قصيدة مهداة للشيخ عبدالرحمن بن نايف بن راجح
قصيده مهداة الي شيخ شمل قبيلة البدارين عبدالرحمن ابن نايف بن راجح من الشاعر/ممدوح فهد البدراني.
انا اشهد ان الرجال يخلفون الرجال"=الكلمه اللي من اللي شفت غنيتها" عنا رحل شيخنا اللي يرتكي للثقال"=واللي تنومس افعلوله لا تطريتها" اللي فعوله شهر فيها جنوب وشمال"=لوكان ابعدها بشعر ماحصيتها" شيخ شمل القبيله والسند والضلال"=نايف ياليته سنينه طولت ليتها" لكن هذا قضى من عند رب الجلال"=محيي نفوس البشر وفمره ايميتها" واليوم حله ابمحله شيخنا ابوطلال"=يستاهل الشيخه اللي عامرن بيتها" من عصر جده وابوه ابماضيات الليال"=ماهي ابشيخه جديده ماطلع صيتها" ولاهي بشيخة ختم والا بشيخة ريال"=شيختن شدادن مثبتن بثبيتها" يوم زرق الرماح ويوم ضرب السلال"=قدام كل الفتن يموت عفريتها" اخوان شيمه هلا الوقفات واهل الفعال"=عصاهم ارتاح وامن لاتعصيتها" أمجادهم باقيه حيه ومضرب مثال"=وانا القصيده من الاعجاب سويتها" |
|
السلام عليكم ورحمة الله وبركاته
صح لسان الشاعر ممدوح فهد البدراني على القصيدة الجزلة والرائعة ويستاهل ابو طلال كل خير ويعطيك العافية اخي تركي الزايد على نقل هذه الدرر لنا لك فائق اححترامي |
بسم الله الرحمن الرحيم
السلام عليكم ورحمة الله وبركاته صح لسان الشاعر وبيض الله وجهه ويستاهل الشيخ / عبدالرحمن ومشكور على النقل اخوي تركي |
صح لسان الشاعر : ممدوح بن فهد بن بايج البدراني وبيض الله وجهه وجهك يا بو ذعار
والشيخ : عبد الرحمن بن نايف بن راجح شيخ شمل قبيله البدارين يستاهل كل خير ونسال الله عزوجل لنا ولكم التوفيق انه ولي ذالك والقادر عليه تحياتي لكم |
الساعة الآن 12:36 AM. |
Powered by vBulletin® Version 3.7.1
Copyright ©2000 - 2024, Jelsoft Enterprises Ltd.
mamnoa 4.0 by DAHOM