ابن زويبن وعضيب هليل العلوي

[محمد بن مرزوق البدراني]

السلام عليكم ورحمة الله وبركاته ..

أخواني وربعي البدارين أقدم لكم ...

قصيدة للشاعر الكبير المعجزه عبد الله بن زويبن المعمري الحربي
وهو يمدح بها الداهيه عضيب ويمدح قبيلة حرب وكذلك سبيل بن سند ومحمد شبيب الحداري

	من اليمامـه قـم تولّـم يـا نديـب الله يفكـك مـن عراقيـل السـفـر من فوق جيب(ن) من بلاده توْ جيـب من طبتـه للمملكـه مـا لـه شهـر اليا مشيت العصر مع ستـر الحبيـب قبل تغيب الشمـس وأنتـه بالحفـر ملفـاك بيـت(ن) للبعيـد وللقريـب مشرّع(ن) بابه علـى طـول الدهـر راعيه رجال(ن) عضب واسمه عضيب اللي على الناموس والطيـب اشتهـر ما هو كبير وشاربـه مليـان شيـب من كثر صكات الدهر مـا هـو كبـر مشيّبـه كثـر المـصـالا للهيــب والحمس فوق الجمر الأشقر والسهـر على دلال(ن) وزنهن نثـر السريـب غثو(ن) على مقلع شجرة(ن) في مقر وشيل الصواني في كبيرات العصيـب اللي مكبـر وزنهـن قطـف الزهـر وتذويبة الحجه علـى راس الطليـب ياليـن يسقيـه المـراره والـكـدر وبالشعر ما ينحاه من ينحا الشعيـب اليا تقضقـض مـن علـوه وانحـدر متوسقه مزن (ن) يصب الما صبيـب سيله يحـوّل فـي جلاميـد الصخـر اليا وصلته قول يـا سقـم الحريـب يا عضيب يا ساس الحميـا والظفـر أنت وسبيل ابن سنـد وبـن شبيـب مثل السيـوف اللـي يشقـن النحـر كل(ن) من النوماس حاز أكبر نصيب وقف بميقـاف الشجاعـه وانتصـر مثل مواقـف مرويـة حـد الذريـب شيخان حرب اللـي يقـودون الجبـر سواقة العطفه على الجمـع المريـب لباسـة الماهـود والجـوخ الحمـر على المهار اللـي يموحـنّ السبيـب ما يورحون الموت مـن زود الدجـر أخوان نوره فوق عجـلات الهذيـب علـى ضحاياهـم يسـمّـن الـديَـر صويبهم لو عاش مـده مـا يطيـب الموت ما لـه عـن ملاقاتـه مفـر صوابهم يطغى علـى طـب الطبيـب مثل السرطان الخبيـث اليـا انتشـر وابن نحيت اليا عوا ذيـب(ن) لذيـب ما ينهزم جمع الحروب اليـا حضـر مقدم بني سالم هل الأصـل العريـب دفانـة الركبـه علـى خـط الخطـر وأخوان حسنا ويش اخلي ويش اجيب خصيمهـم عينـه يلاطفهـا السهـر اليا صاح أبو جلال بالصوت الصليب الخيل من وجهـه تفـر اليـا زجـر اليا طاش مثل الهايج اللي له لسيـب ترجف قلوب الزمل منـه اليـا هـدر ولو أذكر الباقيـن طاروقـي يشيـب مير السموحه يـا حميديـن السيَـر والصدق يا اكرام اللحى ما هو بعيـب مثل النهار اللـي يمـد بـه النظـر الشاعر اللي لـه مواقـف والأديـب سيف (ن) اليا ماحد صـدّى واندثـر بعض الرجال بماقفه مشعوف طيـب عند اللـزوم يطـش عمـره بالبحـر اليـا دعيتـه للمواقـف يستجـيـب يجيـك ويجيـب الجواهـر والـدرر وبعض الرجال يجيبه الحق المصيـب يقضي اللـزوم ولا يوطيهـا الوعـر وبعض الرجال يهيّب اللي ما يهيـب بس يتلـوى مثـل قصـاص الاثـر أثر ذهيب(ن) مختلط له مـع ذهيـب في وادي(ن) مليـان رتـاج وشجـر وبعض الرجال يحيّر القلـب اللبيـب متقلب(ن) يمشي على بطـن وظهـر وسوالفه مثل السراب مـع الجذيـب يملا لـك القيعـه ميـاه بـلا مطـر ويملا لك الطاسه من الحايـل حليـب ويحـط بيديـك الثـريـا والقـمـر ورشاه ما يطلعك من بطـن القليـب لو هو بجنبك قـال بقريـح وصقـر وقت الرخا قدام وجهـك مـا يغيـب ووقت القسا مـا عنـه رداد الخبـر وبعض الرجال مرافقه صعب وتعيـب مثل السلاح اللي يعامـل فـي حـذر ندرى شعوره مثل ما نـدرى الغريـب ودري القزاز اللي اليا طـاح انكسـر والناس مختلفين وارضاهـم صعيـب وهذا هو المعروف عن طبـع البشـر

