![]() |
قصيدة (البدارين)
بسم الله الرحمن الرحيم إخواني وأخواتي -أعضاء وزوار هذا المنتدى الشامخ- (منتديات البدارين) . أضع بين أيديكم هذا القصيدة المتواضعه ، والتي كتبتها مادحاً "ربعي" البدارين من حرب ، كتبتها وأنا أدرك تماماً أنني مهما كتبت وكتبت من القصائد فلن افي (البدارين) حقهم .. ولن أحصي مناقبهم ومفاخرهم .. وما هذه الأبيات إلا أقل مااقدمه لربعي .. أتمنى أن اكون قد وفقت ولو في ذكر النزر اليسير من منجزاتهم .. 7
البارحه يوم أكثر الناس غافين=فر المنام من العيون وجفاها وسميت بالله من شرور الشياطين=وشبيت .. نار يفوح الماء .. لظاها وسويت لي من غالي الكيف نوعين=فنجالهن طب القلوب ودواها وهبت هبوب القيل معنى وتلحين=وثارت هواجيسي ودارت رحاها وقمت اتمشى بين خضر البساتين=وأقطف ما لاق من الزهور وشذاها غرايب مثل النفل والرياحين=في مبتداها العطر وبمنتهاها مدح بربعي ملحقين المخلين=كسابة النوماس سقم اخصماها اللي لهم بالمجد درب وعناوين=على النقاء والعز ذعذع هواها وكل البرايا يعرفون البدارين=اللابه اللي زين الله نباها اللابه اللي ماجهلوها الثقالين=وصلت مفاخرها النجوم وسماها مجرعة جيش العدو الأمرين=ومدلهة ..... ضيفانها ....وأقصراها ياما احتموا ذيدانهم بالنياشين=وتغنموا خيل الغزاه وقناها ياما أبطشوا بسيوفهم بالميادين=وياما أسفكوا من دم شيخ بثراها وياما وياما غببوا بالمعادين=تغبيب سرحان الخلا بالشياها تشهد لهم عدوانهم والموالين=وتشهد لهم حدب السيوف وشباها ويشهد لها التاريخ مبطي وهالحين=وعد الهميليه ودلوه وماها اللي عليها دار بين الفريقين=حرب ضروس كل راوي رواها فيها تصدوا للغزاه المغيرين=لابن رشيد ودولته وعقداها بقيادة اللي يضرب الضد ويلين=الشيخ ابن راجح زعيم ازعماها ومعهم من العوفان ثلاث واثنين=فزوا يوم الهيه تقادح سناها وخلوا جموع الغزو تنكف معيفين=تسحب أذيال الهزيمه وراها قوم تعلوا فوق رؤوس الضلاعين=وأمجادهم ماأحدن لحق مستواها الطيبين الغانمين الشجعين=أفخر فخر با أمجادهم واتباهى من حرب حرابةجيوش السلاطين=ياويل والله من قرب من حماها فيما مضى قبل الحكم والقوانين=حكم السعود مطوعة من عصاها اللي حكموا بالسيف والعدل والدين=وشبه الجزيره جرعوها عياها من دون قاصر بالرجال الوفيين=أهل البيوت اللي يذري ذراها وكل القبايل والنعم بالملايين=الله عطانا من عطاه وعطاهاا وسلاااامتكم |
و
عجز القلم يحصي فعول البدارين ........... اللابه اللي زيًن الله نباها صح لسانك أخي جمال البدراني يستاهلون البدارين وبيض الله وجهك قصيدة جزلة وما قصرت ومن حقك بل من حق جميع قبائل حرب أن تفخر بقبيلة البدارين دمت مبدعا أخي الكريم أخوكم سلمان ناشي الحجيلي |
اقتباس:
شاعرنا الغالي جمال البدراني انشهد قصيدة مكتملة في معناها ومبناها و جزلة ورائعة ووافية من رأس وافي وملئية بالشعر الذي يثلج الصدر صح لسانك مليون ولا يكفون يا ابن العم كفيت ووفيت وبيض الله وجهك ويحق لقبيلة البدارين ان تفخر بك وتفخر بها بارك الله فيك ووفقك لك فائق التحية والتقدير والاحترام |
الاخ العزيز ////جمال البدراني
صح لسانك مليووون وبيض الله وجهك قصيده جزله من شاعر جزل قصيده مليئه بالشعر والجزله وجميله جداااا ويحق لقبيلة البدارين ان تفخر بك وتفخر بها تقبل تحياتي وتقديري |
