|
جميع مرثيات شاعر الخليج (صياف الحربي)
إبكي على صياف يا عيني = أبكي على موته وتوديعه إبكي عليه إبكا المحبيني =لو مالهم حظ ٍ بتشييعه إبكي عليه إبكا وبكّيني =قبل الخبر ينذاع وآذيعه إبكي عليه اليوم ياليني = تجف من جفني مداميعه إبكي عليه ان كان يوحيني = يالين توصلها مساميعه إبكي عليه إدهور وسنيني =و أشهوره ويومه وأسابيعه إبكي عليه الليل والحيني = ابكي بكا مشروع تشريعه إبكي على اللي ذكرهم زيني = من بعدهم والملعبه ضيعه بعده ترى ما عاد يشقيني = شعر النبط وزنه وألاعيبه ويا شعر تكفى لا تبكيني =إليا قريتك في مواضيعه ورحمتك يارب الثقاليني =في جنتك تجعل مرابيعه قولوا معي آمين وآميني = عن نار ربي من مطاليعه النرجسيه= |
ياقاف في صياف غن الطواريق=هات البيوت اللي على الكيف ياقاف بنات فكري قامت اطل وتويق=ولاني بشاعر كان ما ارثيت صياف انا علّيه للنشاما مواثيق=اللي لهم في قمة المجد مشراف قولو معي يا هل الوفاء يا مطاليق=مرحوم ياللي له مع الشعر ميقاف الشاعر اللي وثق الشعر توثيق=ينعاه شعر الرد محراف محراف وينعاك منهو في معانيك عِشيق=وتنعاك حرب اهل الوفاء روؤس واشراف من غيبتك والشعر من ضيق في ضيق=واليوم جاله ضربة فوق الانجاف وصياف من موته نشف عندي الريق=والحزن يبس بطن وديان وارياف الموت حق ولا على الموت تعليق=لكن به بين العرب رؤس واطراف يالله يارحمان والي المخاليق=علام ماتكتب ملايكة الاكتاف ترحم فقيد بعد ماغاب ما اطيق=لا اقرى ولا اسمع عنه هرجه وسولاف اللي موّرث له ذهب في صناديق=يالله عسى ما الشعر بعده بينعاف الشعر باسمه شامخ المجد ويليق=باللي لعسرات المحاريف عساف خولان بن عامر= |
ياحرب أعزيكم بعد موت صياف = عز الله انه راح منّا وليدة له ماقفن ماهو مثل كل ميقاف = واللي خلقني انه اكبر فقيدة مايجهل المعنى ولايعجزه قاف = وان جت بيوته وافيات وسديدة بالملعبة عدى على كل مشراف = كن الشعر عبده وهو صار سيده ماعمره اخطى او حصل منّه اخلاف = متواضعاً راع الفعول الحميدة يدلك انه كامل بكل الاوصاف = من غيرنا تبكيه ناساً بعيدة الموت حق وقبلنا راحوا اسلاف = يوم المدامع من فراقه وقيدة يالله عسى الفردوس منزال صياف = ياواحدن بالكون حنا عبيده تحياتي لكم= فايز السليمي= |
مرحوم ياصياف ياسيـد القـاف = مرحوم يافخري وفخر الحروبـي مرحوم ياللي بالمواقيف ماخـاف = مثل الجبل ماحركتـه الهبوبـي مرحوم ياللي زاهيه فيه الاوصاف = عن المراجل حالفـن مايتوبـي قضى حياته عز مايرجع خـلاف = صادق والا قضا حياتـه كذوبـي انا بكيتك يوم عايـش وتنشـاف = واليوم انا بللت بالدمـع ثوبـي الشعر من بعدك كرهته وينعـاف = ماعاد من بعدك نبيلـه دروبـي روح معك من يوم شالتك الاكتاف = وغابت معك شمسه قبيل الغروبي يارب ياللـي بالمخاليـق رواف = ترحم عزيزن مسكنـه بالقلوبـي اعداد من صلى فبيتك ومن طاف = واعداد ماحزنت عليه الحروبـي أحمد السحيمي= |
