طفل ضايع على خـده ملامـح شايـب ٍ مكسـور=ضنـاه الهـم و اغـراه الزمـان ومـاات بيدينـي

[ابن شنوت]

مساكم الله بالخير
اقدم لكم هذه القصيده الرائعه جدااا لشاعر لايعرف الا لغة الابداع ولا يسلك الا طريق التميز
انتشر اسمه في المنتديات الشعريه لكن لم تعرفه الصحافه ولم ينال نصيبه من الشهره
ولكن يبدو ان نصيبه الوافر من الشهره بانتظاره في برنامج شاعر المليون
وجميع محبي الكلمه الجميله ايضا بانتظاره اترككم من هذا النص للشاعر الجميل
(( عاطف الحربي))

طفل ضايع على خـده ملامـح شايـب ٍ مكسـور=ضنـاه الهـم و اغـراه الزمـان ومـاات بيدينـي
اشوف مرايته سـوداا . ولعابيبـه حطـام قبـور=وبيتـه غرفـة ٍ مـن طيـن و أقلامـه سكاكينـي
دفنته . وانتهت قصـة غـرام و شاعـر ٍ مغمـور=واخذت من الدموع أكتب مكانه وين مـن عينـي ؟
لقيتـه فـي مناديلـي يصيـح و يشعـل التـنـور=يقول : أرجوك يا عاطـف تلملـم غربـة سنينـي
يقول : البارحه صبـري تمـادى حـده المسعـور=و أنا من ذقـت غربالـه طرالـي بيـت يبكينـي
( لو اغرق في بحر حبه او اشرب من عناه بحور=قسـم بالله ماتنـزل غلاتـه مــن شراييـنـي )
بكيت . وقال يابن آدم انـا الميّـت وانـا المقبـور=علامك كـل ماجيتـك تزيـد مـن القهـر فينـي
وقلت : الناس يابن آدم تجيلـك كـل يـوم بـدور=تجـي فالصبـح تِفرحنـي و إذا طابـت تبّكينـي
اشـوف الهـم يسرقنـي واثـاري همنـا مقـدور=مـدام الليـل مايـدري عـلام الويـل يشقيـنـي
و مدام الصبح يسرقني . تعال اكشفلـك المستـور=حكايـه مـن غرابتهـا بـدون شعـور تطرينـي
مدينه سورها ضايـع . وشـارع شاعـره مبتـور=وحديقـه فـي مراجحهـا نبـت ورد و شياطينـي
و دفتر ملّه الشاعر رسـم فيـه الغـرام قصـور=و قصيـده مـن جرائتهـا تقـول إلعـن عناوينـي
وبيت ٍ بآخـر الشـارع يمينـه شـارع ٍ مشهـور=يسـاره شـارع ٍ أغبـر عليـه ابكـي دواوينـي
ومـره فـي لياليهـا لقيـت انـي بـدون شعـور=بديـت احبّلـي طفلا علـى الأوراق يغريـنـي
بديـت ارسـم ملامح ليالـي حظه المأسـور=وبدا طيش السهر ليلـه بـدون احسـاس يسقينـي
وبدا يشرح معاناتـه وانـا مـن داخلـي مقهـور=وبديت اشـرح معاناتـي وهـو مثلـي يواسينـي
كبـرت وشفته يكبـر حقيقـه تنتمـي لسطـور=مابين احساس يوصلنـي إليـن احسـاس يجفينـي
شعرته ليلـة ٍ ظلمـى . لقيتـه غادتـي و النـور=ذخرته في مكاتيبي . وجنيتـه ( حُـب ) يحيينـي
أحبه ... كثر مامـرت مـن ايـام الغـرام دهـور=أحبـه ... كثـر ماتمطـر سحابـه فـي بساتيـنـي
أحبـه ... كثـر مامـرت ثوانـي حبنـا بـشهـور=أحبـه ... كثـر ماتطـري ذنوبـه فـي موازيـنـي
أحبه ... كثـر ماطـار الحمـام وغـرّد العصفـور=أحبه ... كثر ماحرفي سأل من حيرتـه .. وينـي ؟
أحبه ... كثر ما أزعـل مـن ايـام الجفـا و اثـور=أحبـه ... كثـر مايسـري . خيالـه فـي ميادينـي
نبتله بالخفـى ( ورده ) سقتهـا دمعتـي بسـرور=قطفها بـس بالقـوه . وانـا مذهـول وشفينـي !!
حسبته يـوم يقطفهـا يقـوم يقولـي ( مشكـور )=ولاكن راح مـن عنـده وانـا الاحـزان تروينـي
دخيلك ليه تجرحني وانا ارسمـك لشـذاي زهـور=دخيلك ليه في بحرك بدون اشـرااااع تنسينـي ؟؟
دخيلك . ليه وش باقى سوى انـي ابتعـد مجبـور=اخاف اكون في بالك ( مجرد شعـر يعنينـي ) !!
بكت كل الطرق بعده . بكـت واستأذنـت بالجـور=وبديـت ألملـم اوراقــي و اردد : مايخليـنـي
لقيت إن الطفل ميّت وانـا فـي حيرتـي منثـور=مابين اسأل على حالـك وبيـن الله يشااااااااافينـي
دفنت الطفل في صدري . بكيـت وقلتلـه معـذور=مدام الهم في قلبي . نمـى واجتـاح مـن حينـي
ولاكن خل في بالـك مـدام إن الحكـي محظـور=مدامك شفتني أبكـي . تـرى هالبيـت يبكينـي :
( لو أغرق في بحر حبك او أشرب من عناك بحور=قسـم بالله ماتنـزل غلاتـك مــن شراييـنـي )

[عادل البدراني]

مشرفنا الرائع

ابن شنوت

صح لسان الشاعر وصح لسانكـ

وتسلم ايدك على القصيدة الرائعه والاختيار الرائع

الله يعطيك العافيه

[عبدالمطلوب مبارك البدراني]

المبد ع الغالي ابن شنوت

صح لسانك وصح لسان الشاعر عاطف الحر بي

وسلمت يداك على هالنقل الرائع

تحيااااااااااااااااتي

[السيسبان]

الغالي

ابن شنوت

يعطيك العافية على النقل الجميل

للصديق الغالي

عاطف الحربي

ونتمنى له التوفيق في برنامج شاعر المليون

لك خالص الود