الشاعر عقيل بن حمد السامود البدراني

[ابوعابد]

السلام عليكم ورحمة الله وبركاته

مرحبا بكم أعضاء وزوار منتدى البدراين وأعتذر عن التقصير في المشاركةفي المنتدى ولكن ظروف الحياه التي أحيانا تبعد الإنسان عن أهله .. ولكن مكانتكم دائما وأبدا في القلب وإن غبتم عن الأعين..





ماذا يقول الشعراء عن المغاتير والمجاهيم ؟؟


في يوم من الايام سمع الشاعر المعروف/ عقيل بن حمد السامود البدراني الحربي .

قصيدة من شاعر لم يعرف اسمه وكانت القصيدة تتكلم عن الفروقات بين نوعين من الابل وهي المغاتير والمجاهيم ...

وكما هو معروف ان الشاعر عقيل السامود من محبي المجاهيم ومن مقتنيها ,

مع العلم ان الابل كلها بركة ونعمة من الله سبحانه وتعالى ...

لكن الشعراء من عادتهم يحبون المساجلات الشعرية ....

اما الان اترككم مع مطلع قصيدة الشاعر صاحب المغاتير والذي هو غير معروف إسمه:

يا هـل المجاهيم خلوكم على الجره=امشـو مع الـدرب والجـرة تـقـديـها
مع درب وضح مشت للحد منجره=تجفل جفيل القطا مع صوت راعيها

فلما سمع الشاعر / عقيل بن حمد السامود البدراني هذه القصيدة قال هذه الابيات الرائعة والتي تصف المجاهيم ...

يا راعي الوضح لاتعجبك بالفـره=تـرقها الصبح والمغـرب تعشيها
جتك المجاهيم تزمي كنها الحـره=ذرعـان سبـاحٍ الجيـلان مخطيها
يالشاعر اللي تغـث القاف وتضره=حملت نفسك علوم مانت قاويـها
ناد الـدواسر ونـاد سبيع والمـره=حتى تجيك المخايـل من مناشيها
اهل المجـاهيم ما تتلي مع الجره=والكلمة الطـايشة لا عــاد نوحيها
وان خيلت عصر مسودة ومحمره=مدري من اللي تبيض وجه راعيها
بالليلة اللي تسمى ليلة الصره=اللـي يقولـون ما تنبح ضـواريها
وتكاضمت في لواحيها على الجره=والضيف يبغى غبوقه من مثانيها
ما ظنتي تيتغبق الضيف وتسره=يكـود ملحا عريضـات مقـاريها
ملحا على الطيب ما تجريبها مره=اللي يقـر القـدح من بين اذانيها
والله يجيبك بيوم غـايب شـره=والحوض واحد ونندبها باساميها
يا محلا لاغدا لمتونها صره=وضحا وملحا عيون ابليس تعميها
تبا تجي رجحت الميزان والقره=وانا ترى قرة الميزان راضيها

أتمنى أن تنال على إعجابكم

منقوله من إبنه / صالح عقيل البدراني

تحياتي وتقديري لكم


عبدالله الحربي

[ضيف اللة عوض البدراني]

صـــح لسان الشاعر / عقيل بن حمد السامود البدراني الحربي
ويعطيك الف الف الف عافيه يا بو عابد
الله لا يهينك
تحياتي لك...

[الشاعر بدر راشد]

ابو عابد

نشكرك على النقل المتقن


والله يجيبك بيوم غايبن شره = والحوض واحد ونندبها بساميها


يامحلا لاغدا المتونها صره = وضحا وملحا عيون ابليس تعميها


تبا تجي رجحت الميزان والقره = وانا ترى قررت الميزان راضيها



منهو الذي مايعجبه شعر الشاعر الكبير

عقيل السامود البدراني صح السانه

وطال الله عمره



الشاعربدرالبدراني

[عبدالمطلوب مبارك البدراني]

أبو عابد

يا هلابك ومن طول الغيبات جاب الغنائم

انشهد انها قصيدة جزلة من شاعر جزل مليئة بالشعر العذب الممتع

ومشتاقين لمشاركاتك الرائعة وردودك يا ابو عابد انت كما عهدناك مبدع دائما

لك فائق التحية التقدير

[عبدالمجيد بن شعيفان]

يعطيك العافيه ابو عابد على النقل قصيده اكثر من رائعه وصح لسان الشاعر /عقيل السامود البدراني


تحيااااتي