جاني خبر زلـزل كيانـي ونيـت=ونيت ونة من فقد شخـص غالـي قالو توفى شاعر العـز والصيـت=صياف ابـن عـواد راع الكمالـي وسرحبي الهاجوس لحضه وسجيت=وهلت عيوني دمعهـا ثـم سالـي وبكيت انـا والله يانـاس وبكيـت=كل الذي عنـدي وحولـي بكالـي مرحوم يلي للمراجـل لهـن بيـت=تجمعن وسطـه مـن اول وتالـي ومرحوم يلي للملاعب اليـا جيـت=تصرفلها صرف الذهـب ماتبالـي كم طايشاً بالـراي رديـت رديـت=رديت طيشه بالمعانـي الجزالـي عن ماقفـك مايـوم والله تخليـت=في كل مارد لـك حبـالً طوالـي ويالله ياغفـار ياحامـي البـيـت=ترحم ابو مفلـح كريـم السبالـي ويالله يامعبـود يامحيـي الميـت=ظلـه بظلـك ياعزيـز الجـلالـي طلال الجوال= |
ماني مصدّق الخبـرقمت أعيده= صياف مات وسطرتهاالعناوين بـالمنتـدى أبحـث أدور قصيـده=.شفت الخبرقلّب جميع الموازين يـالله ياكاسـي خضـار البديـده= تجعل مقره جنـة الخلـد أميـن ياواحـد ٍ باللطـف يرحم عبيده=أغفرله الزلات يامنـزل التيـن عساك ربي بالحسـاني تزيـده=وتثبتـه يـارب كـل المسلمين صياف رجل ٍ له مزايا عديده= يشهد له الأبعاد والا القريبين فيه السجايـا كـل أبوها حميده=. ياما أسمعوله بالقصايد ملايين ياحـرب والله راح منكم فقيـده=. صياف رجل ٍلاحضر كالبراكين أبوإبراهيم= |
بحر الرثا قاعه وصلته بلاحضات = وخترت من زين المثائل مثائل وترجمتها فوق القراطيس ببيات= ابيات في حق السحيمي قلائل ولو القصيد يرجع الميت لامات = قصدت لين انام تحت النثائل صياف اخذ في ساحة الشعر جولات = ولحق ربوعه كسبين النفائل لحق الثلاثه عاسفين الصعيبات = عون الريفيق معدلت كل عائل مرحوم يا من لك مع الشعر وقفات =مروم ياشاعر جميع القبائل شاعر ثقه ماهو بشاعر مسجات = اثبت وجوده يوم قدح الفتائل قبل القصيد يصير بلنتخابات = ومن شاشة الجوال ترسل رسائل اربع عقود يصوغ زين العبارات = ويتابعه جمعاً من الناس هائل اسمن لمع ما بين كل المحيطات = ودخل بتاريخ الرجال الاوائل قبل العرب لشعر تسس محطات = تنقل قصايدهم ضهور الرحائل لامكتبن ينشر ولابه قناوات= زين الكلام مثبتاً بدلائل ما شعرهم بلجمهره والدعايات =وفلان فيه اقصور وفلان طائل ويا الله يالي لك تصلا الصلاوات = ترحم فقيد الشعر واف الخصائل على الحصني = |
يحسن عزانا يالربع مات صياف=راح الزعيم اللي علينـا فقيـده ستين عامن يحتمي كل ميقـاف=ويبين فعلـه بالمواقـف وليـده ستين عامن والعلم فوق مشراف=باسـم القبيلـه رافعـه ميكيـده يحير خصمه منه في صنعة القاف=يفتل وينقض كل معنـن يجيـده شجيع ماهو بالمواقـف خـواف=قلبه على خصمه سوات الحديـده الشعربعـده يرجـيـل ينـعـاف=راح البطل راع العلوم المجيـده سطر فعوله بالمهمـات تنشـاف=رحل لكن الطيب بعـده رصيـده يالله يالي تدبل الحسنه اضعـاف=يواحـدان يعلـم بنيـة عبيـده ياخلقن ذا الناس من كل الاصناف=والفرق عندك باختلاف العقيـده ياللي عبيدك تستعيلـك وتطـاف=يامحييـن درالعضـام الهميـده طالبك يالله تجعل ذنوبه اخفـاف=وانك تمـده بالثـواب وتزيـده واتبعه درب الصحابه والاسلاف=وجعل الشهاده يوم يحشر تفيـده الشاعر ممدوح محمد البدراني= |
