بسم الله الرحمن الرحيم
السلام عليكم ورحمة الله وبركاته
قصيدة للشيخ/ راكان بن فلاح حثلين شيخ قبيلة العجمان المشهور وهي إحدى قصائده التي قالها في منفاه بتركيا
يالله ياعلام كاين وماكان= ياواحدٍ كل امته يرتجونه
تفرج لمن هو بين الأتراك منهان= من غبن قاصر دارهم لي مهونة
ودي بشوف ديار مروين الاسنان= أهل الشهامة والوفا والمعونة
افعالهم ماهيب زورٍ وبهتان= فعلٍ شهيرٍ والعرب يذكرونه
الله يسقي داركم ياعجيان= وبلٍ من المنشا تكاشف مزونه
أسود عريضٍ ريّضٍ تحنحان= كن الهنادي سلسله في ركونه
من حومة النقيان لى حد صوان= تسبل هماليه ويسود لونه
ويسقي من العرفا ليا جوّ سوقان= والصلب حيث ان لابتي يدهلونه
ديرة بني عم على الخيل فرسان= والضيف لى جا دارهم يكرمونه
حامينها بقديمي صنع نجران= شلاع مايبرن الاطباب كونه
وحدبٍ تقص الراس من حد الأمتان= يقضي بها الديان باقي ديونه
بايمان القوم لى احتمى الهوش فرسان= والضد لو هو نازحٍ ياصلونه
جلابةٍ للروح لى ثار دخان= والروح لوّه غالي يرخصونه
كم شيخ قومٍ طوّحوا به بالايمان= خلوه من الميدان يطرح ونه
ومن زان حنا له على الزين خلان= يامن وحنا بالعهد مانخونه
وليا نوانا بالقوامات خسران= يبطي سهير ماتغمض عيونه
وصلاة ربي عد هتاف الامزان= لمحمد اللي منهجه يتبعونه
وتقبلواااا تحياتي