بدوي في قلب لندن
نقلت لكم هذه القصيدة لطرافتها ودراماتيكيتها التي تجعل القارئ كأنه يشاهد الحدث
جيت في لندن غريب مامعي شمسية=برد هدومي مطرها وبردن عظامي انتفض من شافني يقمول بي جنية=يوم صار الثلج من خلفي ومن قدامي قلت اباستاجر فيات ورخصتي دولية=وجا درقسونه يمين وصاردفع امامي وسقت مع شارع رشم وامشي حوالي مية=امتيامن لكن الشارع نطحني حامي واصدمت من سبتي عجوز عليمية=وقامت تصايح وتلعن ساعتي وايامي ثم انحشت وقلت ربي عالم بالنية=تحسبني هنديً والا بعد فيتنامي والحقتني نجدة تسوقها شرطية=من زراق عيونها ظني جرحت صيامي قالت انت اللي عكست الخط قبل شوية= عطني اثباتك وحضر ياغريب محامي ويوم شافت صورتي بالغترة المكوية=قالت انته تملك من النفط بيرن خامي قلت انا ملكي قليب بايسر الرمحية=هادم الوادي طرفها يوم سال العامي ان بغينا حفرها مافيه ميزانية=وان ورد ذودي عليها صدرن حيامي وسامحتني بنت ميجر حيثها نشمية=وعرفتني من شعوب العالم المتنامي وصرت اقضي لازمي مشي على رجليه= والصلاة اركض لها بالمركز الإسلامي للشاعر : سعود السبيعي |
الروحه يم لندن عزالله ماهي بسيطه
ههههههه..................... الاخ / ابن عضيب يعطيك الف الف عافيه |
الاخ ابن عضيب يعطيك الف عافيه على نقل القصيده
دمت بخير |
مشكور ابن عضيب
قصة طريفة انتقاء موفق والدنيا ماتسوى والضحك ماهو حرام |
أخوتي الأعزاء
ابو سعد بعيد المراميس ابو نورة تشرفت بمروركم |
الساعة الآن 08:19 AM. |
Powered by vBulletin® Version 3.7.1
Copyright ©2000 - 2024, Jelsoft Enterprises Ltd.
mamnoa 4.0 by DAHOM