في شليله قطرقطر ...
العرض العادي