قال الذي يكتـب قصايـد جزيـلات=إمن الريـاض ومسكنـه بالمدينـه للجنه اللي عرضها ارض وسموات=يا جعل ابـو مفلـح يراهـا بعينـه ذكره بقلبي حي ما مات مـا مـات=لو ان قبـره حـال بينـي وبينـه شاعر على ما قيل رجـل المهمـات=يركي عليها لين صـارت عجينـه يصرف بيوت الشعر صرف الريالات=صح اللسـان وبيـض الله جبينـه يصوغها صوغ الذهب كل الأوقـات=ويجيبهـا مثـل الجواهـر ثمينـه شاعر سواة إسهيل وسط المجـرات=وتلامـس إنجـوم الثريـا يدينـه شاعر سـواة النيـر ولا الأبانـات=تحتار فـي لعبـه عقـول ٍ ذهينـه راسي ليا جـات الأمـور الثقيـلات=مثل ما ترسـي بالبحـور السفينـه صياف ما تصعب عليه الصعيبـات=إليا طغـى الدجـال يلـوي يمينـه عشرين عـام ٍ كلبوهـا جميـلات=في خدمة الموروث راحـت سنينـه من ساحة الشعار جاتـه شهـادات=راية شعر معهـا وقـار وسكينـه يا صفحة التاريخ بالأحلى العبـارات=فـي قمتـك صيـاف وأموثقيـنـه سجله الحافـل شمـوخ وبطـولات=من طيـب فعلـه كلنـا خابرينـه ما عاد للقلطـه جماهيـر هيهـات=من بعد ابو مفلـح تراهـا حزينـه تبكي على الأطلال في كـل حـزات=وقامت تعزي به حـروب المدينـه تبكي عليـه ولا عليهـا ملامـات=ياهي غبينه حيـل ياهـي غبينـه ما ودها بفـراق شيـخ المـروات=صياف ابـن عـواد يـا عارفينـه وللجنه اليي عرضها ارض وسموات=ياجعل ابـو مفلـح يراهـا بعينـه فهد بن عيد= |
للشاعر محمد الجميلي الحربي = امن العياضي وجهت لي رساله = سطرين بس امن الخبر طحت مفجوع كنت اتقهوى ثم جدعت البياله = موضوعها ذلحين عن غير موضوع موضوعها ضيق خفوقي وهاله = حتى عيوني من حزن سالت دموع تبكي على راع الوفا والجماله = اللي توفى ثاني ايام الاسبوع مرحوم ياللي ما امهلت له لياله = عدة عوام من المرض طاح موجوع تبكيه حرب وكل من هو بكى له = يبكي بدمعٍ صدق ماهوب مصنوع اليا تذكر دون ربعه فعاله = دون القبيله كامله صوت مسموع صياف ابو مفلح كريمه خصاله = في هامة العليا له المجد مطبوع شاعر ويحسن فالمواقف مقاله = الشاعر اللي كل صعب له يطوع اعزي انفسنا واعزي عياله = وانا ادري ان الموت للعبد مشروع لكن يارحمان عندك عساله = في جنتك يارب منزال مرفوع وترسل على قبره بنو ٍ خياله = صادق وقبره كنه بورد مزروع ويالله يالمعبود تحسن مأله = لاجاء نهارن فيه شافع ومشفوع |
سوف اوفيكم بباقي القصائد وهي كثيره جدأ
تحياتي |
يا ملعبه عقب ( معيـض العجـي ) راح
ولحقـه ( رجالله ) عقـب مـده قصيـره بحـزن حربـي واحـد اتـحـدت ارواح قالـت خسارتـنـا كبـيـره .. كبـيـره وصياف حـي بوقتهـا نـاح مـن نـاح علـى رمـوز الشعـر فـي كـل ديـره واليـوم حتـى نجمنـا الداهيـه طــاح اللـي يسمـى ( المعجـزه ) بالجـزيـره الموت من ربعـي خطـف درع وسـلاح يضرب وضربـه مثـل ضـرب الذخيـره صيـاف بـن عـواد والـكـل يـرتـاح ان جيب له فـي ساحـة اللعـب سيـره الملعبـه مـا خاضهـا سـب وصـيـاح ومهاتـرات اهـل النـفـوس الحقـيـره يخوضهـا بحكمـه عظيمـه ويجـتـاح اكبـر جيـوش ولـه مواقـف شهـيـره تقـل بيمنـى سيـد الشـعـر مفـتـاح ام الـرمـوز الغامـضـه والعـسـيـره يزيـح عـن دربـه مصايـب وتـنـزاح يقـوم ابـو مفلـح وتصبـح صغـيـره نقضـه وفتلـه لبّـس القلطـه وشــاح ايـام مطلـق يــوم كـانـت مثـيـره يا وجد ( خلوها ) على صـوت ٍ ارتـاح كـل البحـور اضفـى عليهـا عبـيـره ويا وجد ( حرب ) اللي لها سيوف وارماح عليـك ياسيـف ٍ وضـع فـي جفـيـره عسـاك بالجنـه يـا صيـاف تـرتـاح وخليفتـك حـربـي يـقـود المسـيـره |