اقتباس:
صح بدنك .. أخي العزيز / سلمان الحجيلي (صاحب القلم المميز) وأشكرك من الأعماق على حضورك الجميل هنا ، ومشاركاتك الرائعه وتواجدك المستمر بالمنتدى واقولها بصراحة تااامه : بل نحن الأجدر أن نفتخر بوجودك -أيها الحبيب- بيننا فوجودك مكسب لنا ولمنتدياتنا ولاشك . بارك الله فيك دمت بحفظ الله |
اقتباس:
صح بدنك .. (أيها العمده) وشهادتك لقصيدتي شهادة أعتز بها لاعدمت تواجدك في متصفحاتي بارك الله فيك دمت كما تريد |
اقتباس:
صح بدنك .. أخي الكريم / مشاري البدراني وشرفني حضورك ومرورك الجميل بارك الله فيك تحياتي لك |
الاخ جمال
لا استطيعى اقول الا انك شامخ وقد اجدت فى القول فصح لسانك وعلا شانك لك الود |
صح لسانك وبيض الله وجهك قصيده جزله من شاعر جزل
|
اقتباس:
أهلاً وسهلاً .. بالأخ / محمد (أبوعبدالله) الحقيقه .. سعيد بتواجدك هنا فبحضورك أزدان متصفحي وأضاء بارك الله فيك دمت بخير |
اقتباس:
صح بدنك .. ووجهك أبيض أيها الحبيب / عبوودي وأسعدني كثيراً مرورك وحضورك الجميل بارك الله فيك دمت متوهجاً |
الأخ القدير جمال قصيدة في غاية الجمال صح لسانك عدد بلا مدد وبيض الله وجهك تقبل تحياتي وتقديري ،، |
اقتباس:
الأخ العزيز / ضيف الله البدراني .. صح بدنك ولاهنت أسعدني تواجدك الرائع في متصفحي بارك الله فيك دمت بخير |
صح لسانك ياجمال قصيدة مكتملة ورائعة |
صح بدنك يافهد |
اخوي الشاعر جمال البدراني
صح لسانك وبيض الله وجهك المدحك القبيلتك وهاذا وفا ياجمال اتمنا لك التوفيق الشاعربدرالبدراني |
شاعرنا الغالي والعزيز / أبو خالد صح بدنك .. ولا هنت ووجهك أبيض سعيد بتواجدك الجميل بمتصفحي بارك الله فيك \ تحيااااتي |
صح لسانك أخي جمال البدراني
|
الا خ جمــــــــــــــــــال
الف شكر وبيض الله وجهك وانت شاعر وكتب من عنوانها وقصيدتك بربعك دليلن على ثقة بنفسك وانته كفو تستاهل الثناء والعلم الطيب وادري انك تقول لاشكر على واجب وهذا واجب على شعار القبيلة لانه لايخلد فعل وتاريخ القبيلة الإ شعار القبيلة وعسى أن يحذو حذوك والف شكر مرة أخرى |
صح بدنك ,, أخي / الحرير |
الأخ العزيز / ابن سحمان صح بدنك .. ووجهك أبيض ياغااالي وأشكرك على هذا الإطراء الذي لا أستحقه الذي إن دل على شيء ، إنما يدل على جميل أخلاقك ونبل شمائلك ، وطيب معدنك . بارك الله فيك \ ولا عدمنا تواااااجدك |
قصيدة جزله من شاعر جزل نعم المادح والممدوح صح لسانك
|
صح لســـــــــــــــــــانك اخوي / جمــــــــــــــــــــــال
وكفــــــــــــــــــــــــــــــوووو موفق بإذن الله ... لك مني أجمل تحية . |
السلام عليكم
تبي العلم اخوي جمال صح والله لسانك علي هالقصيدة وأبيض وجه وأبي منك المزيد والمزيد انت كفو وشاعر وتقدر والبدارين يستاهلون |
الأخ الغالي / أحمد ماجد البدراني صح بدنك .. ولاهنت تشرفت بتواااجدك بمتصفحي بارك الله فيك \ دمت بخير |
الساعة الآن 10:39 AM. |
Powered by vBulletin® Version 3.7.1
Copyright ©2000 - 2024, Jelsoft Enterprises Ltd.
![]() |
![]() |
![]() |
![]() |
![]() |
![]() |
![]() |
![]() |
![]() |
![]() |
![]() |
![]() |
![]() |
![]() |
![]() |
![]() |
![]() |
![]() |
mamnoa 4.0 by DAHOM