شيله للشاعر محمد عبدالمحسن البدراني
السلام عليكم .,
قصيدة للشاعر : محمد عبدالمحسن البدراني اداء :ابو نايف مونتاج واخراج : خالد فراج البدراني الشيله http://www.youtube.com/watch?v=ixxI283xxjUالقصيده
عسى غر المـزون اللـي نشـت ثـم جالهـا ربـان=عـلــى نـجــد الـعـذيـه تنـتـثـر ويـلــوح بـارقـهـا يشـق القـاع ماطـرهـا ويــروي وبلـهـا الـوديـان=وعلـى روس الجبـال تسـوق وتغطـي شواهقـهـا ثـمــان ايـــام والـبــراق يـبــرق والـمـطـر ودان=وروس المـزن ضافيتـن عـلـى نـجـد ومناطقـهـا ابيـهـا تكتـسـي بالعـشـب وتـربـع بـهـا الـبــدوان=وأبـــي راع الـجـهـام يجيـبـهـا للـنـبـت سايـقـهـا مجاهيمًٍَِِـآ لياقامـت تدافـع كنهـا الضلعـان=عريضـات الخـدود الـلـي طويـلـن حــد عاتقـهـا وسنامن منفهـق لخـلاف مـن ردم الشحـم مليـان=واذانـيـهـا كـمــا حـربــة شجـيـعـآ قـــام يذلـقـهـا سنـادآ مـن وبرهـا ينسجـون البيـت ابـو عمـدان=طـويـلات الـغـوارب شامـخـهَ سبـحـان خالـقـهـا مجاهيمن حموها حرب في حـد الحـدب شامـان=عـلـى رد الـعـدا دايــم جـمـوع الخـيـل نصفقـهـا صواريم الحرار اللي على دوس الوغى شجعان=رعت نبت الخطر في ضفهم محـد(ن) يضايقهـا تمرجح في مراتع نجد وإن طمعوا بهـا العـدوان=صـنـاديــد الـنـشـامـا دونــهــا تـفـهــق بـنـادقـهـا ندلهـهـا ونرعـاهـا وتـرخــص دونـهــا الـدمــان=لـيـا جــت سـربـة الطمـعـان راكـزتـن بيارقـهـا يشـوق العيـن شوفتهـا لياصكـت علـى الحـيـران=بروض(ن) مخضرآ ترعى وتقطف من زمالقها انـا شفـي طـرب راسـي ليافـج الـدجـى فـجـران=ادق الجيـب سلـف لديرتـن مـن صغـر عاشقـهـا لياجيـت بشعيبـن سايـلـن تـطـرخ بــه الـغـدران=بواكـيـر الوسـامـي فـــوق قـاعــه هـــل دافـقـهـا اشـب النـار واشعمهـا وصـف بجالهـا الرسـلان=نحيفـات الوسـوط اللـي سنـى النـيـران محرقـهـا ابمشـي فـي فيافـي نجـد واقطـع نـازح الخلـيـان=وأزهـب بندقـي لاجيـت بـرض الصيـد وافهقـهـا ابستقطـع لـه الجـره ولا شفـت ابـرق الجنـحـان=امــد الـلــي نـدبـهـا لـــو تـطـيـر بـعـيـد يلحـقـهـا وأبى اخاوي هل الطولات واترك خـوة الرديـان=قصيـريـن الشـبـور نـشــوم عـنـهـا مانصـادقـهـا وأبى اغني وأجر الصوت وأنظـم فاخـر القيفـان=أبسبـح مابـدالـي مــن بـحـور الشـعـر واطرقـهـا فعول الطيب والمقنـاص وطاعـة ربنـا الرحمـن=هــوى نفـسـن أدلـهـا عـــن هـمـومـن تـزارقـهـا |
صح لسان الشاعر ابو عبدالله
وصح لسان ابو نايف صوت شجيء ويعطيك العافية اخوي خالد على المنتاج والاخراج لكم فائق التحية والتقدير |
بسم الله الرحمن الرحيم
الاخ خالد مونتاج واخراج اكثر من رائع ومحمد مبدع وقصائده قريبه من القلب لك الود |
مهندس المنتاج ولاخراج
الاستاذ خالد فراج البدراني الله يعطيك العافيه الشاعر محمد بن عبد المحسن البدراني صح السانك يابو عبد المحسن سنادا من وبرها ينسجون البيت ابوعمدان=طويلات الغوارب شامخه سبحان خالقها مجاهيمن حموها حرب في حد الحدب شامان=على رد العدا دايم جموع الخيل نصفقها صح السانك يامحمد مره ثانيه الشاعربدرالبدراني |
يعطيكم العافيه ع المرور ..
تحيااتي لكـم ويستااهل ابو عبدالله .. |
ابداع في ابداع
وفقكم الله |
تحياتي يعطيك العافيه
|
الساعة الآن 12:18 AM. |
Powered by vBulletin® Version 3.7.1
Copyright ©2000 - 2024, Jelsoft Enterprises Ltd.
mamnoa 4.0 by DAHOM