مات صيا ف بن عـواد والله يبيحـه
عزتي للملاعب عقب ذخـر الملاعـب لو تطنّب على فرقاه تسعيـن صيحـه مايعوّض خسارتهـا زمـان المتاعـب راح ذرب اللسان وراح غزر القريحـه جعله بجنة الحور الحسـان الكواعـب كم وردنـا علـى جـمٍ قـراح يميحـه بالدليّ الكبار ومـع رهـيّ المجاعـب وكم نجاذب بيوته في العشا والصبيحـه قام يلعب بها حتى الحمـام الرواعـب في سنين مضت يوم المناهج سميحـه قبل جمهورنا يصبح لمطـرب ولاعـب فرْجته بيّنه والساحه امسـت جريحـه بعد شرواه يبْتلش الشعر بالمصاعـب سامج(ن) درّها لـو درّ ديـد المنيحـه عقب ما طاعت اهل الفرفشه والمداعب فاتن الصوت والا اهل الوجيه المليحـه عشبة ظلال مامنهـا فـواد ومشاعـب يحسن الله عزا حرب وعسى الله يبيحه ويحسن الله عزا الشعر وهله والملاعب للشاعر / حسين العبدي |
والله ما ألوم الشّعر يا بادع القـاف
لو تلبس بحـوره ثيـاب الحـدادي عليه سوق التعزيه .. حقّ وإنصاف فقد مـن الشعّـار راع الشـدادي جلل مصابه مير للولـف ميـلاف واشيب عين اللي يصيـح وينـادي والموت لو تلغيه وقفه ومحـراف يرسل عليه من الحدا كـل حـادي لاشكّ حقّ .. وسنّة أسلاف لأسلاف حكم بها المعبـود فـوق العبـادي لا والله ألاّ راح محمود الأوصـاف النادر اللي سـاد بالمجـد سـادي عز الله انه معتلـي كـلّ مشـراف ركن ٍ من الأركان ماهوب عـادي راسه عريب وحر وثيابـه نظـاف ووجهه طليق ولا غشاه السـوادي أسس مبادي تجمع أشكال وأصناف ومشا عليها من يحفـظ المبـادي شاعر وله عند اللوازيـم ميقـاف علم ونـاره مـا تعـوّد رمـادي تنعى شبابه كلّها نسـل الأشـراف صياف ابن عـوّاد موتـه وكـادي يبكي عليه الشعـر والدمـع ذراف وتنعاه كل الخلق حضـر وبـوادي طاح الجمل يا سايق ٍ حمّ الأشعاف عقب السحابـه سيّلـت كـل وادي ندعو له اللي سنّ للموت خطّـاف اللي عليـه الـرزق والإعتمـادي عساه في الفردوس وحموله خفاف تطرق على وجهه هبوب البـرادي والله يعين الشعر ويصبـرّ القـاف ويجبر صواب أهل السيوف الحدادي والملعبه من عقب مطلق وصيـاف تخاطفوهـا جامعيـن الـدوادي !! للشاعر / سداح العتيبي |
مرحوم ياصيـاف مرحـوم مرحـوم
مرحوم ياللي تحتمـي كـل ميقـاف مرحوم يافرز الوغاء مقـدم القـوم في جاه من نزل تبـارك والاعـراف تنعاك صـالات الأدب دايـم الـدوم وينعاك ياصياف من يحكـم القـاف والملعبه عقب السحيمي من اليـوم لبست ثياب اجدادها عقـب صيـاف صيـاف ياصيـاف مايلحقـك لـوم تنشر لك البيضاء على كل مشـراف والعمر فاني والقدر شـيء محتـوم كل الخلف ماشين مع درب الاسلاف لا يابعد من ينقـل الكبـر والـزوم اللي على غرات الاجـواد مزهـاف قلته وانا راضي على كـل مقسـوم مير الشقي دايم على جـال مهيـاف الله من قلبٍ مـن الحـزن مهمـوم اليا طرالـه لايـف الحـزن ينـلاف لوف الهشيم اللي على جال مزمـوم تلعبه الاريـاح مـع كـل محـراف للشاعر / مساعد البدراني |
انا البارحه جيت المدينه ودمعـي سـال
