رشدان بن موزه المعمري

[تركي الزايد]

هذه القصيدة لشاعر اذا ذكر اسمه تلتها والنعم مباشرة
وكلمة والنعم لايستحقها الا رجل حمل معاني الرجولة
من طيب وكرم ونخوة... وغيرها
فرحم الله الشاعر / رشدان بن خلف بن موزه المعمري

يالله يافراج ياوال الافراج=يامبدل (ن) عسر الليالي بليني
تفرج المن كنه على جال مسهاج=كنه خلا ماحوله احد قطيني
ويامحلا لا سرى من عندنا كل هراج=يازين خط ركابهم هاضليني
مع منارة(ن) خمو حطبها بالارواج=ونارن سناها يقعد النايميني
مع دلتين(ن)بهن البن كد راج=واربع اطباق يكفن المضرميني
وسريت لمربية سمر الانعاج=واطلبه بالمعروف كنه حزيني
ولا قمة اراقيه بالثمن قال محتاج=هذا ولد شاتي كبير وسميني
اخذته ولا لي عن العذر منهاج=من شمية الخطار والله عويني
وتعشو وانسمح كل بلاج=وعقب الشفاحه عودوا لليقيني
وراح الشحم معهم يعجعج تعجعاج=ومخضبات ارقابهن من يميني

قد يكون هناك خلل في الوزن ولكن لم اجد احد يتقن هذه القصيدة بالصورة الصحيه أو لم التقي بمعنى اصح

وسلاااامتكم

[محمد بن جعيثن]

الاخ تركي

ونعم بالمعمري
ونعم فيك


ودائما التميزبالمواضيع


لك الود

[طير السلام]

تسلم يمينك يا أبو ذعار

ويعطيك العافية على هذه المشاركة

لك الود

[ابوعابد]

يعطيك العافية يأخ تركي على النقل

مودتي

[ابن شنوت]

الاخ تركي الزايد

يعطيك العافيه على نقل هالقصيده الرائعه

للفارس رشدان بن موزه المعمري

وله الكثير من القصص مع الاتراك والباشا في المدينه المنوره
زوةجة رشدان بن موزه هي الجازي بنت ابن راجح

تزوجها بعد قصيدتها الشهيره

يامل قلبن كن في واهجه نار = نار الشويط بعامرات الهبايب

الى اخر القصيده

يارب عضني في عشيري وبختار = قرم يفك الجيش وقت الحرايب

ووفاته رحمة الله قيل انه توفي في مصر على ايدي قوات الباشا بعد القبض عليه وترحيله


واسمح لي اخوي تركي بنقل القصيده بشكلها الصحيح

يالله يـافـراج يــاوال الافــراج=يامبدل (ن) عسـر الليالـي بلينـي
تفرج المن كنه على جال مسهـاج=كنه خـلا ماحولـه احـد قطينـي
واليا سرى من عندنا كل هراج=يازيـن خـط ركابهـم هاضلينـي
و منارة(ن) خمو حطبها بـالارواج=ونـارن سناهـا يقعـد النايمينـي
مع دلتين(ن) فيهن البـن كـد راج=واربع اطبـاق يكفـن المضرمينـي
وسريـت يم مربيـة سمـر الانعـاج=وطلبت بالمعـروف كنـي حزينـي
ولا قمة اراقي بالثمن قال محتـاج=هذا ولـد شاتـي كبيـر وسمينـي
اخذته ولا لي عـن العـذر منهـاج=من شيمة الخطـار والله عوينـي
واليا وتعشـو وانسمـح كــل بــلاج=وعقب الشفاحـه عـودوا لليقينـي
وراح الشحم معهم يعجعج تعجعـاج=ومخضبات ارقابهـن مـن يمينـي

تقبل تحيااااااتي,,,