ياليتني سيرت يم البدارين
هذه القصيده للشاعر حجاج عتقا خلف الحربي وهي مهداة للأمير / نايف بن هاجد بن راجح أمير شمل قبائل البدارين حفظه الله ورعاه
ياليتني سيرت يم البدارين = ونصيت بيت اللي عزيز جنابه الباتع المفراص بالعسر واللين = النادر اللي باللقاء ينغزا به إن قيل منهو قلت من يقضي الدين= نايف ولد هاجد ملاذ القرابه نايف ولد هاجد قبول الحشيمين = ياسعد والله من لجا والتجابه من جاء لبو غضبان لومن بعيدين= يقضي لزومه والخطر مايهابه نعم ياابن راجح زبون المخلين = حر شجاع ولابعد صك بابه نايف ولد هاجد صعوط المجانين = حلحيل شوق الترف جالي عذابه عن فعل ابوه وفعل يمناه دارين = جميع طولات الظفر تنلقابه مايجلس الا في مجالس سلاطين = وعند اللقاء بالجود يوخذ حسابه له مجلس مدهل رجالن عزيزين = سبع السباع وطالعن من ذيابه وافي ومتربع على طيب وافين = أمير حلال النشب والطلابه وربعه سعد عينه على أمره مطيعين= عزاز النفوس بكل درب مشابه لطامة العايل كعام الشياطين = الكل منهم فيه لطف وحبابه اليا اعتزوا كل البدارين ساطين = رجال الظفر فيهم عن الحقد ثابه حلوين للصاحب وللضد مرّين = سيوفن تشوق العين لمعة حرابه وختامها صلوا عد ناسن مصلين = على النبي المصطفى والصحابه |
مايجلس ألافي مجالس سلاطين وعنداللقاءبالجوديوخذحسابه
صح لسان الشاعر (حجاج) أعجبني هذا البيت والقصيده جزله والأمير <نايف> يستاهل المدح لأنه قامة عاليه أطال الله في عمره ومتعه بالصحة والعافيه بيض الله وجهك وسدد خطاك ابويارا |
|
|
سلمت وسلم من قالها
بسم الله الرحمن الرحيم
الأمير نايف بن هاجد بن راجح أطال الله بعمره أمير لا تكفي الكلمات وإن بلغت شأواً بعيداً لوصفه والثناء عليه الأمير نايف نادر في زمانه ولا تجد في معظم أمراء القبائل من يضاهيه في كرمه وشجاعته وحكمته وحنكته أطال الله بعمره وجعله ذخراً لقبيلته وسلمت ياخال على هذا المقال. والختام سلام,’,’,.. |
الاخوه ابويارا، ابن سعران ، اللهبي ، العز الشامخ
شكرا على المرور الجميل ،وكل عام وانتم بخير تــــــــــــــــحـــــــــــــــياتــــــــــــــ ي |
جيت ابي انسخ بيت واحطه لكن كل بيت احلى من اللي قبله
سلمت يمينك اخوووي ابن راجح على نقلك المميز وقليل بحق الشيخ نايف بن هاجد ابن راجح هذه الكلمات ويستاهل اكثر اطل الله عمره وامده بالصحه والعافيه وصح الله لسان الشاعر حجاج عتقا خلف الحربي على ماقال ارق التحايا ابن مفلح |
اقتباس:
لاهنت على النقل الذي أكثر من رائع الله يعطيك العافيه وصح لسان الشاعر حجاج |
ياليتنـي سيـرت يـم البـداريـن = ونصيت بيت اللي عزيـز جنابـه الباتع المفـراص بالعسـر والليـن = النـادر اللـي باللقـاء ينغـزا بـه إن قيل منهو قلت من يقضي الديـن = نايف ولـد هاجـد مـلاذ القرابـه [size=6 ]شكرا اخوي ابن راجح علي اتحافنا بهذه الدرر [/size] ويستاهل الامير المدح وصح لسان الشاعر حجاج |
|
الساعة الآن 05:34 AM. |
Powered by vBulletin® Version 3.7.1
Copyright ©2000 - 2024, Jelsoft Enterprises Ltd.
mamnoa 4.0 by DAHOM