نسيتنـي علّمنـي شْلـون ابنسـاك (قصيدة رائعة)

[ابن شنوت]

مساكم الله بالخير جميعاااااا,,,

قصيدة جميلة احببتها ورددتها كثيراا فأحببت ان انقلها لكم ,,,,

نسيتنـي علّمنـي شْلـون ابنسـاك = في هالزمن نسيان الاحبـاب عـادي
وشلون لامرّت على البـال ذكـراك = وطيفك سرق منـي لذيـذ الرقـادي
وشْلون لاقالوا لي الناس وش جاك ؟ = من كنـت فـي لّـذة منامـك تنـادي
وشْلون اعيش اللـي بقالـي بليّـاك = لا من غدينا كـل واحـد بـوادي
لو قلت اداوي جرحي اللي تباطـاك = ماكلّ جـرح يْفيـد فيـه الضمـادي
اعلنـت حبـك ليـن كـلٍ تمنـاك =غلطة وغيري من خطـاي استفـادي
لو لي مثل قلبـك تمنيـت فرقـاك=واكيد قبلـك بالجفـا صـرت بـادي
حلـوه عذاريبـك وحلـوه مزايـاك =حتـى بيـوم فراقنـا كنـت هـادي
كنّ الليالي ودهـا تكسـب رضـاك =وأنـا يطـول مـع الليالـي جهـادي
في ذمتي ماهـي غريبـة خطايـاك =مبطـي وقلبـك لـو تنبّهـت غـادي
سهلة على من كان مثلك وشـرواك = مثـل الثيـاب يغـيـرّون المـبـادي
علمني اكـره ذكرياتـك وطريـاك = وانسى من الليله صدوق الـودادي
ولاني بقايل عقبهـا ويـن ابلقـاك ؟= راضي لو ان جروح قلبـي جـدادي
ولاّ القصايد جعلها مـن فدايـاك =لبّستهـا مبطـي ثـيـاب الـحـدادي
باكر على المخطي يدورنّ الافـلاك =ونشوف من يصعب عليـه البعـادي

الشاعر متعب التركي

[مشاري البدراني]

الاخ العزيز/ ابن شنوت


تسلم يمينك على النقل الرائع قصيده جميله جدااا تحمل بصمة الكبار


صح لسانك ولسان متعب التركي



نقل رائع ومتميز



تحيااااتي وتقديري

[عبدالمطلوب مبارك البدراني]

ولاّ القصايد جعلهـا مـن فدايـاك = لبّستهـا مبطـي ثيـاب الحـدادي
باكر على المخطي يدورنّ الافـلاك =ونشوف من يصعب عليه البعـادي

الله الله
الغالي بن شنوت
قصيدة رائعة روعة حضور ناقلها
صح لسانك ولسان شاعرها

لك تحيتي وتقديري