أهداء خاص
هذه القصيدة لاخونا العزيز / محمد بن شمروخ بن جغيثم البدراني والمهداه للأخ العزيز / علي بن نايف بن منيف البدراني ومناسبتها رداً على تهنئته بعيد الاضحى المبارك .
جتني تهانيكم مساء ليلة العيد = برسالة تحمل مشاعر جديده يامرحبا أقولها لك تراديد = وبختصرها لك بجمله مفيده أقسمت لك بالله والله وأعيد = تبقى فريده والرسايل عديده منعقبها مغير أردد أناشيد = لين المشاعر كونت لي قصيده ما ضنتي ياخوك تحتاج تمجيد = أبوك نايف حي هاك الوليده له مفردات الشعر هلاً مواريد = وأختار كل منهن كل جزل وفريده أطرد وراهن في خيالي ولاصيد = وافرح كما القناص لاصاد صيده عمي على فرقاه يبكي صناديد = ياما على فرقاه كبد لهيده من غير ربعه شفت ناس ملاهيد = أنشهد أنه راح من فقيده مرحوم ياشيخ الرجال الاجاويد = ويقولها شمروخ في يوم عيده عساه بالفردوس دايم بتخليد = مع النبي وأهل الصفات الحميده وأقبل تحياتي عسى عيدك إسعيد = وتعيش لي دوم وحياتك سعيده |
الاخ راع القوداء
السلام عليكم ورحمة الله وبركاته صح لسانك على هذه القصيد وبيض الله وجهك وابوبدر يستاهل المدح والطيب وارثه من شايباً جعل اعظامه للجنه البارده تحيتي وتقديري للجميع ابويارا |
الاخ راع القوداء كل عام وانت والاخ علي بخير وعساكم من عواده |
---------لاضنتي ياخوك تحتاج تمجيد = أبوك نايف حي هاك الوليده
الاخ/ راعي القوداء بيض الله وجهك ووجه / محمد ابن شمروخ ابن جغيثم البدراني و ابو بدر نهل من معين نايف ماتعجز عن احتوائه اكثر من قصيده00 و تقبل احترام اخوك0 |
اقتباس:
الغالي راعي القوداء السلام عليكم ورحمة الله وبركاته: سلمت يداك وصح لسان شاعرنا الغالي محمد أبن شمروخ ويعلكم دائم ترفلون بالصحة والعافيه في ظل والدنا جميعآ الغالي صاحب النفس الشامخة والقلب الطاهر 0 ابوبدر يستاهل المدح وماجابه من بعيد وصلة الرحم والاقارب وارثها من ابومنيف عساه بالفردوس دايم بتخليد = مع النبي وأهل الصفات الحميده تقبل ارق واصدق مشاعر الحب والتقدير |
الساعة الآن 07:50 AM. |
Powered by vBulletin® Version 3.7.1
Copyright ©2000 - 2024, Jelsoft Enterprises Ltd.
mamnoa 4.0 by DAHOM