منتديات البدارين - افعال البدارين والعوفان

يازين راين على غضبـان
زين المراميـع لـه نيـه
والشيخ قاسي معه مـالان
يبغـى صبـاح الهميليـه
والصبح حطو رسن وعنان
خيـل السناعيـس منقيـه
خيلَ على ظهورها التومان
اهـل الديـار الشمالـيـه
يبون سـودَ لهـا رطـان
لحـروب والـدار حربيـه
وثار اشهب الملح له دخان
مابيـن مـوزر وهنديـه
ونعم بجدا ريس الشجعـان
عنـد السماريـن مركيـه
كم ابلـجً طـاح بالميـدان
بالمعركـة سالـت ادميـه
وكم سابقا جدهـا ريمـان
من جيش شمـر عمانيـه
ومن الشويطن ليا دسمـان
روس الرياجيـل مرميـه
ونعمً بهاجد وفعلـه بـان
من دون ملحـا سهاويـه
صلط على الخيل بالميـدان
يشبع بها الذيـب حوليـه
تسعين مهرة بنات حصـان
ياليتهـن كمـلـن مـيـه
جاموس طشة ورى البرقان
ذبـح زبـون الجـلاويـه
عليه جر العوى سرحـان
ذيـب الديـار الخـلاويـه
فعل البداريـن والعوفـان
مثـل تاريـخ الهلالـيـه
اقول قـول علـى برهـان
سمـي صبـاح الهميليـه