[محمد بن مرزوق البدراني]

المدمر عضيب بن رد هليل كما أطلق عليه جمهوره وأبناء عمومته ..

	بديت باسم اللي علـى العالـم رقيـب محيي الهشيم وميبس العـود الخضـر الواحـد اللـي يلتجيلـه مـا يخـيـب علام مـا يَخفـى علـى كـل البشـر إلى دعيته وانـت مخلـص يستجيـب ويا جب على المخلوق يومـن بالقـدر الله ولا غيـره علـى الدنيـا يثـيـب سمّيـت بالرحمـن وابليـس انـدحـر الله يآمرنـا علـى القـول المصـيـب يوم استمـر القـاف والغايـب حضـر يا مرحبا بالجيب من رجل (ن) نجيـب اعـداد مـا هلـت هماليـل المـطـر واعداد ما يخضر من الوسـم الشعيـب وعداد ما يبـدي مـع الفجـر السفـر يا مرحبا حييت من صـدر(ن) رحيـب يا اللي عنيـت امـن اليمامـه للحفـر ترحيبة المشتاق مـن قلـب(ن) لبيـب بالزايـر اللـي خصنـي دون البشـر أكبر هديه منـك يـا الشهـم الأديـب اهديتنـا تــاج المـعـزه والفـخـر نجم(ن) لمع لعـل نـوره مـا يغيـب دافـع وفـا ويـدل فـي بعـد النظـر عندي شهادة حق لك قاف(ن) عجيـب لا اوحاه مـن يكرهـك دنـق وانقهـر إلى حصـل بالمجتمـع شـد وجذيـب يَسعد صديقـك والعـدو منـك انحشـر يا ابن زويبن ما قفي مـا هـو غريـب دمـي غيـور ودافعـه قـوّ الصـطـر أنا اعتزيت بحرب والسـاس العريـب ما هم خشاش(ن) جمعه قـوع الشجـر لا جا نهار(ن) فيـه مغلـوب وغليـب يسقون وجعان الضميـر امـن السـدر دون القبيلـه لا نـخـاف ولا نهـيـب ما نقبل العوجـا علـى الحربـي تمـر إخذ الكـلام بغيـر شـك ودون ريـب دون القبيله مـا يعيـش اللـي ذخـر بعض الآوادم يلحـق السـرح العزيـب يسمـح لمـن ضيّـع طريقـه ويعبـر لا ما نحينا العـوج يطمعنـا القريـب ما هي علوم(ن) جابهـا زيـد وعمـر تعرف مواقف حرب باليـوم الصعيـب كـان النشامـا طوّحـو بيـض الغتـر عوق العنيد إلى حصل يوم(ن) رهيـب قبيلنـا معـذور لـو قـيـل انتـحـر يا ما كسر مركاضهم عظم(ن) صليـب وكم واحد(ن) في ظلهـم كسـره جبـر من فوق قـب(ن) يدبـن ّ المستريـب يحرم على مـن لايعنّـه مـا انتصـر وإن صاح راع الشول وأومـا للجنيـب سلّـم عقيـد القـوم واسلـم واندمـر ثم كوسـرن بأذيالهـن مثـل العسيـب راجـن عليـه وراغ قلبـه وانبـهـر مـا فيهـن الدنـا ولا فيهـن هليـب يحتـار راع الصنـف فيهـن