لحيث (ن) حِلـي فالمدينـه وترحالـي وواد الفرع جيته وشفته كسيف الحـال ورابغ نشدته قال فـي وضـع يرثالـي وعكست اتجاهي يم عسفان ضلي مـال ونشدته وقال اصبر ترى الدهر ميالـي ونصيت المدينه رد قلت الدهر وش قال ومفـرق بدرجيتـه وطلعـت جوالـي ورفعته وقلت ارحب وقال انت ليلك طال وصياف ابومفلح على المـوت نزالـي وانا خابر(ن) دستور بقعاء على الترِحال لكن السحيمـي روح بالفيـن رجالـي وتركت الطريق ورحت للهضبه ام هلال يهب الهوى خشمـي وميلـت بعقالـي قريب المدينه واعرف إن الدهـر ميـال ولآمن ذكرته قلت هـذي خـلآ خالـي وأحر التعزي للقوافي على ايـة حـال بشعـر النبـط والا بمحـراف موالـي بعد موتت اللي بالمواقيف مثـل الجـال ليـا قِـدم الدرهـم تقدمـت بريـالـي هذاك السحيمي والليالـي لهـا منـوال لـزوم انهـا تسقيـك للمـر فنجالـي وابا اختم كلامي واقصره والحزن لوطال بدعوه لـرب البيـت عـلام الأحوالـي عسى مسكن اللي راح في عالي المنزال وتغفر ذنوبه يـوم نشـرات الأعمالـي وحنا ترانا حـرب للمعضـلات جمـال رجال(ن) على الشدات وقفه ومنزالـي للشاعر / عبدالله السعير |
عظيم الملك بأمره يستدير المزن قبل الريـح
هو القيوم رب الكون نـور النـور سبحانـه له الفضل وله الأمر وله التهليـل والتسبيـح عظيم ولايموت ويخزي الشيطـان وأعوانـه دعيته يقبل ادعاتي دعيته يرحـم الزحزيـح كريم وشاعر ووافي وطيبـه طيـب قيفانـه اعرفه واعرف انه عند ربعه مثل عين السيح يحبونه اربوعه مـع شواعيـره وصدقانـه دخون العود الازرق مايقارن مثل جرم الشيح أنشهد مات رجـلٍ تنثنـي للطيـب كرعانـه عقب فقده أشوف الشعر بالميدان للتصليـح ينادي له على شاعر حكيـم ينظـم أركانـه عقب صيّاف بن عواد طاروق القصيد يصيح عسي الله يرحمه ثم يغفـر ذنوبـه بغفرانـه للشاعر / طلال بندر |
لا عـاده الله علـمً اليـوم ذاعـوه
زلزل بـه الساحـة مـع الأطـراف صاح الحجاز وجاوبت نجـد ياهـوه من يسمع القلطة بعد غـاب صيـاف عزولي الجمهـور والصـف عـزوه وعزولي الشعار فـي كـل محـراف ضلعً رسا بالشعر والنـاس سمعـوه ماينطق الهزله ولا بيوتـه ضعـاف شامخ بوجه الريـح مايـوم هـزوه ورفع مقام الشعر عن بعض الأسفاف وأن قامـوا الشعـار وإلا تـحـدوه وقف لهم بالقاف ثـم أردفـه قـاف وأن قـام للصفيـن والبيـت خَلـوه جـاب الحقايـق ماتزلـف تـزلاف يامـا علمنـا بيـن الأعـلام رزوه وسط المحافل بين الأعـلام ينشـاف طوع عسيـرات المعانـي وسمـوه الشاعـر الأول علـى كـل ميقـاف حتى قضى الله فيه حكمـه وشالـوه على النعش محمول من فوق الأكتاف ادعي من الله يـوم فالقبـر حطـوه يغفـر لـه الـزلات والـرب رواف والعلـم عنـي بأخـر الهـرج ردوه الملعبه مـن بعـده اليـوم تنعـاف للشاعر / عبدالله السليمي |
أعزي أهل الشعر فـي فقـد صيـاف
وأخـص بأحـر التعـازي عيـالـه يالله يامنـزل تـبـارك والأحـقـاف ياواحـدٍ كـل الخـلايـق تسـالـه ترحم فقيد الشعر معـدوم الأوصـاف اللـي عـن الدنيـا تقافـت رحالـه وافسح عليه القبر من كل الأطـراف واجعل بقبره نـور وألطـف بحالـه وضاعف دراجاته له أضعاف وأضعاف ورحماك له يامـن بعثـت الرسالـه وإن جاء لنا في موعد الحشر ميقاف يالله عسـى جنـات خلـدك مـآلـه عسى القطوف الدانيه فوقه أصنـاف ويرغد بجنـة عـدن مرتـاح بالـه مرحوم يامن يحبك ويسبـك القـاف ويفتل بيوت الشعر لا جـاء مجالـه ومن البحور يجيب مرجان وأصـداف ويغـوص غبـات البحـور بسهالـه واليوم الأرض تلفه فـراش وإلحـاف ولا عنده إلا آنيسه اللـي بقـى لـه لكن يـارب ارحـم الشيـخ صيـاف ارحم فقيـد الشعـر وألطـف بحالـه الشاعر نشمي المويعزي |
