الشاعر سعد ضعيان البدراني والشاعر فلاح مشعل البدراني
قصيدة الشاعر سعد ضعيان البدراني موجهها للشاعر فلاح مشعل البدراني
ياليت ابن مشعل يكلم تلفون=لاصار مقفي ياحميد ونحاوي اقفت عليه اللي لها حرز ومنون= يتبع مشاهيها بدارً خلاوي على معاشيه البدو مايعشون=ولاردهن وسط الشعيب السناوي سودن وبرهن تقل ممزوج بفنون=والا قرونن فوق عبدن هواوي واقيامها بالملتقى فوق مليون=تركي على كبد الحسود المكاوي ومن شانها ساق الذهب بابو غليون=سكسً مصمم بالطراز الحساوي وحط المضيف اللي به الناس يدرون=يرتاحبه من جاه والراس خاوي من روس قومن بالفعايل يعدون=وايمانهم ترمي الهدف بالاهاوي هذا الصحيح وقولوا اللي تقولون=وابو محمد عن مديحي غناوي رد الشاعر فلاح مشعل البدراني على الشاعر سعد ضعيان البدراني
يا صاحبي جهز لنا صافي اللون=جيباً جديد وخل وارد عراوي مصمماً للصعب والعنف والهون=متولمن مثل عضود النداوي مامون في حاجه ولاهو بمامون=الله يكافينا البلا والبلاوي ومن عند مبهل بطلبي لاتفافون=وفي لازمي خلك شجيعاً افراوي نصوه ربعاً بالمسير يحيون=وانا عليهم يعلم الله شفاوي اللي لهم روس الرياجيل يثنون=ذباحة الحيل السمان العداوي خوالي اللي باللوازم يبينون=وعند الحقوق يثمنون العزاوي هذا الصحيح وقولوا اللي تقولون=شاعر ولاني في معاني غاوي ليى فتلت القاف ماني بممنون=ولارد معنايه لشاعر وراوي واليى حصل للسالفه صدر ومتون=اضرب مع الشعار باعاً رهاوي واليى تبين راس وعيون وسنون=جبت الاصيل اللي برسنها تلاوي وبالله ياهل الجيب وانتم تمونون=بالرحله اللي ما تجي بالمناوي ردو ثناء على سعد قبل تمشون=حيثن من بيني وبينه دعاوي الشاعر اللي عنده القاف مازون=مثل الذهب ماهي تواليف واوي معناه ذكرني لمعنن لابن عون=نجم على روس المعادين هاوي خالي سعد عند المهمات دندون=جمة بحر لاصفت غريف المطاوي غصباً على الحساد وابليس ملعون=والي انت ناوي يا ابيض الوجه ناوي |
خالد
تسلم يالغالي على انقل المتقن الشاعرسعد ضعيان البدراني صح السانك وبيض الله وجهك الشاعر فلاح بن مشعل البدراني صح السانك وبيض الله وجهك الشاعربدرالبدراني |
يعطيك العافية خالد على نقل القصيدتين
وصح لسان الشاعرين سعد بن ضعيان وفلاح بن مشعل لك فائق التحية والتقدير |
بسم الله الرحمن الرحيم
الاخ خالد صح السنتهم وشكرا على النقل لك الود |
يعطيك العافيه خالد على النقل وصح السنتهم .. |
صح لسان الشاعرين ابو تركي وابو محمد وشكرا خالد عالنقل المتميز
|
صح لسن سعد ضعيان وفلاح
بيض الله وجيهم |
صح لسان الشاعر : فلا ح بن مشعل البدراني
وكذالك الشاعر : سعد بن ضعيان البدراني وشكرا لك يا خالد على النقل تحياتي للجميع .... |
الساعة الآن 07:59 AM. |
Powered by vBulletin® Version 3.7.1
Copyright ©2000 - 2024, Jelsoft Enterprises Ltd.
mamnoa 4.0 by DAHOM