°ˆ~*¤®§(*§*)§®¤*~ˆ°
( الحذر واجب )
تـرى الحـذر واجـب فـي كـل الأحـوال
واللي يهاب الناس يحسب حسابه
والـغـطـرسـة والـكِـبر مـازادت رجـال
أمّا التواضـع صاحـبه لـه مهابة
والـلـي يـذم الـنـاس مـا هو لـنـا فـال
هـذا سـقـيـم الـعـقـل فـاقد صوابه
والـقـول إذا مـاتسنده بـعـض الأفـعـال
مـثل السـؤال اللـي خلا من إجابه
والمجـلـس اللـي مـابه ضـيوف ودلال
وش يفرقه بـين العرا والخرابه
لـعـل بـيـتٍ مـا هـو للـضـيـف مـنـزال
ينهد ويصبح صـاحـبه في ترابه
ولا تـامـن الـدنـيـا ولـو فـرحـهـا طـال
ياكم صغير السن مات في شبابه
مشغـول فـي الدنــيـا وكـانـت لـه آمـال
ما يدري إن الموت بـيـطـق بابه
واحرص على اللي صحبته تشرح البال
راع العـلوم الطيبة مـرحـبـا به
فـيـه الـبـشاشـة والـلطـافـه والاقـبـال
يـقـوم لا احـتجـته مـقام القرابة
وابعـد عـن الـلـي يـكـثـر الـقـيل والقـال
نـقـال لـلـهـرجـة ولا يـعـتـزا به
يـمـيـل فـي لـحـظـة مـع الـوقـت لا مـال
ويعلن عليك الصد ويبدأ انقلابه
ومـن قـبـلـنا قـالـوا قـديـم ٍ فـي الأمـثال
كـل الطيور اللي تـوالف تشـابه
شعر / ضيف الله مناور البدراني (أبووليد)
°ˆ~*¤®§(*§*)§®¤*~ˆ°
الإهداءات
« آخـــر الـــمـــشـــاركــــات »
15-03-2008, 09:28 AM
(الحذر واجب ) شعر ضيف الله البدراني
العرض العادي