يارب يامنزل سحايب قنوفه
.... علي البسيطه تحيي النبت وزهور عفوك وغفرانك ورحمة ومروفه .... علي قبر صياف وتعمّه بنور اللي علينا موته أكبر حسوفه ....ذي قدرتك والعبد لو عاش مقبور ينعاه شعر الملعبه مع صفوفه .... ياكبر فرجة غيبته بعين جمهور ينعاه مجد ٍ صافحه في كفوفه .... شاعر كبير وله مكانه ومشهور كن الشعر عينه عليه مخطوفه .... الله من ليل ٍ سري الشعر مسرور ولا احد ٍ يلومه كانه اعلن عزوفه .... الفرق بيّن دون حقران وقصور ياربنا المعبود رازق ضعوفه .... العبد في حكمتك منهي ومامور عسي علي قبره تخالف قنوفه .... ومثواه للجنه وترزقه بالحور للشاعر / صالح مصلح الحربي |
نبكيـك ياصيـاف والنـاس تبكيـك
وتبكيك ربعك حرب في كـل ديـره ويبكونك أهل الشعر واللي سمع فيك وكل الخليج ومن سكـن فالجزيـره وتبيكيـك قيفانـك وقـوة معانيـك وتبكيك قلطات المحافل خطيره لكن هـذا المـوت مافيـه تشكيـك أمرن مـن الله مـا يبـدل بغيـره وما نقول غير الله يصبـر أهاليـك ويجبر عزاهم والبقـاء فالعشيـره وندعي لك الجنـة مـن الله واليـك وينجيك ربي مـن لواهـب سعيـره للشاعر / حمدي العوفي |
بغيبة عميد الشعر وعمة وراعيـه
ثالث اسود(ن)راحوا0اليوم رحـال وشلون يعززي من يبي من يعزيه وشلون ينطق حرف من حدة الجال مامات ابن عـواد حي(ن)بطاريـه لومات0ذكره باقي(ن)عبر الاجيـال راح الجسد والروح راحت لباريـه يالله عسى الفردوس مسكن ومنزال منزال درع(ن)دون ربعة بماضيـه وبغيبتة دورن لنا حفـظ الامثـال مرحوم ياملجم عظيـم المشاريـه كم شارهن يبي السلامة ولا طـال في غيبتة ماستنكر دمـوع تبكيـه ولاستنكر دموع(ن)على خد رجـال برجوى نجم يسطع وياصل حراويه نبي البديـل وحزننـا مابعـد زال ولو تمتلي الساحة بمنهـو يحاليـه والله ماننساه فـي كـل الاحـوال يالله يالمعبـود بالخيـر تجـزيـه وتبدل السيـات حسنات(ن)اجـزال يالله يارحمـن ظاعـف حسانيـه واجبرعزانـا بالصناديـد الابطـال وصلاة ربي عد رمل(ن) وذاريـه على النبي الصادق اقوال وافعـال الشاعر محمد الفالح |
سبحان من كل البشر قدمه اضعاف
جل الذي نرضي بحكمن يريده يفني بشر ويجدد اشكال وأصناف يفني ويخلق والملا قبضت ايده وذي حكمت الله من قديمات الاسلاف تروح ناس وناس تخلق جديده واليوم جا علمن يضيق وينعاف موتت فقيد ولاهو ايه فقيده عزالله الشعر من بعد صياف ماله حلا لو زاد نظم القصيده ياجعل له في جنة الخلد ميقاف ولعل قبره له حياتن سعيده يبكيك كل الشعر وبالوزن والقاف ويبكيك من يتعب لنظم الفريده ويبكيك كل الشعب منكل الاطراف وشلون لايللي صفاتك حميده عساك فالجنه مع الناس الاشراف ويرحمك ربن كلبونا عبيده الشاعر منصور بن بادي المطيري |
صياف راح وراح قبله ملايين
