قصـــــــيدة الشعـــب السعودي

[برنس البدراني]

الفقر هم الكثير وحطم احلام دفينه
والبشر صارت تسولف بالوظايف والبطاله
ذاك جاب الثانويه ثم توظف في كبينه
وذاك حتى هالكبينه مالقاه وصار عاله
وذاك همه يتزوج ثم يكمل نصف دينه
وذاك همه كيف يلفي لقمة تشبع عياله
وذاك همه بالديون ومن يسدد داينته
وذاك همه وسط الأسهم يوم تاكل راس ماله
وذاك همه بنته اللي مدرستها طالبيته
من كراريس وبلادي الله أعلم كيف حالة
وذاك شايب بالمساجد يشتكي ضيقة سنينه
صارع امرار الحياه ولالقى منهو شكاله
المصيبه صارت أكبر والبطانه دافنينه
وحنا في حكم السعود اللى يقمون العداله
والبطانه في غناة ولايذوقون الغبينه
كل واحد في نعيمه عايش وسالي وداله
همهم إن البنات تسوق وتدوج المدينه
اويبون إن السعودي يشتغل شغل العماله
ثبتوا كرسيهم اللى كيف مدري واصلينه
ناس عاشت في نعيم وناس ماتلقى رباله
ومجلس الشوري ابسأل عن هموم الشعب وينه
الهموم كثار لكن شعبنا هاذا سؤاله
صارت الأسعار نار وكل شى دابلينه
والمرتب وش يكفي والموظف وش بقاله
كل شى صار غالي بالحياه وتاركينه
والهمواير ابلشوا حتى الضعيف في حلاله
والله انه لوتضيق المملكه جينا نعينه
نغليه ونموت فيها من جنوبه لي شماله
الوطن لامن بغانا نلعن ام اللى يهينه
لازعلنا ينقلب كل الزعل فينا خباله
من قبل لايطلع البترول فيها عاشقينه
عشقنا بالدم ساكن بالخلايا لامحاله
عشقنا عشق الجدود اللى بقينا وارثينه
عشقنا للمملكه ماهو بحاجه للدلاله
في ذري صقر العروبه شالنا في راحتينه
والله إن الشعب كله فدوه لميلة عقاله
واهني منهو يجيه اليوم ويقبل يدينه
والله إن اكبر فخر للشخص لاشافه وجاله
ذاك ابومتعب فديته من شماله لى يمينه
والله انا نفتخر به يرحم الله ولدينه
نفتخر فخر البناخي ان تفاخر في خواله
والقصيدة قلتها من حاجه انتم عارفينه
شاعرن جاب الحقيقه مانسجها من خياله
يكتب اللى شافت عيونه وطنش لايمينه
وهالقصيده عن هموم الناس واحلام دفينه
بالمعيشه/ والمرتب / والوظايف / والبطالة
الشاعر/ بدر الضبعان /

[عبدالكريم البدراني]

شـكــ وبارك الله فيك ـــرا لك ... لك مني أجمل تحية .

[فهد ابن أبيه]

الشعب السعودي عرف عنه
الهمة وقو العزيمه

فالرزق لا يعرف الوظيفه

واكبر دليل لدينا
هي العماله الوافده من مختلف الأعراق والجنسيات

فأصبحوا يديرون محلات كبرى
ومراكز تجاريه

ولكن الحق والحق يقال
انهم لا يعرفون نومة الضحى أو السهر الى منتصف الليالي
أو الأتكال على أحد يضع في افواههم لقمة العيش

فهم كالأسود الضاريه في السعي عن لقمة العيش
فتجدهم في اسواق الخضار وفي المحطات
وفي أسواق الجمله
وفي ناقلات الأعلاف
وفي سوق المواشي


فياليت قومي يعلمون

االقصيده من وجهة نظري
ماهي الا تكريس لثقافة الأتكاليه على الغير

دمتم

[محمد السعيد]

تقبل مروري اخي العزيز