|
الجيب للشاعر الكبير فلاح بن مشعل البدراني
ماشريت الجيب ابا نصب في جنوبه=غير ابيه لحاجتي عند اللزومي غير ابيه لمنفذا يرجع هيوبه=اعتزيبه اليا غدا الخط العمومي اليا عطاله عثعثاً عمين دروبه=تقل سباحاً مع بحوراً تعومي وأن تناول نايفاَ تذرا هبوبه=راس تلاً ماوراه الا النجومي ويتمهزا الجيب مامر الجيب دوبه=ياخويي باللزوم وبالهجومي ياخوين ماحدن سولف عيوبه=وبالشجاعه له فعول وله علومي ومن يسب الجيب مشتفن ركوبه=يموت من لاذات دنياه محرومي لي لزوماً بالشمال ورحت صوبه=في متاهاتاً مافيها اللي يحومي الردي الياشافها حسب ذنوبه=ويتمهزاها ولد حراً عزومي انتعدا جوبه وندخل بجوبه=ماطلعنا من الخطر ليله ويومي والمراجل ماتجي غير بصعوبه=فتلت الشارب ودوسات البهومي والخشونه من الرجاله والعروبه=والنعومه للبنات وللرخومي وأن طلعنا من الخطر عدناه نوبه=لي ثلاث أيام نوم الذيب نومي فوق جيب وقلت مامر الجيب دوبه=ياخويي باللزوم بالهجومي |
صح لسان الشاعر
لاهنت ع النقل |
صح لساااانك
|
مشكورين على المرور
|
انشهد
الخشونه من الرجاله والعروبه.... والنعومه للبنات والرخومي صح لسان ابو محمد ويعطيك العافيه يا الاخ خالد |
يعطيك العافية يا خالد وصح لسانك ولسان الشاعر الكبير ابو محمد
والجيب يستاهل هناك ابيات عالقة في الذهن للشاعر الكبير رشيد زيد الزلامي ... يبدو ان الجيب مزعله وقال ابيات منها / وانا اشهد ان الجيب ما يستوي لي *** وانه حلالة قوم ماعرف طبوعه جيب ذبحني ذبح واظهر حفـــــــيلي *** كسر ضلوعي كسر الله ضلوعه تنثر زيوته مثل نثر الصمـــــــــيلي *** وحصيله اللي باللــــديتر يزوعه وانا كذلك زعلت من الجيب وارد ال84 وقلت ابيات فكاهية بصفة مراد بيني وبين الجيب وقد لاتحضرني جميعها الان وساذكر ما تختزنه الذاكرة .... ههههههه الجيب عذبني وخلص فلوسي... انشهد إن الجيب صاير بلوسي ياربعنا انا منه زايد هجوسي .... والله يالالا عازة الجيب ما اشريه الجيب هذا كاثرات بلاويــــــــة .... وكرونته راحت وضاعت مراوية ومهندسه عجزان عيا يسويه.....ــــــــــــــــــــــــــــــــــــــــ ــ قال الجيب يعاتبني // ههههههه تعود تذكرني اذا جتك المطبات .... اللي تخليك اسود الليل ماتبات ودياركم هذي رمال وملفـــات ..... ومن لايداريني تراني ما اداريه أما عراوي روح تلقى حصيلــه ... اذا جيت بالرمله لـــــــــزوم تشيله راعيه بالرمله يرفع شليلــــه ..... أنا اشهد انه خاسر من ركب فيه طبعا الجيب خصمني وصحيح اشتريت عراوي وتعبني بالرمال لكم فائق احترامي |
| الساعة الآن 03:36 PM. |
Powered by vBulletin® Version 3.7.1
Copyright ©2000 - 2024, Jelsoft Enterprises Ltd.
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
خريطة الموقع
mamnoa 4.0 by DAHOM
