سلام ردية(ن) مثل الذهــــــب ماتبــــور = يابدر راشد ترايه جبت ترتيبها
وشب العرب هالسنه في كل ديره تثور = ياخوفي ان الرعايا عاوي ذيبها
عبد المطلوب البدراني
خلوها
يامرحبا عد مايطلع من الشرق نور\ يامرجبا عد مطلع شمس ومغيبها
الحمدلله ماجا من طرفنا قصور\ ان قدر الناس ونكمل مواجيبها
الشاعربدرالبدراني
خلوها .. خلوها استلم يا ابن العم
لعل فيك البقا يا الصقر يا ابن الصقور = والطيبه من رجال الطيب محريبها
والنعم بك يا ابن عمي وانت رجل مخبور =المشكلة ناس ما يعرف مطاليبها
عبد المطلوب البد راني
خلوها استلم يالغالي
الوقت مثل المحاله واليالي تدور \ وصحيح سود اليالي معرف غيبها
امنت بالله وبيوم البعث والنشور\ واعي وبقعا تعلمني تجاريبها
الشاعربدرالبدراني
استلم يا ابن العم
الله يساعد على الدنيا تراها عبور = راحت بناس قبل يا بدر يا طيبـــــها
والله يبعد عن الاسلام كل الشرور = قامت تحاذف فتن كثرت مشاهيبها
عبد المطلوب البدراني
خلوها استلم يابو ناصر
صحيح هاذا غدا الدنيا وهاذا فطور\ هاذي غرابيل بقعا وش نسويبها
عساه يغفر خطايانا العزيز الغفور \ ولا خطا يا البشر هاذي عواقيبها
الشاعربدرالبدراني
خلوها .. خلوها استلم يا ابن العم
الله يستر على قوم(ن) سوات النمور= نمور دايم عطيبات مضـــاريبها
اللي بنوها على دين ومعزه وشور = وفيها المساجد معمرةٍ محاريبها
عبد المطلوب البد راني
خلوها استلم يابو ناصر
انته مسير ولاتقرب جميع محذور \ دع كل حاجه تريب ولاتجي ريبها
ترا احترام الاشاره احترام المرور \ الحمر تاقفبها والخضر تمشيبها
الشاعربدرالبدراني
الله الله واستلم يا ابن العم
اللي على الحق في ممشاه يمشي وقور = والا المحاذير لاتجيلي ولا اجيبها
من بعد ساهر تركد وانتبه للأمور = وشيب بعض العرب يابدر واشيبها
عبد المطلوب البد راني
خلوها استلم يابوناصر
ماني مغفل يابو ناصر ولابي غرور\ مشكور على الوصاه الي توصيبها
رقيت سبع الجبال وغصة سبع البحور\ وديارن لصبحبها وديارن امسيبها
الشاعربدرالبدراني
استلم يا ابن العم
ما اقول عندك غرور اصحى تفيح القدور = واللي تغنيبها حنا نغنيها
دنياك هاذي تبا رجل قوي(ن)صبور =ياشينها لادبرت خبثت مشاريبها
عبد المطلوب البدراني