وافتكـر إن طـاب للـزعـلان وإلا لا يطـيـب عيب(ن)على اللي كلمتـه مـا تعتبـر ما كل من يرمي الهدف رميـه يصيـب تحتـاج قـوّ زنـود وضلـوع وبصـر فـي ظلنـا تلقـا الضعيّـف والغريـب يوم السنين اللـي بهـا قـل وعسـر وبعض العرب ما له قريب ولا شريـب الحنظـل المكـروه لـو يطلـع ثمـر شرحت عن بعض البشر شرح(ن) مريب لا شك أنـا بشـرح قليـل ومختصـر كل (ن) على ما قيل ربه لـه حسيـب ترى المذاهب تختلـف وأنـت الحـذر عليك بالطيّب إلـى اختـرت الصحيـب رفقة عزيز النفـس تجعـل لـك قـدر من طاب حظه كـل مـا يفعـل يطيـب ومن طاح حظه خـف وزنـه وانعثـر ترى الردي ما عاد يقضب لـه قضيـب مثـل سـراب القيـظ والحـظ الغبـر اسمع سلمت وكل سايـل لـه مجيـب عسى لك التوفيـق مـع طـول العمـر اقبـل تحيّاتـي وسامـح يالخطـيـب شـرواك مـا نقـدر نقـدم لـه عـذر أدراك يـا ريـف النشامـا واستعيـب من كلمة التقصيـر مـن قبـل النـذر تقدير والتقديـر واجـب يـا الحبيـب يا اكعام خطـوان الحقيـد إلـى زمـر أبيك تفصـد ناظـر الوجـه الغضيـب لا هزّه الشيطـان وارسـل لـك سبـر الحرّ له مضراب فـي الكـف العطيـب يصحا به السكران مـن بعـد السكـر يا بن زويبـن كمّلـت كلمـة عضيـب ولـك اجمـل التقديـر منـي والشكـر

بصراحه لن اوفي حق شعرائنا عبد الله بن زويبن وعضيب بن هليل العلوي

مهما وصفتهم أعجاز شعري وما نقلت درر شعريه ماشاء الله
تقبلو تحيا ت أخوكم محمد مرزوق البدراني

[محمد بن مرزوق البدراني]

عفواً اردت ان اكتب رد المدمر عضيب بن هليل العلوي

[ضعيان بن طفيح]

الاخ العزيز:محمد بن مرزوق البدراني:::شكرا للك على هذا النقل الرائع

وان شاء الله يستمتع في هذا القصيد الجزل جمع زور المنتدى البدراين وضيوف البدارين

وصح لسان ابن زويبن وابن هليل

@ سلمت ودمت @

[محمد بن مرزوق البدراني]

المشاركة الأصلية كتبت بواسطة ضعيان بن طفيح

الاخ العزيز:محمد بن مرزوق البدراني:::شكرا للك على هذا النقل الرائع

وان شاء الله يستمتع في هذا القصيد الجزل جمع زور المنتدى البدراين وضيوف البدارين

وصح لسان ابن زويبن وابن هليل

@ سلمت ودمت @

الاخ العزيز ضعيان بن طفيح

الشكر موصول لك ايضاً

والاروع هو مرورك يغالي

تحيااااااااااااااااااتي