لاكن ظني مايجي(( مثل )) صياف يالله تثقل صفحته فالموازين انت الذي ماغيرك اليوم رواف امسح ذنوبه مثل مايمسح الدين وثبت جوابه عند رجفات الوقاف صياف ماننساك حين(ن) بعد حين لا والذي في حكمة (الام) والكاف يالشاعر اللي خاض كل الميادين لك كلمة (ن) نقولها كلمة انصاف دعيت انا وادعو معي يالمصلين الله يرحم شاعر الشرق صياف صياف راح وراح قبله ملايين لاكن ظني مايجي(( مثل ))صياف الشاعر وافي السبيعي |
إذ كان القصائد والمعاني
تأثر في غياب الل،ي توده فيا كثر الذي تبكي عليهم حروف الشعر لين يفوح نده وصياف السحيمي لورثيته بقاف الشعر لين يفوح نده فلا يعبر قصيدي واشتياقي عن فراق الذي كلاً يعده ليا جاء للقصيد الجزل معنا وصار نظرة الشعار لده فكل اللي علي سطح البسيطه من حدودالخليج لبحر جده تعرف إنه قواعد من اركونه وسيفه لافقد سيفه وحده لاشك اللي يصبرنا عزانا لحرب أهل الأصايل والأشده قبيله لارحل منها فقيده يحول في مكانه من يسده ومثل وجود راشد والعياضي دليل إن البحر ماجف مده لاصارإن القدر حقاً علينا فلا نشنا لحزنه ولانضده ومن لايؤمن بخيره وشره ضعيف إيمان مايصبر لشده رحمك الله ياصياف رحمة تعم أمواتتنا من كل بده سحايب من منشاها تشكل بوامر من يصرفها بيده يسابقها البرد علي ضريحه وتسقي كل قبرا وكل خده يالين إن القراح يشاف سيله علي حدود السهول المجرهده الشاعر محمد صالح الجهني |
وادع علم حرب ورحل عن وطنا
الله يثيبه والله انه يحله صياف بن عواد زبن المجنا عسى الولي بظلال عرشه يظله يا ما وقف في ساحة الشعر عنا يرقى بنا في كل عيطا مطله لو كروا الشعار منا ومنا ما صار في قلبه من الخوف ذله وحنا معه في كل ميقاف حنا واخصامنا من هيبته مستشله ليت الليالي لـ أبو مفلح صفنا او ليتهن على البقا مهلن له وحنا قبيلة حرب عقبة حزنا وذويه واقرابه وربعه ومن له لو بالمساوم بالذهب لو وزنا ما يأخذه طلاب ولا يصله والموت حق وبالاله استعنا ننعى السحيمي بالصحف والمجلة وجمهورنا في شامنا وفـ يمنا كل على صياف دمعه يهله وشعارنا كفوٍ بهم ماجهلنا لكن ما كل يحل بمحله عيد بن سمير البشري |
الادمـي عمـره مقـدر ومحتـوم
مهمـا يكـون مغـادرا للمكانـا له ساعة تحسب وله تربه ويـوم الله يرحمنـا اليـا جـاء سرانـا ويا شاعر الميقاف والقاف مرحوم الله يغفرلـك ويجـبـر عـزانـا عساك جار اللي عن العيب معصوم بظل مـن الله فـي نعيـم الجنانـا فقدك علينا كايـدا ميـر مقسـوم ما تمشـي الدنيـا علـى مبتغانـا اربع عقود بعالم الشعـر زيـزوم ما يوم صيـاف السحيمـي توانـا شاعر خليج وللجماهيـر معلـوم ايتابعونـه مـن قديـم الزمـانـا يشبع شغف من عنده الشعر مفهوم الفتل هو والنقض له فيـه شانـا يعرفه الادنا والاقصاء من القـوم اسمه دخـل حتـى بصـم الاذانـا حراً يحوم اليا صعب بالسماء الحوم وصـل المكانـه مثلـت مستوانـا ويبقى بقلب الذاكـره دايـم الـدوم يا رب تغفـر لـه وتقبـل دعانـا وعنا على دنيـا غرابيلهـا كـوم ياكثر ما قامـت تعاكـس هوانـا عامر عمران الشدادي |
علم لفا يالله تلطـف بنـا خيـر
