يستاهل الشيخه / صلاح الزبالي
هذه القصيده مهداه للشيخ / صلاح فريج الزبالي الزبيدي الحربي 7 7
يستاهل الشيخه ويزهى لقب شيخ=شيخٍ يسمونه صلاح الزبالي شيخٍ كفو من رؤوس قومٍ مطانيخ=قومٍ نهار الكون تروي السلالي زبيد مسقين العدا سم زرنيخ=لاثار عج الخيل دون المتالي من لابةٍ تزخر مفاخر وتاريخ=حرب الحرايب مكرمين السبالي ياحرب قوموا صفقوا للشواميخ=شروى صلاح فريج نزه المقالي شيخٍ صخا بالمال من دون تبذيخ=وسلم بواقي دية ابن الرجالي ولا انسى الامير منوخ الضد تنويخ=بندر ولد محسن بعيد المدالي اللي بجاهه فنخ الشر تفنيخ=ونحى مسار السيف نحو الريالي جمال فهيد البدراني |
رائع يا جمال فهيد بيض الله وجهك وصح لسانك مليون ولا يكفون
ويستاهل الشيخ صلاح الزبالي والشيخ بندر الفرم العلم الغانم انشهد انهم كفوووو ووفووو وما للقالات الا رجالها وبيض الله وجه من ساهم في اعتاق رقبة خالد العلوي وتسلم على القصيدة الاكثر من رائعة لك فائق التحية والتقدير |
|
الاخ جمال فهيد البدراني السلام عليكم ورحمة الله صح لسانك يا جمال انشهد إنها قصيدة جزلة من راس جزل ويستاهل شيوخ حرب |
صح لسانك اخوي جمال وبيض الله وجه الزبالي والطيب ما هو بمحصور كل ديره فيها رجالها
وحرب اهل المواقيف تحياتي لشخصك الكريم.. |
صح لسانك ياجمال ولاهنت قصيده راااائعه
|
الشاعر جمال فهيد البدراني
صح السانك وبيض الله وجهك هانا اقف لك ورفع لك يميني اجلال وكبار لك ولشعرك على اصعب القافيه العسره وقلت وجة اجمل مايقال بالشعر الذي يبنا على القاف العسر شاعر ياجمال |
الأخ الغالي / عبدالمطلوب البدراني شكراً لتواجدك وتشريفك متصفحي بارك الله فيك \ تحياتي |
الأخ / عادل البدراني مرورك وإطراؤك شرف لي بارك الله فيك \ دمت سالماً |
اقتباس:
وعليكم السلام ورحمة الله صح بدنك يالغالي ، وشاكر لك حضورك بارك الله فيك \ دمت كما تحب |
اقتباس:
ومن قال أن الطيب محصور على ديره معينه يا أخي ..!! عموماً .. صح بدنك |
اقتباس:
صح بدنك يامشاري .. ولاهنت يالغالي بارك الله فيك \ تحياتي |
اقتباس:
الشاعر القدير / بدر راشد البدراني صح بدنك ، ووجهك أبيض يالغالي سعيد جداً بتواجدك بمتصفحي ، وسعيد كذلك بـ إشادتك بقصيدتي وإنه لشرف لي أعتز به ماحييت \ شكراً لك |
الساعة الآن 02:14 PM. |
Powered by vBulletin® Version 3.7.1
Copyright ©2000 - 2024, Jelsoft Enterprises Ltd.
mamnoa 4.0 by DAHOM