الخطـــــــــــــر اللي مبطيه مابهجها
وبــلٍ حـقـــوقٍ بارقـــــــه يِـلعـج لِعـاج
إليا وطى شهب الفيــــــاض ودهجها
تــنبت قفـــــــر ما داجـــــها كـل دواج
محميــــــــةٍ ما كـــــل فكـــــرٍ ولجها
لنابها ولـــفٍ مـــــثـل ولــــفٍ الأزواج
وألوان راعي الريشـــــة اللي مزجها
تسـتـدرج الأذواق من كـــــل الأفــواج
والشـــــــــاعر اللي لا نسجها نسجها
وأودع لها أرقاب الرجاجــــــيل تـنعاج
لخاصــــم اصحاب المعاني فلجها
عـنده لها لاستصعبت طـب وعــــــلاج
في موقــــــــفٍ سبب للأنفس حرجها
ما عـاد فيها لحية أرشـــــــيف وأدراج
أحــدٍ بـــــــــلش فيها وقـــــام يعلجها
وأحدٍ حصل له مـــــوقفٍ صعب وإحراج
وأحدٍ ليا شــــــــــاف المطرف لهجها
تقـــــول يجــمع من صـــناديق حــواج
وأحــدٍ طرق صعب الدروب ونهجها
وحصل لها عن موقف الضيق مخراج
إن ما وصلت أعلى درجة من درجها
يا يـــوسف الحجــــاج منته بحجـــــاج
للشاعر/// سلطان بن وسام الهاجري