القهوة وعيون الشعر

[كاكا البدارين]

السلام عليكم ورحمة الله وبركاته

هنا فكره بسيطه ولانستغني من حضوركم ومشاركتم معنا لنجمع أشهر ماقيل في القهوه من أشعار وذلك لما لها من أهميه بالغه جداً عند العرب قديماً وحديثاً ولنكن سبّاقين في هذا الصرح الى تكوين مايشبه الموسوعه في قصائد القهوه التي تعد من عيون الشعر الشعبي مشاركتكم وتفاعلكم يكفل لنا النجاح بإذن الله .

وأبداء بهذه القصيده المشهوره في القهوه للشاعر المرحوم بإذن الله / محمد القاضي .

يامـن لقلبٍ كل ماالـتمّ الاشفاق=من عام الاول به دواكيك وخفوق
يجاهد جنودٍ في سـواهيج الاطراق=و يكشف له أسرارٍ كتمها بصندوق
إلى عنّ له تذكار الأحباب واشتاق= باله وطف بـخاطره طاري الشوق
قربت له من غاية البن مـالاق=بالكف نـاقيها عن العذف منسوق
إحمس ثلاث ٍ يانديمي على ساق=ريحه على جمر الغضا يفضح السوق
حذراك و النية وبالك والإحـراق=واصحى تـصير بحمسة البن مطفوق
الى اصفرّ لونه ثم بشّت بالاعراق=وصارت كما الياقوت يطرب له الموق
وعطـّت بريح ٍفـاضح ٍفاخر ٍفـاق=لا عنبر ٍ ريحه بالانفاس منشـوق
دقـه بنـجر ٍ يسمعه كـل مشتاق=راع الهـوى يطرب ليادق بخفوق
واحشه بدلـة مـولع ٍ كنها ساق=بـلورة ٍ مـنصوبة ٍ تـقل غرنوق
خلّـه تفـوح وراعي الكيف يشتاق=الى طفح له جوهرٍِ صح له لوق
أصغراقموره كالـزمرد بالأشعاق=وكبارها الطافح كما صافي الموق
زلّـه على وضحا بها خـمسة ارناق=هيل ٍ و مسمار ٍ بالأسباب مسحوق
مع زعفرانٍ والشمطري الى انساق=ريحه مع العنبرعلى الطاق مطبوق
إلـى اجتمع هـذا وهـذا بتـيفاق=فـصبه كفيت العوق عن كل مخلوق
بفنجال صين ٍ صافي عنه الارماق=تغـضي وكـرسيه غـدان ٍ لمعشوق
الى صب فابصر جوهره تقل شبراق=رنق ٍ تصور بالـحمامة على الطوق
شكل غَـرَا الفنجال صبغه كما راق=دمّ الـغزال الى امـّـزع منه معـلوق
خمر ٍ الى منه تـساقى بالارياق=وعليه من ماء صافي الورد مـذلوق
راعيه كنه شارب ٍ ريق ترياق=كاس الطرب واسرور من ذاق له ذوق
يحتاج من خمرالسكارى الى فاق=طـفل ٍ يشف شفاه والعـنق مفـهوق
عبث ٍ يعيل ابـحُبة ٍ منه ما ماق=وهـو يباهي باهـي البدر بشــعوق
في وجنتيه الى غنج بارق ٍ حاق=عـجل ٍ رفيفه بالطـها الغـرق بطـبوق
سحر ٍكتب من حبرعينيه باوراق=خـديه صـادين ٍ و نـونين من فـوق
كن العرق بخـدودها حـصّ ارناق=نـثر عـلى صفحات بلـورة الشوق
إلى تبسم شع و أشـرق بالآفاق=نور ٍ يفـوق البـدر سحار منـطــوق
والعنق كن المسك والورس بـراق=ما مشخص ٍ في صدره الشاخ مدفوق
يـمشي برفق ٍ خايف ٍ مدمج الساق=يفصم حـجول ٍ هزه الثقل من فوق
الى صفت لك ساعة ٍ و أنت مشتاق=فاقطف زهر مالاق و العمر ملحـوق
فالى حضر ماقلت عندي فالارزاق=بيدي كـريم ٍ كافـل كل مخلــوق
والله لو يمــشي شقاق ٍ بالأسواق=مـن الملاء مايمسط الخمس مخلوق
هـذا و صلوا عـد ما ناض بـراق=أو ماشكى الفر قا شفيق ٍ لـمشفوق
على النبي مـا زج زاج ٍ با لأوراق=و آلـه و صحبه عد ماسيق مـسيوق

[محمد بن مرزوق البدراني]

قربت له مـن غايـة البـن مـالاق\\ بالكف ناقيها عـن العـذف منسـوق
إحمس ثلاث ٍ يانديمـي علـى سـاق\\ ريحه على جمر الغضا يفضح السوق
حذراك و النيـة وبالـك والإحـراق\\ واصحى تصير بحمسة البن مطفـوق
الى اصفرّ لونه ثم بشّـت بالاعـراق\\ وصارت كما الياقوت يطرب له الموق


الاخ الــــبـــدران نقل رائع واخـــتيار جميل

صح لسان قائلها وتسلم أنامل ناقلها


دمت بحفظ الله

بن مرزوق

[عبدالمطلوب مبارك البدراني]

ومن قصائد الشاعر رباح ابو لحم المطيري

كان في زياره لخاله عمار القلاع الروقي للسلام عليه وعندما قلط عليه وجد عند ه مجلس كبير من الروقه وبعد ماسلم عليه قال له خاله تعال اجلس بجنبي يالبناخي وعلمني في القصيد الزين في البنات المزيونات
فكبرت في صدر رباح عندما قالها خاله له امام الروقه باعتباره انه لايجيد الا القصيد في الغزل فقط او هو يكون (تباع هواه) كما يطلق على العشاق وعند ذلك فاضت قريحته بالقصيده التاليه ينقد القهوه ويصفها
لعشاقها من الرجال :

ياحامسين البن حمس التلاحيق*** تاليه نسف وفول الحمس دوبه

ذره الى جاء للهبايب تصافيق*** ورد الذراء من يم صالق هبوبه

من خوف يطلع في جنوبه تحاريق*** حرقان والا ان النيا في جنوبه

ترى مواري البن بش الاعاريق *** من خو ف لايطرق شرابه شبوبه

الى ان يقول.....

وسوقه على اللي في المجلس صناديق*** ان جاك نبا غلقوا عنك نوبه

وسوقه على مروين حد المراهيق *** امدورة درب الحسب لين جوبه

وكفه عن اللي مايسد الا روايق*** اللي يجيب العذر من كم ثوبه

ينكس الى جاء للشكاله طواريق*** ينكس عليه اللي تحمل ذنوبه

والكيف مايصلح لطير الحميميق *** اللي جناحينه تصافق جنوبه




يعطيك العافية البدران