علمٍ لفانـا هـز كـل الضمايـر صياف قفتبـه سهـوم المقاديـر دارت رحاهـا ولقفتـه الدوايـر نجمٍ افل من بيننا حـزة عصيـر خطبٍ جلل والجرح بالحيل غايـر عم الحزن بالمملكه بكـل تأثيـر يالله لطفـك ياعليـم السـرايـر والناس تنعي كنّهـا دون تفكيـر مذهولةٍ والدمـع بالعيـن حايـر مرحوم ياللي سطر المجد تسطير عساه في قبره يشـوف البشايـر ياما وياما صخّر القاف تصخيـر من دوننا حصنٍ نهـار الكسايـر يبكي عليه الشعر حـبٍ وتقديـر والملعبـه تبكـي تهـل العبايـر والملعبه عقبه ترى مابها خيـر انا اشهد انّه من كبار الخسايـر شيّن مقدر صار لابـده ايصيـر واللي كتب ربي على الناس صاير غازي العوني |
يـامـن يعـزيـنـي بـفـقـد ابـــن عـــواد
وانا من امس محـارب النـوم عينـي تبكـيـك ياصـيـاف ربـعـك والاجـــواد ويـبـكـيـك ود ٍ بـالـضـمـايـر دفـيــنــي (ياحصان حرب )اللي اليا قال ماحاد ياشـاعـر المعـنـى بـقــاف ٍ سمـيـنـي تشهـد لــك العتـبـان ومطـيـر شـهـاد وتشـهـد جهيـنـه مـقــدم العارفـيـنـي وتشهد سليـم بحلـة الربـع مـن غـاد وهـذيـل تشـهـد والـعـرب شاهديـنـي عليـك عينـي تـذرف دموعهـا ابــداد ولاالــوم عـيـنـي يابـلـيـس اللعـيـنـي الـمـوت حــق وكلـنـا بنـدخـل الـحــاد والمسـعـد الـلـي حــاز دنـيـا وديـنـي ولااحد ٍ اليـا جـت حزتـه لحظـة ٍ نـاد لاشـــك يــذكــر غــفــلْ والافـطـيـنـي وانـا بطـاري قـاف والقـاف لـه جـاد صيـاف ابــن عــواد طـلـق اليميـنـي الملعبـه مـن عقـب ابـو مفلـح انكـاد قـامـت تخاطـفـهـا سـبــاع القطـيـنـي من صغر سنه مامشـى درب الانقـاد ولمـقـارع الشـعـار مـالــه عـويـنـي |
يالربع راح اللي على الشعر دكتور=وللقاف والله مايجي مثل صياف
اللي على عسف القوافي خذا دور=صياف لكن للطواريق عساف دايم على الطولات والعز مذكور=ذكره كما لمع القمر غصب ينشاف له ماقف ثابت مع الناس مخبور=ياما احتمى في ماضي الوقت ميقاف موقف شرف واضح ولاهو مستور=مواقف نرقى بها كل مشراف هو حر يوم ان القوافي له طيور= حر شجيع نادر بكل الاوصاف متواضع مع الناس ماهو بمغرور=ولا ملحق نفسه مع الوقت محساف انشد خلف وانشد حبيب ومستور= وانشد على روس الشعر كل الاطراف واللي مايعطي الحق ماهو بمعذور=حق الدعا منا على روح صياف يالله جعله مع من تحب محشور=وتمطر على قبره من الوبل رداف وكل القوافي اظلمت واطفت النور =وعز الله ان الشعر عقبه بينعاف وعسى عزا ربعه مع الكل مجبور=واجبر عزا حرب الحرايب بصياف |
يوم الاحد ماهو بعادي على حرب يوم رحل به قامة السعر صياف كل القبيلة حزنت من قسى الكرب لكن حكم الله على كل الاطياف مرحوم ياحر وقف باول الدرب دون القبيلة ما توانا ولا خاف فخر القبيلة سيفها الساطي الذرب شبلا مواقيفه تشرف وتنشاف محمد مبارك البدراني |
اشكر الجميع على تغطية الموضوع
محمد البدراني ابن شنوت تركي الزايد والله يرحم صياف السحيمي الذي مثل حرب اكثر من ثلاثين سنه والمعذره من الجميع على الانقطاع بسبب الضروف وعساكم على القوه |
| الساعة الآن 01:46 AM. |
Powered by vBulletin® Version 3.7.1
Copyright ©2000 - 2024, Jelsoft Enterprises Ltd.
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
خريطة الموقع
mamnoa 4.0 by DAHOM
