كان خوجه ثقف الشعب السعودي

[صنت البدراني]

جعل يوم(ن) للثقافه مايعودي = انكشف زيف الثقافه بالاثاره
كيف خوجه ثقف الشعب السعودي = ياخساره يابلدنا ياخساره
جمع الكتاب بالفكر اليهودي = قال عبده يشرح ظروفه لساره
في زوايا البهو ماعندي قيودي = فوق صدر البنت سجلك عباره
وان بغيت الخد والا بالنهودي = اختلاط الفكر يبني له حضاره
الخزي والعار ماهو من بنودي = عبروا بالحرف والا بالاشاره
انشروا حرية الراي الجحودي = اجتماع الفكر يعجبكم شعاره
الحياه اشواق والدين محدودي = لاضرار من الخلو والاستشاره
يستقيض الراس من بوح العنودي = بيحة الغيره على خفت الاناره
لكن الطيب من الغيره يذودي = دون دينه مايهاب ودون داره
بيض الله وجه شبل من الاسودي = صالح الشيحي تكلم من مراره
اشهد انه كفو بالموقف يسودي = كاسب الطالات في راسه نعاره
مسلمين ولابنا حزب اللكودي = مسلمين وسنة الهادي مناره
ياوجودي ياوطنا ياوجودي = يازمانٍ فات عنوان الطهاره
التسامح فيه والعفه تزودي = ليله الطاهر تشابه مع نهاره
ياملكنا جعل يفداك الحسودي = عجل وصدر على خوجه قراره

[محمد بن جعيثن]

بسم الله الرحمن الرحيم

الاخ صنت
قصيده جميله ومعبره ولها بعدها الاجتماعي والديني

وان كنت ارى انه الموضوع اعطي اكبر من حجمه الحقيقى
واصبح مفرق وليس مجمعا للمجتمع

نعم هناك تجاوزات من افراد سلوكيا .
ولكن ان يوصم به كل من حضر فهذا تصفية حسابات بين الشيحي والاعلام


لك الود

[الشاعر بدر راشد]

الشاعر صنت عوض البدراني


صح السانك





الشاعربدرالبدراني

[تركي الزايد]

صح لسانك ياصنت

والصور اظهرت بعض من تجاوزاتهم ...

تحيتي لك

[عبدالمطلوب مبارك البدراني]

الاخ الغالي صنت البدراني

صح لسانك وعلا شانك وبيض الله وجهك

لك فائق احترامي وتقديري