قصيده للشاعر { عبدالله بن حمد بن زايد البدراني }
بسم الله الرحمن الرحيم الشاعر عبدالله بن حمد بن زايد البدراني شاعر فصحى ونبطي صاحب مفرده جزله ومميزه يكتب الشعر منذ سن مبكره يجبر جميع من يقرأ قصائده على التصفيق له يكتب في جميع اغراض الشعر ويسرني ان انقل لكم احدى قصائده الجميله وهي تتحدث عن بر الوالدين مخاطباً إبنه حمد
حمد وش علومك اليا جيت ستين = وأحتجت لك وأنته بعز الشبابي وخفت هقاويه بسنتي وسنتين = إلا من الله هو عزيز الجنابي وأوجست في دنياي تغير وتلوين =قامت تناتلني على كل بابي عودت وأسترجي حسن وأزهم حسين =وأحيان أعاتب قبل وقت العتابي وظليت ألد أخلاف ويسار ويمين = لي نظرة بالوقت والراس شابي أنته تطاوعني على الزين والشين =وألا من الشرفه تمس العلابي بالله علمني بالاخبار هالحين = لالحق عزيز وانشده مايحابي اليا فحصته بين وحده وثنتين =ذكرت خاله بالرضا له ثوابي شياً شهدته ياحمد شوف بالعين =أرضى رجل شفته وغاليه غابي حلفت ليه دين وأوفيه دينين =اني معه بارضاي مثل الغرابي اللي يقلد مشية ام الجناحين = وضيع خطاه وراح يطرد سرابي فهد رضي مافيه هقوه وتخمين =ويلقى حصاده بالسنين الغيابي الشاعر (( عبدالله بن حمد بن زايد البدراني )) |
|
الاخ الغالي ابو يارا بيــض الله وجهــك اختيار مـوفـق ورائــع، وجهــد مبـذول تشكــر عليه يالغالي وصــح لســان الشاعـــر / عبدالله حمــد البدرانــي |
الغالي / ابو يارا ماقصرت على النقل الرائع وصح لسان الشاعر المبدع / ابو عبدالعزيز |
عودت وأسترجي حسن وأزهم حسين وأحيان أعاتب قبل وقت العتابي وظليت ألد أخلاف ويسار ويمين لي نظرة بالوقت والراس شابي أنته تطاوعني على الزين والشين وألا من الشرفه تمس العلابي ]الاخ ابو يارا تسلم يمينك الله لايهينك وصح لسان الشاعر عبد الله بن زايد |
|
والله لقد اعجبتني القصيدة اشد الاعجاب
الشاعر يااخواني صاحب موهبة فذة استهل القصيدة بسوآل وختمها بجواب لا لا لن اسكت وادع القصيدة تمر كقصيدة عابرة واناشدكم جميعا على تشجيع شاعرنا المبدع هولاء هم من تعشقهم القصيدة كعشقهم لها |
الاخ العزيز /ابويارا سملت يمينك وبيض الله وجهك على النقل وصح لسان شاعرنا المبدع /ابوعبد العزيز
تقبل خالص الود والتقدير |
الاخوان الاعزاء
السلام عليكم ورحمة الله وبركاته شكراً لكم واتمنى من الشاعر المبدع ابوعبدالعزيز ان يزودنا بقصائده الاخري لتنور منتدانا لانه مقصر كثير في هذا الموضوع تحيتي وتقديري لشعرائنا المبدعين ولكواكب هذا المنتدى انتم ،،،،،،،،،،،،،،،،،،،،،، ابويــــــــــــــــــــــــــــــــــــــارا |
قصيدة رائعه من الشاعر عبدالله حمد ، لذا آمل من الشاعر ايراد قصيدته ((ياصلاح تمر وتذكرلك همر &بس ما علمتني عن وصوفه ياصلاح ؟؟؟؟
|
قصيده في قمة الروعه والجمال صح لسان ابن حمد وتسلم يمينك أبو يارا ولكنك مطالب بالمزيد من قصايد الشاعر بإنتظار تشريفها للمنتدي تحياتي 000 00 0 |
الاخ /ابويارا سملت يمينك وصح لسان الشاعر عبدالله بن حمد بن زايد |
الاخ /ابويارا سملت يمينك وصح لسان الشاعر عبدالله بن حمد بن زايد |
الساعة الآن 09:36 AM. |
Powered by vBulletin® Version 3.7.1
Copyright ©2000 - 2024, Jelsoft Enterprises Ltd.
mamnoa 4.0 by DAHOM