نقفيلة الجوال

[ال سواد البدراني]

مناسبة القصيده
عندما استفزعبي صديق لي بان حدته الحاجه واراد مبلغ وقدره.......؟
فوقفت معه وقفت الرجال كما يقال المثل الصديق وقت الضيق واسلفته المبلغ
فعندما مضت اشهرمن هذه القصه
فلم يتصل بي
فااتصلت به فلم يرد
فبعد عدت ايام اتصلت به فاذا هو مقفل الجوال
فقلت هذه اللابيات


تقفيلة الجوال ماتلغي القصد :::::::::: لكن شوري خل عنك الذهانه
قدام لا نجيبك ونعطيك من جد :::::::::: وتجيب ماعندك ونعرف مكانه
وتروح ماتدري على وين تا تلد :::::::::: وحنا وراك بكل ذهن وشطانه
وماتجمعه لو قرش عليه ننهد ::::::::: هد البهم من شبك فكو امانه
عقب ثلاث ايام مفطم وماهد :::::::: شاف امهاته بالجذيبه وزانه
واللي يبا يرده يفر ماله الجهد :::::::: روح وجهده بس تنظر اعيانه
مير انتبه لاشفت الارقام لا تصد ::::::::: من شان تسلم من غثانا وشانه
ون دق جوالك قبل نغمته رد ::::::::: وكلمة مابين اقواس القصد وانه

[فهد ابن أبيه]

والله يابن اخي

الوقت هذا "اقشر"

والناس الا من رحم ربي

قلت مرؤتهم
وقل حياؤهم

وعلى قولة المثل (( ياما ضاع للحاج من جمل ))

لكن وش نقول
الا ان الناس صارت تبحث عن الماده حتى لو بسبيل التضحيه بالصديق او صاحب المعروف


وبصراحه تذكرت قول ابن جدلان يوم قال :

ودنا بالطيب بس الدهر جحـاد طيـب
كل ما تخلص مع الناس كنـك تغشهـا
يدك لامدت وفاء لاتحرى وش تجيـب
كان جاتك سالمه حب يـدك وخشهـا


وبيض الله وجهك يالبدراني

[صالح الربيع]

حياك الله اخوي ال سواد وبيض الله وجهك وماجزا الطيب الا طيب لكنه ماثمن الخوه ومدت المعروف

وصح لسانك ولاهنت قصيده معبره

[ال سواد البدراني]

]اللي يقول المثل دنيا دبوررررررررررر

وخالطتها معاصي

وبيض الله وجهك يافهد ابن ابيه

وجه اللي عقبووووك

وتعجبني بمتابعتك المشرفه لي

ودمت بالف صحه وعافيه

[ال سواد البدراني]

حياااااااك الله


ياصااااااااالح الربيع

وشرفتنا في مرورك

وصح بدنك

ودمت بخير