الحب في قلبي
بسم الله الرحمن الرحيم إخواني وأخواتي .. أعضاء وزوار هذا الصرح الشامخ (منتديات البدارين) أضع بين أيديكم هذه المتواضعه ؛ أتمنى أن تحوز على رضاكم ، وتنال إستحسانكم 7 للحب في قلبي بيوت ومنازيل=وحدايق غنا وريداً وسيعه وسماً تبجح بالمزون المحاميل=براقها يبرق ويلمع لميعه وشعرٍ يغنى باللحن والمواويل=يشوّق أذواق الرجال الرفيعه يشوم عن ضم البيوت المهازيل=ويستدرج أفكار الخيال البديعه يكسب مديح منقحين التماثيل=رواد مرقاب القصايد وريعه والحب عادات الرجال المشاكيل=وعشق المها شف القلوب وربيعه فيما مضى ولابعد فالمقابيل=تبقى المحبه بالأوادم طبيعه فـ يالايمي في حب بنت الحلاحيل=حب العذارى ماأنكرته الشريعه الله خلق حب النساء بالرياجيل=وأوصى نبيه بالولود المطيعه إخذ الكلام الواقعي بالتفاصيل=من فم شاعر يفتخر في صنيعه ساق الركايب بالهوى وأسرج الخيل=وكاون بعارين الزمان وقطيعه واشتاق شوق الباديه للمخاييل=عقب السنين المقحلات المريعه للمترفه أم الشفاه المعاسيل=وأم الحلاوه والعيون الوسيعه اللي لها بين الحنايا مداهيل=وغرامٍ أكبر من جبال الوديعه واللي لهامعنا وصال ومراسيل=ولاحدثتها نفسها بالقطيعه عامين وأكثر كلبوها مواصيل=من بيننا ماللتجافي ذريعه وعلى كذا نبقى بإذن رب جبريل=طول الحياه اللي خطاها سريعه صافين متصافين قولٍ وأفاعيل=ولاأقلقتنا أهل العقول الصديعه شذابة المقفين بالصبح والليل=واللي تدور كل سوٍ تذيعه بين الأوادم تنقل القال والقيل=ولاتفرح إلا في حدوث الفجيعه إدعوا معي : عسى الفنا يشلهم شيل=ولايبقي من ضناهم رضيعه تحياتي لكل من عبر متصفحي ،،، |
فـيالايمي في حب بنت الحلاحيـل حب العـذارى ماأنكرتـه الشريعـه صح لسانك وعلا شانك عز الله يا جمال انك هيضتني بالحيل دمت على هذا الابداع يا الغالي أخوك أبووليد ، |
صح لسانك جمال البدراني قصيده جزله وراااائعه جداااا
دمت مبدعٍ تحياااااتي وتقديري |
قال - صلى الله عليه وسلم - :
((تزوجوا الودود الولود فإني مكاثر بكم الأمم يوم القيامة)) صح لسانك دائما مبدع تحيتي |
اقتباس:
الاخ الغالي جمال البدراني صح لسانك وعلا شانك وسلم بنانك قصيدة رائعة روعة حضورك دمت بحفظ الرحمن |
اقتباس:
صح بدنك .. أبو وليد ولاهنت . حنا ندوّر اللي يهيضك ؟؟!! ودنا نقرأ الجديد الرووووعه كلها في تشريفك وحضورك هنا دمت سالماً معافى |
اقتباس:
صح بدنك .. أخي العزيز / مشاري البدراني . أسعدني كثيراً تواجدك وتشريفك لمتصفحي بارك الله فيك دمت بخير وسعاده |
اقتباس:
اللهم صلي واسلم عليه .. الأخ العزيز / تركي الزايد ؛ مرحباً بك وحضورك ، شرف أضاء زوايا متصفحي ، وعطر أركانه بارك الله فيك لك أجمل تحيه |
اقتباس:
مرحباً بـ أبا ناصر .. صح بدنك ولاهنت أيها (العمده) مرورك شرف ، وتشريفك فخر لمتصفحاتي سعدتُ بتواجدك العاطر ، وتعليقك الجميل حفظك الله |
الأخ الكريم جمال البدراني صح لسانك قصيدة رائعة صادرة من قلب صادق ومحب ولذلك استمتعنا بما اشتملت عليه من صور وحكم هذا خلاف انتقاؤك للكلمات المؤثرة والمناسبة التي أضفت على القصيدة وضوح المعنى وإيصال الفكرة للقراء بدون عناء على اختلاف ثقافاتهم أخوكم سلمان ناشي الحجيلي |
اقتباس:
أهلاً بصاحب القلم المميز ، والأسلوب الجميل ، والخلق الطيّب . حقيقةً ؛ أشكر لك تناؤك على القصيده وهذا بلا شك ممايسعدني ويشرفني وأحييك على هذا التواجد والتوهج المحبب إلينا لاعدمناك أيها الشهم مودتي |
صح لسانك جمال البدراني قصيده جزله وراااائعه جداااا |
اقتباس:
صح بدنك أيها العزيز / شجاع والروووعه تكمن بتواجد الجميل هنا فقد عطرت متصفحي بتشريفك وأسعدتني بمروك المحبب لي دمت كما تحب |
الساعة الآن 06:39 PM. |
Powered by vBulletin® Version 3.7.1
Copyright ©2000 - 2024, Jelsoft Enterprises Ltd.
mamnoa 4.0 by DAHOM